ເຖິງພະນະທ່ານ ບຸນຍັງ ວໍລະຈິດ, ປະທານປະເທດ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທີ່ ນະຄອນຫລວງວຽງຈັນ
ຂ້າພະເຈົ້າ ຂໍສະແດງຄວາມເສຍໃຈ ແລະ ເຫັນໃຈຢ່າງເລິກເຊິ່ງ ຕໍ່ເຫດການເຂື່ອນໄຟຟ້ານຳ້ຕົກ ຢູ່ແຂວງອັດຕະປືຂອງລາວແຕກ ເຊິ່ງກໍ່ໃຫ້ເກີດຄວາມສູນເສຍຊີວິດຂອງປະຊາຊົນ ເປັນຈຳນວນຫລວງຫລາຍ ແລະ ສູນເສຍຊັບສິນອັນມະຫາສານ.
ຂ້າພະເຈົ້າ ຂໍຝາກຄວາມເສົ້າສະຫລົດໃຈຢ່າງສຸດຊຶ້ງ ຜ່ານພະນະທ່ານ ໄປຍັງຄອບຄົວຜູ້ທີ່ເສຍຊີວິດ ແລະ ຜູ້ສູນຫາຍອັນເນື່ອງມາຈາກອຸບັດເຫດທີ່ເກີດຂຶ້ນຢ່າງກະທັນຫັນດັ່ງກ່າວ ມານະທີ່ນີ້ດ້ວຍ.
ປະທານາທິບໍດີ ແຫ່ງ ມົງໂກນ
ຮານທ໌ມາກີງ ບັດໂທລັກ
ລັດຖະມົນຕີຕ່າງປະເທດ ແຫ່ງ ມົງໂກນ
ເຖິງພະນະທ່ານ ສະເຫລີມໄຊ ກົມມະສິດ, ລັດຖະມົນຕີກະຊວງ
ການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທີ່ ນະຄອນຫລວງວຽງຈັນ
ຂ້າພະເຈົ້າ ຂໍສະແດງຄວາມເສົ້າສະຫລົດໃຈຢ່າງສຸດຊຶ້ງ ຕໍ່ການສູນເສຍຊີວິດ ແລະ ຊັບສິນອັນໃຫຍ່ຫລວງ ໃນເຫດການເຂື່ອນໄຟຟ້ານຳ້ຕົກແຕກ ຢູ່ແຂວງອັດຕະປືຂອງລາວ.
ຂ້າພະເຈົ້າ ຂໍພາວະນາໃຫ້ຄົ້ນພົບປະຊາຊົນ ທີ່ສູນຫາຍຈຳນວນຫລາຍໃຫ້ມີຊີວິດຢູ່ ແລະ ຈົ່ງຜ່ານຜ່າຄວາມເສຍຫາຍໃຫ້ໄດ້ຢູ່ໃນໄລຍະເວລາອັນສັ້ນໆ, ຂໍຝາກຄວາມເຖິງ ພະນະທ່ານລັດຖະມົນຕີຊາບວ່າ ໃນຊຸມມື້ທີ່ມີຄວາມຫຍຸ້ງຍາກຢ່າງຫນັກຫນ່ວງດັ່ງກ່າວ ຈິດໃຈ ແລະ ຫມາກຫົວໃຈຂອງຊາວມົງໂກນພວກຂ້າພະເຈົ້າ ຢູ່ຄຽງຂ້າງພວກທ່ານສະເຫມີ.
(ລາຍເຊັນ)
ດຳດິນນີ ຊັອກທ໌ບາທາຣ໌