ພະ​ນະ​ທ່ານ ບຸນ​ຍັງ ວໍ​ລະ​ຈິດ

ປະ​ທານ​ປະ​ເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ທີ່ ນະ​ຄອນ​ຫຼວງວຽງ​ຈັນ

ພະນະທ່ານ,

ເນື່ອງ​ໃນ​ໂອ​ກາດ​ວັນ​ຊາດ​ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ, ຂ້າພະເຈົ້າພ້ອມດ້ວຍ ລັດຖະບານ ແລະ ປະຊາຊົນ ອົດສະຕຣາລີ ຂໍ​ສົ່ງຄຳອວຍພອນອັນອົບອຸ່ນມາຍັງ ພະນະທ່ານ, ລັດຖະບານ ແລະ ປະຊາຊົນລາວ.

ປີ​ນີ້​ເປັນ​ປີ​ທີ່​ມີ​ຄວາມ​ສຳ​ຄັນ​ສຳ​ລັບ​ສອງ​ປະ​ເທດ​ພວກ​ເຮົາ ເນື່ອງ​ຈາກ​ພວກ​ເຮົາ​ໄດ້​ສະ​ເຫລີມ​ສະ​ຫລອງ ການ​ພົວ​ພັນ​ການ​ທູດ ຄົບ​ຮອບ 65 ປີ. ຂ້າ​ພະ​ເຈົ້າ ມີ​ຄວາມ​ປິ​ຕິ​ຍິນ​ດີ ທີ່​ພວກ​ເຮົາ​ສາ​ມາດ​ເຮັດ​ໃຫ້​ການ​ສະ​ເຫລີມ​ສະ​ຫລອງ​ດັ່ງ​ກ່າວ​ມີ​ຄວາມ​ໝາຍ​ສຳ​ຄັນ ​ດ້ວຍ​ການແລກ​ປ່ຽນ​ການ​ຢ້ຽມ​ຢາມ​ຂອງ​ການ​ນຳ​​ສອງ​ຝ່າຍ ຊຶ່ງ​ໃນ​ນັ້ນແມ່ນການຢ້ຽມ​ຢາມ ສ​ປ​ປ ລາວ ​ຄັ້ງ​ທຳອິດ​ຂອງ​ລັດ​ຖະ​ມົນ​ຕີ​ກະ​ຊວງ​ປ້ອງ​ກັນ​ປະ​ເທດ​ຂອງ​ອົດ​ສະ​ຕ​ຣາ​ລີ, ທ່ານ ນາງ ມາ​ຣິດສ ເພນ. ກໍ​ຄືການ​ຢ້ຽມ​ຢາມ ອົດ​ສະ​ຕ​ຣາ​ລີ ຂອງ ທ່ານ ສອນ​ໄຊ ສີ​ພັນ​ດອນ, ຮອງ​ນາ​ຍົກ​ລັດ​ຖະ​ມົນ​ຕີ ແລະ ທ່ານ ສະ​ເຫລີມ​ໄຊ ກົມ​ມະ​ສິດ, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ.

ລັດ​ຖະ​ບານ ອົດ​ສະ​ຕ​ຣາ​ລີ ມີ​ຄວາມຄອງ​ຄອຍ​ທີ່​ຈະ​ໄດ້​ຕ້ອນ​ຮັບ​ທ່ານ ນາ​ຍົກ​ລັດ​ຖະ​ມົນ​ຕີ ທອງ​ລຸນ ສີ​ສຸ​ລິດ ແລະ ບັນ​ດາ​ຜູ້​ນຳ​ຂອງ​ປະ​ເທດ​ອາ​ຊຽນ ເຂົ້າ​ຮ່ວມກອງ​ປະ​ຊຸມ​ສຸດຍອດ​ສະ​ໄໝ​ພິ​ເສດ ອາ​ຊຽນ-ອົດ​ສະ​ຕ​ຣາ​ລີ​ ໃນ​ເດືອນ​ມີ​ນາ 2018. ພວກ​ຂ້າ​ພະ​ເຈົ້າ ຂໍ​ສະ​ແດງ​ຄວາມ​ຂອບ​ໃຈ​ເປັນ​ຢ່າງ​ຍິ່ງ ມາ​ຍັງ​ລັດ​ຖະ​ບານ ຂອງທ່ານ ທີ່​ໄດ້​ໃຫ້​ການ​ສະ​ໜັບ​ສະ​ໜູນຕໍ່​ຂໍ້​ລິ​ເລີ່ມ​ດັ່ງ​ກ່າວ, ຊຶ່ງ​ຈະ​ເປັນ​ການຮັດ​ແໜ້ນ​ສາຍ​ພົວ​ພັນ​ ລະ​ຫວ່າງ ສອງ​ປະ​ເທດ​ພວກ​ເຮົາ ແລະ ຈະນຳ​ມາຊຶ່ງຄວາມ​ສະ​ຫງົບ​ ແລະ ຄວາມ​ຈະ​ເລີນ​ຮຸ່ງ​ເຮືອງຂອງ​ພາກ​ພື້ນ.

ຂ້າ​ພະ​ເຈົ້າ ເຊື່ອ​ໝັ້ນ​ວ່າ ສາຍ​ພົວ​ພັນມິດ​ຕະ​ພາບ ລະ​ຫວ່າງ ​ສອງ​ປະ​ເທດ​ພວກ​ເຮົາ​ ຈະ​ສືບ​ຕໍ່​ຂະ​ຫຍາຍ​ຕົວ​ໃນຊຸມ​ປີຕໍ່​ໜ້າ.

ດ້ວຍຄວາມເຄົາລົບ ແລະ ນັບຖືຢ່າງສູງ.    

ປີເຕີ ໂກສກຣົບ

ພະນະ​ທ່ານປີເຕີ ໂກສກຣົບ

ຜູ້ສຳເລັດຣາຊະການແຫ່ງເຄືອຈັກກະພົບ ອົດສະຕຣາລີ

16 ພະ​ຈິກ 2017