ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ການນຳຂັ້ນສູງຂອງ ສປປ ລາວ ສົ່ງສານສະແດງຄວາມເສົ້າສະຫຼົດໃຈ ຕໍ່ການສິ້ນພະຊົນຂອງ ພະບາດສົມເດັດ ພະເຈົ້າມະຫາຊີວິດ ພູມີພົນ ອະດຸນຍະເດດ ແຫ່ງ ຣາຊະອານາຈັກໄທ

 

ສົມເດັດພະນາງເຈົ້າ ສິຣິກິດ ພະບໍຣົມຣາຊະນີ,

 

ສົມເດັດພະບໍຣົມ ໂອຣະສາທິລາດ ສະຫຍາມມະກຸດຣາຊະກຸມານ,

 

ແຫ່ງ ຣາຊະອານາຈັກໄທ

 

ທີ່ ບາງກອກ,

 

          ພະນະທ່ານ,

 

ຂ້າພະເຈົ້າ ຮູ້ສຶກໂສກເສົ້າເສຍໃຈຢ່າງສຸດຊຶ້ງ ທີ່ໄດ້ຊາບຂ່າວ ກ່ຽວກັບ ການສິ້ນພະຊົນຂອງ ພະບາດສົມເດັດ ພະເຈົ້າມະຫາຊີວິດ ພູມີພົນ ອະດຸນຍະເດດ ແຫ່ງ ຣາຊະອານາຈັກໄທ ໃນຕອນບ່າຍຂອງວັນທີ 13 ຕຸລາ 2016.

 

ພະບາດສົມເດັດ ພະເຈົ້າມາຫາຊີວິດ ພູມີພົນ ອະດຸນຍະເດດ ເປັນພະຣາຊາທີ່ມີນ້ຳໃຈເສຍສະຫຼະອັນສູງສົ່ງ ແລະ ມີຄຸນງາມຄວາມດີອັນໃຫຍ່ຫຼວງອຸທິດໃຫ້ແກ່ປະເທດຊາດ ແລະ ປວງຊົນຊາວໄທ ຕະຫຼອດ 70 ປີ ຂອງການຄອງລາດຂອງພະອົງ ອັນໄດ້ເຮັດໃຫ້ ພະອົງ ເປັນທີ່ຮັກ ແລະ ເຄົາລົບ ຂອງປວງຊົນຊາວໄທທຸກທົ່ວໜ້າ. ນອກນີ້ ພະອົງ ກໍ່ໄດ້ມີບົດບາດສຳຄັນໃນການປັບປຸງ ແລະ ຮັດແໜ້ນສາຍພົວພັນມິດຕະພາບ ແລະ ການຮ່ວມມື ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ຣາຊະອານາຈັກໄທ ຕະຫຼອດມາ. ການຈາກໄປຂອງ ພະອົງ ເປັນການສູນເສຍອັນຍິ່ງໃຫຍ່ ສຳລັບປະຊາຊົນຊາວໄທທັງປວງ. ສຳລັບປະຊາຊົນລາວ ແມ່ນໄດ້ສູນເສຍຍາດມິດທີ່ມີຄຸນຄວາມດີຢ່າງໃຫຍ່ຫຼວງໃນການປະກອບສ່ວນອັນສຳຄັນເຂົ້າໃນການສ້າງ ແລະ ຮັດແໜ້ນສາຍພົວພັນມິດຕະພາບອັນດີງາມ ລະຫວ່າງ ສອງປະເທດ ແລະ ປະຊາຊົນສອງຊາດ ລາວ ແລະ ໄທ ໃຫ້ຂະຫຍາຍຕົວເປັນກ້າວໆມາ.

 

ໃນນາມ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມ ສ່ວນຕົວ, ຂ້າພະເຈົ້າ ຂໍສົ່ງຄວາມອາໄລອັນເລິກເຊິ່ງ ແລະ ແບ່ງເບົາຄວາມທຸກໂສກ ມາຍັງ ສົມເດັດ ພະລາຊີນີ, ສົມເດັດອົງມະກຸດຣາຊະກຸມານ ແລະ ພະບໍລົມວົງສານຸວົງທຸກພະອົງ ພ້ອມດ້ວຍປະຊາຊົນຊາວໄທ ທັງປວງ ມານະທີ່ນີ້ດ້ວຍ.

 

ຂໍໃຫ້ດວງວິນຍານຂອງ ພະບາດສົມເດັດ ພະເຈົ້າມາຫາຊີວິດ ພູມີພົນ ອະດຸນຍະເດດ ແຫ່ງ ຣາຊະອານາຈັກໄທ ຈົ່ງໄປສູ່ຂະຕິສຸກ.

 

 

ບຸນຍັງ ວໍລະຈິດ

 

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

 

ນະຄອນຫຼວງວຽງຈັນ, ວັນທີ 13 ຕຸລາ 2016

--------------------------------------------------------------------------------------------------------

 

 

ພົນເອກປຣະຍຸດ ຈັນໂອຊາ                                  

 

ນາຍົກລັດຖະມົນຕີ ແຫ່ງ ຣາຊະອານາຈັກໄທ

 

ທີ່ ບາງກອກ,

 

ພະນະທ່ານ,

 

ຂ້າພະເຈົ້າ ຮູ້ສຶກເສົ້າສະຫຼົດໃຈຢ່າງສຸດຊຶ້ງ ຕໍ່ການສິ້ນພະຊົນຂອງ ພະບາດສົມເດັດ ພະເຈົ້າມາຫາຊີວິດ ພູມີພົນ ອະດຸນຍະເດດ ແຫ່ງ ຣາຊະອານາຈັກໄທ ໃນຕອນບ່າຍຂອງວັນທີ 13 ຕຸລາ 2016, ເຊິ່ງເປັນການສູນເສຍ ພະລາຊາ ຜູ້ທີ່ໄດ້ອຸທິດຕົນ ເພື່ອພັດທະນາຊີວິດການເປັນຢູ່ຂອງປະຊາຊົນຊາວໄທ, ພະອົງ ເປັນກະສັດທີ່ຄອງລາຊະບັນລັງເປັນເວລາຍາວນານທີ່ສຸດ ອັນໄດ້ເຮັດໃຫ້ຊື່ສຽງ ແລະ ປາລາມີຂອງພະອົງ ເປັນທີ່ຮັບຮູ້ຢ່າງກວ້າງຂວາງ. ເປັນການສູນເສຍບຸກຄົນສຳຄັນຜູ້ທີ່ມີຄຸນງາມຄວາມດີ, ນັກພັດທະນາທີ່ດີເດັ່ນ ທີ່ໄດ້ອຸທິດທຸກເຫື່ອແຮງຂອງຕົນ ເພື່ອປະຊາຊົນຕະຫຼອດມາ.

 

ລັດຖະບານ ແລະ ປະຊາຊົນລາວ ຖືວ່າເປັນການສູນເສຍເພື່ອນມິດທີ່ໃກ້ຊິດ ທີ່ໄດ້ປະກອບສ່ວນອັນສຳຄັນເຂົ້າໃນການເສີມສ້າງ ແລະ ຮັດແໜ້ນສາຍພົວພັນມິດຕະພາບຖານບ້ານໃກ້ເຮືອນຄຽງທີ່ດີ ແລະ ການຮ່ວມມືທີ່ມີປະສິດທີ່ຜົນ ລະຫວ່າງ ສອງຊາດ ລາວ ແລະ ໄທ.

 

ໃນນາມ ລັດຖະບານ ແຫ່ງ ສາທານະລັດ ປະຊາທິປະໄຕ ປະຊາຊົນລາວ ແລະ ໃນນາມ ສ່ວນຕົວ, ຂ້າພະເຈົ້າ ຂໍສົ່ງຄວາມໄວ້ອາໄລອັນສຸດຊຶ້ງ ແລະ ແບ່ງເບົາຄວາມທຸກໂສກ ມາຍັງ ພະນະທ່ານ ນາຍົກລັດຖະມົນຕີ, ຄະນະລັດຖະບານ ແຫ່ງ ຣາຊະອານຈັກໄທ ແລະ ປະຊາຊົນໄທ ທັງປວງ ມານະໂອກາດນີ້ດ້ວຍ.

 

ຂໍໃຫ້ດວງວິນຍານຂອງ ພະເຈົ້າມາຫາຊີວິດ ພູມີພົນ ອະດຸນຍະເດດ ຈົ່ງໄປສູ່ຂະຕິສຸກ.

 

ດ້ວຍຄວາມນັບຖືຢ່າງສູງ,

 

 

ທອງລຸນ ສີສຸລິດ

 

ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

 

ນະຄອນຫຼວງວຽງຈັນ, ວັນທີ 13 ຕຸລາ 2016

--------------------------------------------------------------------------------------------------------

 

 

 

ພະນະທ່ານ ດອນ ປຣະມັດວິໄນ

 

ລັດຖະມົນຕີກະຊວງການຕ່າງປະເທດ ແຫ່ງ ຣາຊະອານາຈັກໄທ

 

ທີ່ ບາງກອກ,

 

ພະນະທ່ານ,

 

ຂ້າພະເຈົ້າ ຮູ້ສຶກເສົ້າສະຫຼົດໃຈຢ່າງສຸດຊຶ້ງ ທີ່ໄດ້ຊາບຂ່າວ ກ່ຽວກັບ ການສິ້ນພະຊົນຂອງ ພະບາດສົມເດັດ ພະເຈົ້າມະຫາຊີວິດ ພູມີພົນ ອະດຸນຍະເດດ ແຫ່ງ ຣາຊະອານາຈັກໄທ ໃນຕອນບ່າຍຂອງວັນທີ 13 ຕຸລາ 2016 ເຊິ່ງເປັນການສູນເສຍ ພະລາຊາ ຜູ້ຍິ່ງໃຫຍ່ຂອງປວງຊົນຊາວໄທ.

 

ຕະຫຼອດໄລຍະ 70 ປີ ແຫ່ງການຂຶ້ນຄອງລາຊະບັນລັງ, ພະອົງ ໄດ້ອຸທິດຕົນ ເພື່ອພັດທະນາຊີວິດການເປັນຢູ່ຂອງປະຊາຊົນຊາວໄທ, ພະອົງ ເປັນນັກພັດທະນາທີ່ດີເດັ່ນ ແລະ ເປັນຜູ້ປະດິດຄິດສ້າງປັດຊະຍາເສດຖະກິດພໍພຽງ ອັນເປັນທີ່ຮັບຮູ້ແຜ່ຫຼາຍ ໃນການສ້າງສາພັດທະນາແບບຢືນຢົງ. ນອກນັ້ນ, ພະອົງ ກໍ່ຍັງມີບົດບາດສຳຄັນໃນການປັບປຸງ ແລະ ຮັດແໜ້ນສາຍພົວພັນມິດຕະພາບຖານບ້ານໃກ້ເຮືອນຄຽງທີ່ດີ ແລະ ການຮ່ວມມືທີ່ມີໝາກມີຜົນ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ຣາຊະອານາຈັກໄທ ໃຫ້ແຕກດອກອອກຜົນຕະຫຼອດມາ. ການຈາກໄປຂອງ ພະອົງ ເປັນການສູນເສຍອັນຍິ່ງໃຫຍ່ ສຳລັບປະຊາຊົນຊາວໄທ ທັງປວງ.

 

ໃນນາມ ການນຳ ກໍຄືພະນັກງານຂອງກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມ ສ່ວນຕົວ, ຂ້າພະເຈົ້າ ສະແດງຄວາມໄວ້ອາໄລຢ່າງສຸດຊຶ້ງ ແລະ ຂໍແບ່ງເບົາຄວາມທຸກໂສກ ມາຍັງ ພະນະທ່ານ ລັດຖະມົນຕີ ແລະ ພະນັກງານກະຊວງການຕ່າງປະເທດ ແຫ່ງ ຣາຊະອານາຈັກໄທ ມານະໂອກາດນີ້ດ້ວຍ.

 

ຂໍວິງວອນໃຫ້ດວງວິນຍານຂອງ ພະບາດສົມເດັດ ພະເຈົ້າມາຫາຊີວິດ ພູມີພົນ ອະດຸນຍະເດດ ຈົ່ງໄປສູ່ຂະຕິສຸກ.

 

ດ້ວຍຄວາມນັບຖືຢ່າງສູງ.

 

 

ສະເຫຼີມໄຊ ກົມມະສິດ

 

ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

 

ນະຄອນຫຼວງວຽງຈັນ, ວັນທີ 13 ຕຸລາ 2016

 

 

 

a
ແຈ້ງການ

*ຖະແຫຼງການຂອງກະຊວງການຕ່າງປະເທດ ກ່ຽວກັບ ສປປ ລາວ ສະແດງຄວາມຊົມເຊີຍ ແລະ ສະໜັບສະໜູນ ສປ ຈີນ ຕໍ່່ການຮັບຮອງເອົາກົດໝາຍ ວ່າດ້ວຍ ການຮັກສາຄວາມຫມັ້ນຄົງແຫ່ງ ຊາດຂອງເຂດປົກຄອງພິເສດຮົງກົງ.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ວັນທີ 01 ມິຖຸນາ 2020

*ສືບຕໍ່ປະຕິບັດບັນດາມາດຕະການຜ້ອນຜັນ, ມາດຕະການໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດ COVID-19 ໃນໄລຍະແຕ່ວວັນທີ 02-30 ມິຖຸນາ 2020

*ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ກ່ຽວກັບ ຮ່າງກົດໝາຍ ວ່າດ້ວຍ ການສ້າງ ແລະ ປັບປຸງລະບຽບກົດໝາຍ ແລະ ກົນໄກປະຕິບັດກົດໝາຍຕ່າງໆ ຂອງເຂດປົກຄອງພິເສດຮົງກົງ ເພື່ອຮັກສາຄວາມໝັ້ນຄົງແຫ່ງຊາດ.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19

ຄຳແນະນຳສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 (COVID-19)

* ປະກາດໂຄສະນາ ກ່ຽວກັບ ການຄັດເລືອກບຸກຄົນ ຫຼື ອົການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ

* ມາດຕະການປ້ອງກັນ ແລະ ສະກັດກັ້ນການລະບາດຂອງພະຍາດ ໂຄວິດ-19 ຂອງ ສປປ ລາວ ໃນປະຈຸບັນ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການໂຈະຊົ່ວຄາວການຮັບຄໍາຮ້ອງຂໍໜັງສືຜ່ານແດນທໍາມະດາ

* ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດໄວຣັດ Covid-19

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
223694
ມື້ນີ້75
ມື້ວານ106
ອາທິດນີ້46
ເດືອນນີ້2379
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710