ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສານຊົມເຊີຍ ວັນສ້າງຕັ້ງສາຍພົວພັນການທູດ ລາວ-ເຢຍລະມັນ ຄົບຮອບ 60 ປີ ຈາກບັນດາການນຳ ແຫ່ງ ສປປ ລາວ

ນະຄອນຫຼວງວຽງຈັນ, ວັນທີ 30 ມັງ​ກອນ 2018

ພະນະທ່ານດ​ຣ. ອັງ​ເກ​ລາ ແມກ​ແກນ

ນາ​ຍົກລັດ​ຖະ​ມົນ​ຕີ

ແຫ່ງສາ​ທາ​ລະ​ນະ​ລັດ ສະ​ຫະ​ພັນ ເຢຍ​ລະ​ມັນ

ທີ່​ແບກ​ແລັງ

ພະນະທ່ານ,

ເນື່ອງໃນໂອກາດຄົບຮອບ 60 ປີ ວັນສ້າງຕັ້ງສາຍພົວພັນການທູດລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາ​ທາ​ລະ​ນະ​ລັດ ສະ​ຫະ​ພັນ ເຢຍ​ລະ​ມັນ (31/1/1958- 31/1/2018), ຂ້າພະເຈົ້າ ຂໍຖື​ເປັນ​ກຽດສົ່ງຄຳຊົມເຊີຍອັນອົບອຸ່ນ, ຈິງ​ໃຈ ແລະ ພອນໄຊອັນປະເສີດມາຍັງພະນະທ່ານ ແລະ ຜ່ານພະນະທ່ານໄປຍັງລັດ​ຖະ​ບານ ແລະ ປະ​ຊາ​ຊົນ ເຢຍ​ລະ​ມັນ​​ ​ທຸກ​ຖ້ວນ​ໜ້າ.

ຂ້າ​ພະ​ເຈົ້າ​ມີ​ຄວາມ​ປິ​ຕິ​ຊົມ​ຊື່ນ​ເປັນ​ຢ່າງ​ຍິ່ງ​ທີ່​ເຫັນ​ວ່າ ຕະຫຼອດໄລຍະ 60 ປີທີ່ຜ່ານມາ, ສາຍພົວພັນມິດ​ຕະ​ພາບ ແລະ ການຮ່ວມມືອັນດີ ລະຫວ່າງສອງປະເທດຂອງພວກເຮົາ ແມ່ນ​ມີ​ບາດ​ກ້​າວ​ຂະ​ຫຍາຍ​ຕົວ ແລະ ເພີ່ມ​ທະ​ວີ​ຢ່າງ​ໜັກ​ແໜ້ນ​. ໃນ​ໄລ​ຍະ​ຜ່ານ​ມາ ສ​ສ. ເຢຍ​ລະ​ມັນ ໄດ້​ປະ​ກອບ​ສ່ວນ​ອັນ​ສຳ​ຄັນ​ເຂົ້າ​ໃນ​ການ​ສ້າງ​ສາ ພັດ​ທະ​ນາ​ເສດ​ຖະ​ກິດ ສັງ​ຄົມ​ ຂອງ ສ​ປ​ປ ລາວ. ຂ້າພະເຈົ້າຕີ​ລາ​ຄາ​ສູງ​ຕໍ່​ການ​ຊ່ວຍ​ເຫຼືອ​ອັນ​ລ້ຳ​ຄ່າ​ດັ່ງ​ກ່າວ ແລະ ເຊື່ອໝັ້ນວ່າສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະເທດພວກ​ເຮົາ ຈະໄດ້ຮັບການເສີມ​ຂະ​ຫຍາຍ ໃຫ້​ແໜ້ນ​ແຟ້ນ​ຍິ່ງໆ​ຂຶ້ນ ເພື່ອ​ຜົນ​ປະ​ໂຫຍດ​ຂອງ​ປະ​ຊາ​ຊົນ​ ສອງ​ຊາດພວກ​ເຮົາ, ເພື່ອ​ສັນ​ຕິ​ພາບ, ການ​ຮ່ວມ​ມື​ຢູ່​ໃນ​ພາກ​ພື້ນ ແລະ ໃນ​ໂລກ.

ອີກເທື່ອໜຶ່ງ, ຂ້າພະເຈົ້າຂໍອວຍພອນໃຫ້ພະນະທ່ານຈົ່ງມີພະລານາໄມສົມບູນ, ມີ​ຄວາມ​ຜາ​ສຸກ ແລະ ປະສົບຜົນສຳເລັດໃນການປະຕິບັດໜ້າທີ່ອັນສູງສົ່ງຂອງພະນະທ່ານ ແລະ ຮ່ວມກັນສະເຫຼີມສະຫຼອງ 60 ປີ ແຫ່ງການສ້າງຕັ້ງສາຍພົວພັນການທູດຂອງສອງປະເທດພວກເຮົາຢ່າງສຳເລັດຜົນ.

    ດ້ວຍຄວາມນັບຖືຢ່າງສູງ,

          

       ​ທອງ​ລຸນ ສີ​ສຸ​ລິດ

​               ນາ​ຍົກ​ລັດ​ຖະ​ມົນ​ຕີ

   ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ


ພະນະທ່ານຊິກ​ມາ ກາບບ​ຣຽນ

ລັດຖະມົນຕີກະຊວງການຕ່າງປະເທດ

ແຫ່ງສາ​ທາ​ລະ​ນະ​ລັດ ສະ​ຫະ​ພັນ ເຢຍ​ລະ​ມັນ

ທີ່​ແບກ​ແລັງ

ພະນະທ່ານ,

ເນື່ອງໃນໂອກາດຄົບຮອບ 60 ປີ ວັນສ້າງຕັ້ງສາຍພົວພັນການທູດລະຫວ່າງສາທາລະນະລັດ ປະຊາທິປະໄຕ ປະຊາຊົນລາວ ແລະ ສາ​ທາ​ລະ​ນະ​ລັດ ສະ​ຫະ​ພັນ ເຢຍ​ລະ​ມັນ (31/1/11958 – 31/1/2018), ຂ້າພະເຈົ້າ ຂໍຖື​ເປັນ​ກຽດສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງພະນະທ່ານ ແລະ ຜ່ານພະນະທ່ານໄປຍັງພະນັກງານກະຊວງການຕ່າງປະເທດ​ ເຢຍ​ລະ​ມັນ ຈົ່ງ​ມີ​ສຸກ​ຂະ​ພາບ​ແຂງ​ແຮງ ແລະ ​ຄວາມ​ຜາ​ສຸກ.

ຂ້າ​ພະ​ເຈົ້າ​ມີ​ຄວາມ​ຊົມ​ຊື່ນ​ຍິນ​ດີ​ເປັນ​ຢ່າງ​ຍິ່ງ​ທີ່​ເຫັນ​ວ່າ ຕະຫຼອດໄລຍະ 60 ປີທີ່ຜ່ານມາສາຍພົວພັນມິດ​ຕະ​ພາບ ແລະ ການຮ່ວມມືອັນດີ ລະຫວ່າງສອງປະເທດຂອງພວກເຮົາມີ​ການ​ຂະ​ຫຍາຍ​ຕົວຕະຫຼອດ​ມາ. ​ຂ້າ​ພະ​ເຈົ້າ​ຂໍ​ສະ​ແດງ​ຄວາມ​ຂອບ​ໃຈ​​ຢ່າງຈິງ​ໃຈ ແລະ ຕີ​ລາ​ຄາ​ສູງ​ຕໍ່​ການ​ຊ່ວຍ​ເຫຼືອ​ອັນ​ລ້ຳ​ຄ່າ ຂອງລັດ​ຖະ​ບານ ແລະ ປະ​ຊາ​ຊົນ ເຢຍ​ລະ​ມັນ ທີ່​ມີ​ຕໍ່​ລັດ​ຖະ​ບານ ແລະ ປະ​ຊາ​ຊົນ​ລາວ ໃນ​ການ​ພັດ​ທະ​ນາ​ເສດ​ຖະ​ກິດ ສັງ​ຄົມ ໃນ​ອະ​ດີດກໍ່​ຄື​ໃນ​ປັດ​ຈຸ​ບັນ. ຂ້າພະເຈົ້າເຊື່ອໝັ້ນວ່າສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະເທດພວກ​ເຮົາ ທັງ​ໃນ​ກອບ​ສອງ​ຝ່າຍ ແລະ ຫຼາຍ​ຝ່າຍກໍຄືສອງກະຊວງການຕ່າງປະເທດພວກເຮົາຈະໄດ້ຮັບການສືບ​ຕໍ່​ຮັດ​ແໜ້ນ ແລະ ພັດ​ທະ​ນາ​ໃຫ້ແຕກດອກ​ອອກ​ຜົນ​​ຍິ່ງໆ​ຂຶ້ນໃນຊຸມປີຕໍ່ໜ້າ.

ອີກເທື່ອໜຶ່ງ, ຂ້າພະເຈົ້າຂໍອວຍພອນໃຫ້ພະນະທ່ານຈົ່ງມີພະລານາໄມສົມບູນ ແລະ ປະສົບຜົນສຳເລັດໃນການປະຕິບັດໜ້າທີ່ອັນສູງສົ່ງຂອງພະນະທ່ານ ແລະ ຮ່ວມກັນສະເຫຼີມສະຫຼອງ60 ປີແຫ່ງການສ້າງຕັ້ງສາຍພົວພັນການທູດຂອງສອງປະເທດພວກເຮົາຢ່າງສຳເລັດຜົນ.

    ດ້ວຍຄວາມນັບຖືຢ່າງສູງ,

          

       ສະ​ເຫຼີມ​ໄຊ ກົມ​ມະ​ສິດ

       ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ

     ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ

 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
138878
ມື້ນີ້95
ມື້ວານ94
ອາທິດນີ້257
ເດືອນນີ້2001
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710