ນະຄອນຫຼວງວຽງຈັນ, ວັນທີ20 ທັນວາ 2017

ພະນະທ່ານ Sebastian KURZ

ນາຍົກລັດຖະມົນຕີ ແຫ່ງ ສາທາລະນະລັດ ໂອຕຣິດ

ທີ່ວຽນນາ

ພະ​ນະ​ທ່ານ​,

ເນື່ອງ​ໃນ​ໂອ​ກາດທີ່ພະນະທ່ານໄດ້ຖືກ​ແຕ່ງຕັ້ງໃຫ້ດຳລົງຕຳແໜ່ງເປັນນາຍົກລັດຖະມົນ​ຕີແຫ່ງສາທາລະນະລັດ ໂອຕຣິດ ຄົນ​ໃໝ່, ໃນນາມລັດຖະບານແຫ່ງສາທາລະນະລັດປະຊາທິປະໄຕປະຊາຊົນລາວແລະໃນນາມສ່ວນຕົວ, ຂ້າ​ພະ​ເຈົ້າຂໍສົ່ງ​ຄຳ​ຊົມເຊີຍຢ່າງຈິງໃຈແລະພອນ​ໄຊ​ອັນ​ປະ​ເສີດ ​ມາ​ຍັງ​ພະ​ນະ​ທ່ານ​ ຈົ່ງ​ມີ​ພະລານາໄມສົມບູນ, ມີ​ຄວາມ​ຜາ​ສຸກແລະປະ​ສົບ​ຜົນ​ສຳ​ເລັດໃນ​ໜ້າ​ທີ່​ວຽກ​ງານ​ອັນ​ສູງ​ສົ່ງ​ຂອງ​ພະ​ນະທ່ານ ​ແລະ ອວຍພອນໃຫ້ປະຊາຊົນ​ໂອຕຣິດ ຈົ່ງ​ປະສົບ​ແຕ່​ຄວາມ​ຈະ​ເລີ​ນຮຸ່ງ​ເຮືອງ​ ​ແລະ ວັດທະນາ​ຖາວອນ.

ຂ້າ​ພະ​ເຈົ້າຫວັງຢ່າງຍິ່ງວ່າສາຍພົວ​ພັນ​ມິດ​ຕະ​ພາບແລະການ​ຮ່ວມ​ມືທີ່ດີລະ​ຫວ່າງສອງປະເທດພວກເຮົາຈະ​ໄດ້​ຮັບ​ການ​ສືບຕໍ່​ເສີມ​ຂະຫຍາ​ຍໃຫ້ນັບມື້ນັບຂະຫຍາຍຕົວຍິ່ງໆຂື້ນເພື່ອຜົນປະໂຫຍດຮ່ວມກັນຂອງປະຊາຊົນສອງຊາດພວກເຮົາ ​ແລະ ​ເພື່ອ​ສັນຕິພາບ​ໂລກ.

                   ດ້ວຍ​ຄວາມ​ນັບ​ຖື​ຢ່າງ​ສູງ,

                                                                         ທອງ​ລຸນ ສີ​ສຸ​ລິດ

                             ນາຍົກລັດຖະມົນຕີ

                     ແຫ່ງ ສາທາລະນະລັດ ປະ​ຊາ​ທິ​ປ​ະ​ໄຕ ປະ​ຊາ​ຊົນລາວ

ພະນະທ່ານ ນາງ Karin KNEISSL

ລັດຖະມົນຕີກະຊວງກິດຈະການເອີຣົບ, ການເຊື່ອມໂຍງ ແລະ ການຕ່າງປະເທດ

ແຫ່ງ ສາທາລະນະລັດ ໂອຕຣິດ

ທີ່ວຽນນາ

ພະ​ນະ​ທ່ານ​,

ເນື່ອງ​ໃນ​ໂອ​ກາດທີ່ພະນະທ່ານໄດ້ຖືກແຕ່ງຕັ້ງໃຫ້ດຳລົງຕຳແໜ່ງເປັນລັດຖະມົນຕີກະຊວງ ກິດຈະການເອີຣົບ, ການເຊື່ອມໂຍງ ແລະ ການຕ່າງປະເທດ ແຫ່ງສາທາລະນະລັດໂອຕຣິດຄົນໃໝ່, ຂ້າ​ພະ​ເຈົ້າມີຄວາມປື້ມປິຕິຍິນດີເປັນຢ່າງຍິ່ງຂໍ​ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນແລະພອນ​ໄຊ​ອັນ​ປະ​ເສີດ ​ມາ​ຍັງ​ພະ​ນະ​ທ່ານ​ ຈົ່ງ​ມີ​ສຸ​ຂະ​ພາບ​ເຂັ້ມ​ແຂງ, ມີ​ຄວາມ​ຜາ​ສຸກແລະປະ​ສົບ​ຜົນ​ສຳ​ເລັດ​ ໃນ​ໜ້າ​ທີ່​ວຽກ​ງານ​ອັນ​ສູງ​ສົ່ງ​ຂອງ​ພະ​ນະທ່ານ.

ຂ້າ​ພະ​ເຈົ້າຫວັງຢ່າງຍິ່ງວ່າຈະໄດ້ເຮັດວຽກຮ່ວມກັບພະນະທ່ານເພື່ອສືບຕໍ່ເສີມຂະຫຍາຍສາຍພົວ​ພັນ​ມິດ​ຕະ​ພາບແລະການ​ຮ່ວມ​ມືທີ່ດີລະ​ຫວ່າງສອງປະເທດພວກເຮົາກໍ່ຄືລະຫວ່າງສອງກະຊວງການຕ່າງປະເທດ.

ດ້ວຍ​ຄວາມ​ນັບ​ຖື​ຢ່າງ​ສູງ,

                                                       ສະເຫຼີມໄຊກົມມະສິດ

   ລັດຖະມົນຕີກະຊວງການຕ່າງປະເທດ

    ແຫ່ງ ສາທາລະນະລັດ ປະ​ຊາ​ທິ​ປ​ະ​ໄຕ ປະ​ຊາ​ຊົນລາວ