ນະຄອນຫຼວງວຽງຈັນ, ວັນທີ    25    ກໍລະກົດ 2022

ພະນະທ່ານ,

ໃນ​ນາມ​ປະ​ຊາ​ຊົນລາວ ທຸກຖ້ວນໜ້າ ແລະ ໃນ​ນາມ​ສ່ວນ​ຕົວ, ຂ້າ​ພະ​ເຈົ້າ​ ມີ​ຄວາມ​ປິ​ຕິ​ຍິນ​ດີເປັນ​ຢ່າງ​ຍິ່ງສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ແລະ ພອນ​ໄຊ​ອັນ​ປະ​ເສີດ ມາ​ຍັງ ພະນະທ່ານ ແລະ ປະ​ຊາ​ຊົນເອຢິບ ເນື່ອງ​ໃນ​ໂອ​ກາດ​ວັນ​ຊາດ ແຫ່ງ ສາທາລະນະລັດ ອາຣັບ ເອຢິບ ຄົບຮອບ 70 ປີ.

ຂ້າພະເຈົ້າ ມີຄວາມປິຕິຍິນດີທີ່ເຫັນວ່າ ສາຍພົ​ວ​ພັນມິດ​ຕະ​ພາບ ແລະ ການຮ່ວມມືອັນດີ ລະຫວ່າງ    ສ​ປ​ປ ລາວ ແລະ ສາທາລະນະລັດ ອາຣັບ ເອຢິບ ໄດ້ຮັບການພັດທະນາຢ່າງຕໍ່ເນື່ອງ ແລະ ຂ້າ​ພະ​ເຈົ້າ ເຊື່ອ​ໝັ້ນ​ວ່າ ​ການ​ພົວ​ພັນຮ່ວມມື​ທີ່​ດີ​ດັ່ງ​ກ່າວ ຈະສືບ​ຕໍ່ຂະ​ຫຍາຍຕົວ​ໃນ​ຊຸມ​ປີ​ຕໍ່​ໜ້າ ເພື່ອ​ຜົນ​ປະ​ໂຫຍດ​ຮ່ວມ​ກັນ ຂອງປະ​ຊາ​ຊົນ​ສອງຊາດ​ພວກ​ເຮົາ.

ຂ້າ​ພະ​ເຈົ້າ ຂໍ​ອວ​ຍ​ພອນໃຫ້ ພະນະທ່ານ ຈົ່ງມີ​ສຸຂະພາບເຂັ້ມແຂງ, ມີ​ຄວາມ​ຜາ​ສຸກ ແລະ ປະສົບຜົນສໍາເລັດໃນໜ້າທີ່ອັນມີກຽດສູງສົ່ງ ແລະ ປະຊາຊົນເອຢິບ ຈົ່ງມີຄວາມກ້າວໜ້າ ແລະ ວັດທະນະຖາວອນຍິ່ງໆຂຶ້ນ.

                                            ດ້ວຍ​ຄວາມ​ນັບ​ຖືຢ່າງ​ສູງ,

ທອງລຸນ ສີສຸລິດ

ພະນະທ່ານ ອັບເດວ ຟາຕາ ອາລ ຊິຊິ

ປະທານາທິບໍດີ ແຫ່ງ ສາທາລະນະລັດ ອາຣັບ ເອຢິບ

ທີ່ ໄຄໂຣ