ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສານສະແດງຄວາມເສົ້າສະຫຼົດໃຈ ຕໍ່ເຫດການວາງລະເບີດຢູ່ ເມືອງຊັງປີເຕີສະເບີກ

 

ພະນະທ່ານ ວຼາດີເມຍ ປູຕິນ,

ປະທານາທິບໍດີ ແຫ່ງ ສະຫະພັນ ຣັດເຊຍ

ມົດສະກູ,

 ພະນະທ່ານ,

ພວກຂ້າພະເຈົ້າ ໄດ້ຮັບຊາບຂ່າວເສົ້າສະຫຼົດໃຈຕໍ່ກັບເຫດການລະເບີດ ທີ່ໄດ້ເກີດຂຶ້ນໂດຍການກະທຳຂອງຜູ້ກໍ່ການຮ້າຍ ໃນວັນທີ 3 ເມສາ 2017 ຢູ່ສະຖານີລົດໄຟໃຕ້ດິນ, ເມືອງຊັງປີເຕີສະເບີກ, ຊຶ່ງເຮັດໃຫ້ມີປະຊາຊົນຜູ້ບໍລິສຸດໄດ້ຮັບເຄາະຮ້າຍເສຍຊີວິດ ແລະ ບາດເຈັບເປັນຈຳນວນຫຼວງຫຼາຍ.

 

ໃນນາມຕາງໜ້າໃຫ້ປະຊາຊົນແຫ່ງ ສປປ ລາວ ແລະ ໃນນາມສ່ວນຕົວ ຂ້າພະເຈົ້າ ຂໍສະແດງຄວາມເສົ້າສະຫຼົດໃຈຢ່າງສຸດຊຶ້ງມາຍັງ ພະນະທ່ານ ແລະ ປະຊາຊົນ ແຫ່ງ ສະຫະພັນ ຣັດເຊຍ ພ້ອມທັງ ຄອບຄົວຍາດຕິພີ່ນ້ອງຜູ້ທີ່ຖືກເຄາະຮ້າຍຈາກເຫດການທີ່ຮຸນແຮງຄັ້ງນີ້.

 

ສປປ ລາວ ກ່າວປະນາມຕໍ່ການກໍ່ການຮ້າຍຄັ້ງນີ້ຢ່າງແຂງແຮງ ແລະ ຈະສາມັກຄີຄຽງບ່າຄຽງໄຫຼ່ ກັບ ສະຫະພັນ ຣັດເຊຍ ເພື່ອຮ່ວມມືກັບປະຊາຄົມໂລກ ໃນການຕໍ່ສູ້ຕ້ານການກໍ່ການຮ້າຍ ໃນທຸກຮູ ບແບບ ແລະ ການສະແດງອອກ.

 

                                                                    ດ້ວຍຄວາມນັບຖືຢ່າງສູງ,

 

ບຸນຍັງ ວໍລະຈິດ

 ປະທານປະເທດ

                                                    ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

----------------------------------------------------------------------------------------------------------------------

ພະນະທ່ານ ດີມີຕຼີ ເມດເວດເດບ,

ນາຍົກລັດຖະມົນຕີແຫ່ງ ສະຫະພັນ ຣັດເຊຍ

ມົດສະກູ,

ພະນະທ່ານ,

ພວກຂ້າພະເຈົ້າ ໄດ້ຮັບຊາບຂ່າວເສົ້າສະຫຼົດໃຈ ຕໍ່ກັບເຫດການລະເບີດທີ່ໄດ້ເກີດຂຶ້ນໂດຍການກະທຳຂອງຜູ້ກໍ່ການຮ້າຍ ໃນວັນທີ 4 ເມສາ 2017 ຢູ່ ສະຖານີລົດໄຟໃຕ້ດິນ ເມືອງຊັງປີເຕີສະເບີກ, ຊຶ່ງເຮັດໃຫ້ມີປະຊາຊົນຜູ້ເຄາະຮ້າຍເສຍຊີວິດ ແລະ ບາດເຈັບເປັນຈຳນວນຫຼວງຫຼາຍ.

ຕາງໜ້າໃຫ້ລັດຖະບານ ແລະ ປະຊາຊົນແຫ່ງ ສປປ ລາວ, ພວກຂ້າພະເຈົ້າ ຂໍສະແດງຄວາມເສົ້າສະຫຼົດໃຈຢ່າງສຸດຊຶ້ງມາຍັງ ລັດຖະບານ ແລະ ປະຊາຊົນແຫ່ງ ສະຫະພັນ ຣັດເຊຍ ພ້ອມທັງ ຄອບຄົວຍາດຕິພີ່ນ້ອງຜູ້ຖືກເຄາະຮ້າຍໃນເຫດການສະເທືອນຂວັນຄັ້ງນີ້.

ສປປ ລາວ ກ່າວປະນາມຕໍ່ການກໍ່ການຮ້າຍດັ່ງກ່າວ ແລະ ຈະສາມັກຄີຄຽງບ່າຄຽງໄຫຼ່ກັບ ສະຫະພັນ ຣັດເຊຍ ເພື່ອຮ່ວມມືກັບປະຊາຄົມໂລກໃນການຕໍ່ສູ້ຕ້ານການກໍ່ການຮ້າຍ ແລະ ຄວາມຮຸນແຮງທຸກຮູບແບບ.

ດ້ວຍຄວາມນັບຖືຢ່າງສູງ,

ທອງລຸນ ສີສຸລິດ

ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
117987
ມື້ນີ້37
ມື້ວານ94
ອາທິດນີ້383
ເດືອນນີ້2313
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710