ນະຄອນຫຼວງວຽງຈັນ, ວັນທີ 20 ກໍລະກົດ 2021
ພະນະທ່ານ,
ຂ້າພະເຈົ້າໄດ້ຮັບຊາບຂ່າວດ້ວຍຄວາມເສົ້າເສຍໃຈ ຕໍ່ເຫດການອຸທົກກະໄພທີ່ຮຸນແຮງ ຢູ່ລັດ North Rhine-Westphalia, Rhineland-Palatinate, Saarlandແລະ ລັດອື່ນໆ ຂອງປະເທດ ເຢຍລະມັນ ທີ່ເກີດຂຶ້ນ ແຕ່ວັນທີ 15 ກໍລະກົດ 2021, ອັນເປັນສາເຫດໃຫ້ມີຜູ້ເສຍຊີວິດ ແລະ ຄວາມເສຽຫາຍຢ່າງຫຼວງຫຼາຍຕໍ່ຊັບສິນຂອງປະຊາຊົນ ທີ່ອາໄສຢູ່ໃນພື້ນທີ່ດັ່ງກ່າວ.
ໃນນາມລັດຖະບານ ແລະ ປະຊາຊົນແຫ່ງສາທາລະນະລັດປະຊາທິປະໄຕປະຊາຊົນລາວ ກໍ່ຄືໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເສົ້າສະຫຼົດໃຈ ແລະ ສະແດງຄວາມເຫັນໃຈຢ່າງສຸດຊຶ້ງ ມາຍັງພະນະທ່ານ, ລັດຖະບານ ແລະ ປະຊາຊົນ ແຫ່ງ ສາທາລະນະລັດ ສະຫະພັນ ເຢຍລະມັນ ກໍຄື ຄອບຄົວ ຂອງຜູ້ທີ່ໄດ້ຮັບເຄາະຮ້າຍ ຈາກເຫດການອຸທົກກະໄພນໍ້າຖ້ວມໃນຄັ້ງນີ້ດ້ວຍ.
ຂ້າພະເຈົ້າເຊື່ອໝັ້ນວ່າ ດ້ວຍຄວາມເອົາໃຈໃສ່ຢ່າງຕັ້ງໜ້າ ຂອງ ລັດຖະບານ ແລະ ຂອງ ຕົວທ່ານເອງນັ້ນ, ປະຊາຊົນເຢຍລະມັນ ຈະສາມາດຜ່ານຜ່າໄພພິບັດຄັ້ງນີ້ ແລະ ພື້ນຟູເຂດດັ່ງກ່າວ ໃຫ້ກັບຄືນສູ່ສະພາບປົກກະຕິໂດຍໄວ.
ດ້ວຍຄວາມນັບຖືຢ່າງສູງ,
ພັນຄໍາ ວິພາວັນ
ພະນະທ່ານດຣ.ນາງອັງແກນລາແມກແກນ
ນາຍົກລັດຖະມົນຕີແຫ່ງສາທາລະນະລັດສະຫະພັນເຢຍລະມັນ
ທີ່ແບກແລັງ