ນະຄອນຫຼວງວຽງຈັນ, ວັນທີ 26 ກໍລະກົດ 2018

ສົມເດັດ,

          ໃນນາມປະຊາຊົນລາວ ກໍ່ຄືໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດຢ່າງສູງ ຖວາຍພອນໄຊອັນປະເສີດມາຍັງ ສົມເດັດ ເນື່ອງໃນໂອກາດອັນເປັນສິລິມົງຄຸນ ວັນຄ້າຍວັນສະເຫຼີມພະຊົນມະພັນສາຂອງ ສົມເດັດ ຄົບຮອບ 66 ພັນສາ.

          ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງທີ່ເຫັນວ່າ ໃນຊຸມປີຜ່ານມາສາຍພົວພັນມິດຕະພາບ ແລະ ການຮ່ວມມືໃນຖານເພື່ອນບ້ານໃກ້ຄຽງທີ່ດີ ທີ່ມີພາສາປາກເວົ້າ ແລະ ວັດທະນະທໍາທີ່ຄ້າຍຄືກັນ ມາແຕ່ບູຮານນະການ ລະຫວ່າງ ສອງປະເທດ ກໍ່ຄືປະຊາຊົນສອງຊາດ ລາວ ແລະ ໄທ ໄດ້ຮັບການເພີ່ມພູນຄູນສ້າງ ແລະ ຂະຫຍາຍຕົວຢ່າງຕໍ່ເນື່ອງ ໃນຂອບສອງຝ່າຍ ແລະ ຫຼາຍຝ່າຍ ແລະ ຫວັງເປັນຢ່າງຍິ່ງວ່າ    ສາຍພົວພັນ ແລະ ການຮ່ວມມືທີ່ມີມູນເຊື້ອອັນດີງາມດັ່ງກ່າວ ຈະສືບຕໍ່ໄດ້ຮັບການພັດທະນາ ໃຫ້ແຕກດອກອອກຜົນຍິ່ງໆຂື້ນ ໃນຊຸມປີຕໍ່ໜ້າ ເພື່ອນໍາເອົາຜົນປະໂຫຍດຕົວຈິງ ມາສູ່ປະຊາຊົນສອງຊາດ ລາວ ແລະ ໄທ ໃຫ້ນັບມືນັບຫຼາຍຂື້ນ.

ຂ້າພະເຈົ້າ ເຊື້ອໝັ້ນວ່າ ພາຍໃຕ້ພະບໍຣົມໂພທິສົມພານ ຂອງສົມເດັດ, ຣາຊະອານາຈັກໄທ      ຈະສືບຕໍ່ມີຄວາມຮົ່ມເຢັນເປັນສຸກ, ຈະເລີນຮຸ່ງເຮືອງ ແລະ ວັດທະນາຖາວອນຍິ່ງໆຂື້ນໄປ.

ຂໍຖວາຍພອນແດ່ ສົມເດັດ ຊົງມີພາລະນາໄມສົມບູນ, ມີຄວາມຜາສຸກ ແລະ ມີພະຊົນມາຍຸຍາວນານ ເປັນຮົ່ມໂພຮົ່ມໄຊ ໃຫ້ແກ່ປະຊາຊົນໄທ ຕະຫຼອດໄປ.

ດ້ວຍຄວາມນັບຖືຢ່າງສູງ.

                   (ລາຍເຊັນ)

                  ບຸນຍັງ ວໍລະຈິດ

ສົມເດັດພະເຈົ້າຢູ່ຫົວມະຫາວະຊິຣາລົງກອນ

ບໍດິນທະຣະເທບພະຍະວະຣາງກູນ          

ແຫ່ງ ຣາຊະອານາຈັກໄທ

ທີ່ ບາງກອກ