ນອນຄອນຫລວງວຽງຈັນ, ວັນທີ 25 ທັນວາ 2016
ພະນະທ່ານ
ຂ້າພະເຈົ້າ ໄດ້ຮັບຊາບຂ່າວພາຍຸ Tembin ທີ່ພັດເຂົ້າພາກໃຕ້ຂອງ ຟີລິບປິນ ໃນວັນທີ 22 ທັນວາ 2017, ເຊິ່ງໄດ້ສ້າງຄວາມເສຍຫາຍຕໍ່ຊີວິດ ແລະ ຊັບສິນ ຂອງປະຊາຊົນ.
ໃນນາມລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເຫັນໃຈມາຍັງພະນະທ່ານ, ຜ່ານພະນະທ່ານໄປຍັງ ລັດຖະບານ ແລະ ປະຊາຊົນ ແຫ່ງ ສາທາລະນະລັດ ຟີລິບປິນ,ໂດຍສະເພາະ ຕໍ່ຄອບຄົວຂອງ ຜູ້ທີ່ໄດ້ຮັບເຄາະຮ້າຍຈາກໄພທຳມະຊາດ ໃນຄັ້ງນີ້.
ຂ້າພະເຈົ້າ ເຊື່ອໝັ້ນວ່າ ດ້ວຍຄວາມເອົາໃຈໃສ່ຂອງພະນະທ່ານ ແລະ ລັດຖະບານ ຟີລິບປິນ, ປະຊາຊົນ ຟີລິບປິນ ຈະຜ່ານຜ່າຄວາມຫຍຸ້ງຍາກຈາກໄພທໍາມະຊາດໃນຄັ້ງນີ້ ແລະ ຟື້ນຟູຊີວິດການເປັນຢູ່ຂອງປະຊາຊົນໃນພື້ນທີ່ດັ່ງກ່າວ ໃຫ້ກັບຄືນສູ່ສະພາບປົກກະຕິໂດຍໄວ.
ດ້ວຍຄວາມເຄົາລົບ ແລະ ນັບຖືຢ່າງສູງ,
ທອງລຸນ ສີສຸລິດ
ນາຍົກລັດຖະມົນຕີ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ ໂຣດຣິໂກ ດຸຍແຕກເຕ
ປະທານາທິບໍດີ ແຫ່ງ ສາທາລະນະລັດ ຟີລິບປິນ
ມະນີລາ