ພະນະທ່ານ ບຸນຍັງ ວໍລະຈິດ,

ປະທານປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ຂ້າພະເຈົ້າ ມີຄວາມປິຕິຍິນດີສົ່ງຄຳອວຍພອນອັນອົບອຸ່ນ ມາຍັງພະນະທ່ານ, ລັດຖະບານ ແລະ ປະຊາຊົນ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ເນື່ອງໃນໂອກາດອັນເບີກບານມ່ວນຊື່ນ ຂອງວັນຊາດແຫ່ງ ສປປ ລາວ ຄົບຮອບ 43 ປີ.

ນັບຕັ້ງແຕ່ພວກເຮົາ ໄດ້ສ້າງຕັ້ງສາຍພົວພັນການທູດ 25 ປີ ຜ່ານມາ, ບຣູໄນ ດາຣູຊາລາມ ແລະ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ສືບຕໍ່ມີຄວາມປິຕິຊົມຊື່ນ ຕໍ່ສາຍພົວພັນມິດຕະພາບອັນອົບອຸ່ນ ໂດຍຜ່ານການຮ່ວມມືກັນໃນຫຼາຍຂົງເຂດ. ຂ້າພະເຈົ້າ ຫັວງຢ່າງຍິ່ງວ່າການສືບຕໍ່ເສີມຂະຫຍາຍສາຍພົວພັນສອງຝ່າຍ ຂອງພວກເຮົາຈະມີໂອ ກາດຫຼາຍຍິ່ງຂຶ້ນໃນຕໍ່ໜ້າ ແລະ ການຮ່ວມມືໃນພາກພື້ນ ເພື່ອຜົນປະໂຫຍດລວມ ຂອງສອງປະເທດ ແລະ ປະຊາ ຊົນສອງຊາດ ຂອງພວກເຮົາ.

ຂໍອວຍພອນໄຊອັນປະເສີດ ໃຫ້ພະນະທ່ານ ຈົ່ງສືບຕໍ່ມີຄວາມສຸກ ແລະ ມີສຸຂະພາບເຂັ້ມແຂງ.

ສົມເດັດ ຊຸນຕານ ຮາຈິ ຮັດຊານານ ໂບນເກຍ

ແຫ່ງບຣູໄນ ດາຣູຊາລາມ.

ພະນະທ່ານ

ປອ. ທອງລຸນ ສີສຸລິດ, ນາຍົກລັດຖະມົນຕີ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ຂ້າພະເຈົ້າ ຂໍຖືໂອກາດນີ້ ສົ່ງຄຳຊົມເຊີຍອັນອົບອຸ່ນ ມາຍັງພະນະທ່ານ, ລັດຖະບານ ແລະ ປະຊາຊົນ ແຫ່ງ ສາທາ ລະນະລັດ ປະຊາທິປະໄຕ ປະຊາຊົນລາວ ເນື່ອງໃນໂອກາດວັນຊາດ ແຫ່ງ ສປປ ລາວ.

ໃນໂອກາດການສ້າງຕັ້ງສາຍພົວພັນການທູດ ຂອງພວກເຮົາຄົບຮອບ 25 ປີ, ຂ້າພະເຈົ້າ ຮຸ້ສຶກປິຕິຍິນດີ ຕໍ່ສາຍພົວພັນມິດຕະພາບອັນອົບອຸ່ນ ແລະ ຄວາມຄືບໜ້າເປັນຢ່າງດີ ໃນການຮ່ວມມືສອງຝ່າຍພວກເຮົາ. ຂ້າພະເຈົ້າ ຫວັງເປັນຢ່າງຍິ່ງວ່າຈະໄດ້ຕ້ອນຮັບພະນະທ່ານ ທີ່ປະເທດ ບຣູໄນ ດາຣູຊາລາມ ໃນປີໜ້າ ແລະ ຈະເປັນໂອກາດຮັດແໜ້ນສາຍພົວ ພັນການເປັນຄູ່ຮ່ວມມື ໃນຂອບສອງຝ່າຍ ແລະ ຫຼາຍຝ່າຍອັນໃກ້ຊິດ.

ດ້ວຍຄວາມນັບຖື ແລະ ຂໍອວຍພອນໄຊ ພະນະທ່ານ ຈົ່ງມີການສະເຫຼີມສະຫຼອງຢ່າງມີຄວາມສຸກ.

ສົມເດັດ ຊຸນຕານ ຮາຈິ ຮັດຊານານ ໂບນເກຍ

ແຫ່ງບຣູໄນ ດາຣູຊາລາມ