ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 77 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ສານອວຍພອນວັນຊາດ ຣາຊະອານາຈັກ ກຳປູເຈຍ ຂອງບັນດາການນຳຂັ້ນສູງ ສປປ ລາວ ສົ່ງເຖິງຝ່າຍ ກຳປູເຈຍ..

ນະຄອນຫຼວງ​ວຽງ​ຈັນ, ວັນ​ທີ     09    ພະຈິກ 2022

 

ພະ​ບາດ ສົມ​ເດັດ ພະບໍຣົມມະນຽດ ໂນໂຣດົມ ສີຫາໂມນີ

ພະ​ມະຫາ​ກະສັດ ​ແຫ່ງ ຣາຊະ​ອານາຈັກ ກໍາປູ​ເຈຍ                            

ທີ່ ນະຄອນຫຼວງ​ພະນົມ​ເປັນ

ພະ​ບາດສົມ​ເດັດ,

 

ເນື່ອງ​ໃນ​ໂອກາດ​ວັນ​ປະກາດ​ເອ​ກະລາດ ແຫ່ງ ຣາຊະ​ອານາຈັກ​ ກໍາປູ​ເຈຍ ຄົບຮອບ 69 ປີ,ໃນ​ນາມ​ປະຊາຊົນລາວ ແລະ ໃນ​ນາມ​ສ່ວນ​ຕົວ, ຂ້າພະ​ເຈົ້າ ມີຄວາມປິຕິຍິນດີເປັນຢ່າງຍິ່ງ ຂໍ​ສົ່ງ​ຄໍາ​ຊົມເຊີຍອັນ​ອົບອຸ່ນ ​ແລະ ພອນ​ໄຊ​ອັນ​ປະ​ເສີດ ມາ​ຍັງ ພະ​ບາດສົມ​ເດັດ ແລະ ປະຊາຊົນ ແຫ່ງ ຣາ​ຊະ​ອາ​ນາ​ຈັກ ​ກໍາປູ​ເຈຍ ທຸກ​ຖ້ວນ​ໜ້າ.

 

ຂ້າພະ​ເຈົ້າ ມີຄວາມພາກພູມໃຈເປັນຢ່າງຍິງທີ່ເຫັນວ່າ​​ ສາຍ​ພົວພັນ​ມິດຕະພາບ ແລະ​ ການ​ຮ່ວມ​ມືອັນດີງາມທີ່​ມີ​ມາ​ແຕ່​ດົນ​ນານ ຖານ​ບ້ານ​ໃກ້​ເຮືອນ​ຄຽງທີ່​ດີ ກໍຄື ການເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ ແລະ ໝັ້ນ​ຄົງ​ຍາວ​ນານ ລະຫວ່າງ ​ສອງ​ປະ​ເທດ ແລະ ​ປະຊາຊົນ​ສອງ​ຊາດ​ພວກ​ເຮົາ ໄດ້ຮັບເພີ່ມພູນຄູນສ້າງຢ່າງບໍ່ຢຸດຢັ້ງ. ຂ້າພະເຈົາ ມີຄວາມໝາຍໝັ້ນ ຮ່ວມກັບ ສົມເດັດ ເພື່ອເສີມຂະຫຍາຍໃຫ້ສາຍພົວພັນອັນດີງາມດັ່ງກ່າວ ສືບຕໍ່ໄດ້ຮັບການພັດທະນາ ແລະແຕກດອກອອກຜົນ ເພື່ອນຳຜົນປະໂຫຍດຕົວຈິງມາສູ່ປະຊາຊົນສອງຊາດຂພວກເຮົາ, ທັງເປັນການປະກອບສ່ວນເຂົ້າໃນການເສີມສ້າງ ສັນຕິພາບ, ສະຖຍງລະພາບ ແລະ ການຮ່ວມມື ເພື່ອພັດທະນາໃນພາກພື້ນ ແລະ ສາກົນ.

 

ຂ້າ​ພະ​ເຈົ້າ ເຊື່ອໝັ້ນວ່າ ພາຍໃຕ້ພະບໍຣົມໂພທິສົມພານຂອງ ພະບາດສົມເດັດ, ປະຊາຊົນກຳປູເຈຍທັງຊາດ ຈະສືບຕໍ່ມີຄວາມຮົ່ມເຢັນເປັນສຸກ ແລະ ມີຄວາມຈະເລີນຮຸ່ງເຮືອງຍິ່ງໆຂຶ້ນໄປ.

ຂໍຖວາຍພະ​ພອນ​ແດ່ ພະ​ບາດ​ສົມ​ເດັດ ຊົງ​ມີ​ພະ​ລາ​ນາ​ໄມ​ສົມບູນ, ມີ​ຄວາມ​ຜາ​ສຸກ, ມີພະຊົນມາຍຸຍືນຍາວນານ ​ແລະ ປະສົບຜົນສໍາເລັດໃນພາລະກິດອັນມີກຽດສູງສົ່ງຂອງພະອົງ.

 

                                  ດ້ວຍ​ຄວາມ​ນັບຖື​ຢ່າງ​ສູງ,

 

 

ທອງລຸນ ສີສຸລິດ

----------------------------------------------------------------------------------------------------------

ນະຄອນຫຼວງ​ວຽງ​ຈັນ, ວັນ​ທີ  9  ພະຈິກ 2022

ສົມ​ເດັດ,

​       

ໃນ​ນາມ​ລັດຖະບານ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ກໍຄື​ ໃນ​ນາມ​ສ່ວນ​ຕົວ, ຂ້າພະ​ເຈົ້າ​ ມີຄວາມຍິນດີເປັນຢ່າງຍິ່ງ ຂໍ​ສົ່ງ​ຄໍາ​ຊົມ​ເຊີຍ​ອັນ​ອົບ​ອຸ່ນ ​ແລະ ພອນ​ໄຊ​ອັນ​ປະ​ເສີດ ມາ​ຍັງ​ ລັດຖະບານ ​ແລະ ປະຊາຊົນ​ ແຫ່ງ ຣາຊະອານາຈັກ ກໍາປູ​ເຈຍ ເພື່ອນມິດທຸກ​ຖ້ວນ​ໜ້າ ​ເນື່ອງ​ໃນ​ໂອກາດວັນ​ປະກາດເອກະລາດ ແຫ່ງ ຣາຊະ​ອານາຈັກ ກໍາປູ​ເຈຍ ຄົບຮອບ 69 ປີ.

 

ຂ້າພະ​ເຈົ້າ ຕີລາຄາສູງຕໍ່ ສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງສອງປະເທດພວກເຮົາ ທີ່ໄດ້ຮັບການເສີມຂະຫຍາຍຢ່າງຕໍ່ເນື່ອງ ແລະ ແຕກດອກອອກຜົນໃນຊຸມປີຜ່ານມາ. ສອງປະເທດພວກເຮົາໄດ້ມີການແລກປ່ຽນການຢ້ຽມຢາມ ລະຫວ່າງການນຳຂັ້ນສູງຢ່າງເປັນປົກກະຕິ ອັນໄດ້ເປັນການປະກອບສ່ວນ ເຂົ້້າໃນການຊຸກຍູ້ການຮ່ວມມືໃນຫຼາຍຂົງເຂດ ຂອງການເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ ແລະ ໝັ້ນ​ຄົງ​ຍາວ​ນານ ໃຫ້ໄດ້ຮັັບການຈັດຕັ້ງປະຕິບັດໃຫ້ເປັນຮູບປະທຳຫຼາຍຂຶ້ນ ທັງຂອບສອງຝ່າຍ ແລະ ຫຼາຍຝ່າຍ ເພື່ອນໍາເອົາຜົນປະໂຫຍດຕົວຈິງ ມາສູ່ ປະຊາຊົນສອງຊາດພວກເຮົາ ກໍຄື ເພື່ອສັນຕິພາບ, ສະຖຽນລະພາບ ແລະ ການຮ່ວມມືເພື່ອພັດທະນາໃນພາກພື້ນ ແລະ ໃນໂລກ.

 

ປີນີ້ ກໍແມ່ນປີທີ່ມີຄວາມໝາຍສຳຄັນ ທີ່ ຣາຊະອານາຈັກ ກໍາປູເຈຍ ໄດ້ຮັບໜ້າທີ່ເປັນປະທານອາຊຽນ, ຂ້າພະເຈົ້າ ເຊື້ອໝັ້ນວ່າ ພາຍໃຕ້ການນໍາພາອັນສະຫຼາດສ່ອງໃສ ແລະ ປະສົບການທີ່ກວ້າງຂວາງຂອງພະນະທ່ານ ຣາຊະອານາຈັກກຳປູເຈຍ ຈະສາມາດຍາດໄດ້ຜົນສໍາເລັດຢ່າງໃຫຍ່ຫຼວງໃນການພັດທະນາປະເທດຊາດໃຫ້ຈະເລີນຮຸ່ງເຮືອງໃນທຸກດ້ານ ແລະ ສືບຕໍ່ພາລະກິດສໍາຄັນໃນພາກພື້ນ ແລະ ສາກົນ. 

 

ຂ້າພະເຈົ້າ  ຂໍຖືໂອກາດອັນສະຫງ່າລາສີນີ້, ​ອວຍພອນ​ໃຫ້ ສົມ​ເດັດ ຈົ່ງ​ມີ​ສຸຂະພາບ​ເຂັ້ມ​ແຂງມີ​ຄວາມ​ຜາ​ສຸກ ​ແລະ ປະສົບ​ຜົນ​ສໍາ​ເລັດອັນໃຫຍ່ຫຼວງກວ່າເກົ່າ​ໃນ​ພາລະ​ກິດ​ອັນ​ສູງ​ສົ່ງຂອງສົມເດັດ​ຂ້າພະເຈົ້າ ຫວັງວ່າຈະໄດ້ພົບປະຫາລື ກັບ ສົມເດັດ ໃນການເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 40, 41 ທີ່ ພະນົມເປັນ ໃນມໍ່ໆນີ້.

 

                                   ດ້ວຍ​ຄວາມ​ນັບຖື​ຢ່າງ​ສູງ,

        

 

    ພັນຄໍາ ວິພາວັນ

 

ສົມ​ເດັດ ອັກຄະ ມະຫາ​ ເສນາ​ ບໍດີ ​ເຕ​ໂຈ ຮຸນ ​​​ແຊນ                         

ນາຍົກລັດຖະມົນຕີ ​ແຫ່ງ ຣາຊະ​ອານາຈັກ ກໍາປູ​ເຈຍ                

ທີ່ ນະຄອນຫຼວງ​ພະນົມ​ເປັນ

----------------------------------------------------------------------------------------------------------

ນະຄອນຫຼວງ​ວຽງ​ຈັນ, ວັນ​ທີ   9 ພະຈິກ 2022

ພະນະ​ທ່ານ,

       

ເນື່ອງ​ໃນ​ໂອກາດວັນ​ປະກາດ​ເອ​ກະລາດ ​ແຫ່ງ ຣາຊະ​ອານາຈັກ​ ກໍາປູ​ເຈຍ ຄົບຮອບ 69 ປີ​​ໃນ​ນາມ​ກະຊວງ​ການ​ຕ່າງປະ​ເທດ ​ແຫ່ງ ສາທາລະນະ​ລັດ​ ປະຊາທິປະ​ໄຕ​ ປະຊາຊົນ​ລາວ ກໍ​ຄື​ ໃນ​ນາມ​ສ່ວນ​ຕົວ, ຂ້າພະ​ເຈົ້າ​ ມີ​ຄວາມຍິນ​ດີ​ເປັນ​ຢ່າງ​ຍິ່ງ ຂໍສົ່ງ​ຄໍາຊົມ​ເຊີຍ​ອັນ​ອົບ​ອຸ່ນ ແລະ ພອນ​ໄຊ​ອັນ​ປະ​ເສີດ ມາ​ຍັງ​ ພະນະ​ທ່ານ ແລະ ຜ່ານ ​ພະນະ​ທ່ານ ​ໄປ​ຍັງ ​ພະນັກງານກະຊວງ​ການ​ຕ່າງປະ​ເທດ ​ແລະ ຮ່ວມ​ມື​ສາກົນ ​ແຫ່ງ ຣາຊະ​ອານາຈັກ ກໍາປູ​ເຈຍ ທຸກ​ຖ້ວນ​ໜ້າ.

 

ຂ້າພະ​ເຈົ້າ ມີຄວາມພາກພູມໃຈທີ່ເຫັນ​ວ່າ ສາຍ​ພົວພັນ​ມິດຕະພາບ, ຄວາມ​ສາມັກຄີ​​ ແລະ ການຮ່ວມມືທີ່ມີມາແຕ່ດົນນານ ຖານບ້ານໃກ້ເຮືອນຄຽງທີ່ດີ​ ​ແລະ ການເປັນຄູ່ຮ່ວມມືຍຸດທະສາດຮອບດ້ານ ແລະ ໝັ້ນຄົງຍາວນານ ລະຫວ່າງສອງ​ປະ​ເທດ ກໍ​ຄື ສອງ​ກະຊວງ​ການ​ຕ່າງປະ​ເທດ​ຂອງ​ພວກ​ເຮົາ ໄດ້ຮັບການເພີ່ມພູນຄູນສ້າງໃນຊຸມປີທີ່ຜ່ານມາ ແລະ ໄດ້ຮັບຜົນສໍາເລັດໃນຫຼາຍຂົງເຂດການຮ່ວມມື ອັນໄດ້ນຳເອົາຜົນປະໂຫຍດຕົວຈິງ ມາສູ່ ປະຊາຊົນສອງຊາດພວກເຮົາ        ພິເສດແມ່ນ ຜົນສໍາເລັດກອງປະຊຸມ JCBC ຄັ້ງທີ 14 ເຊິ່ງຊ່ວຍຊຸກຍູ້ການຮ່ວມມືຂອງພວກເຮົາໃຫ້ໄດ້ຮັບການເສີມຂະຫຍາຍຢ່າງຕໍ່ເນື່ອງ. ຂ້າພະເຈົ້າ ພ້ອມແລ້ວທີ່ຈະຮ່ວມເຮັດວຽກ ກັບ ພະ ນະທ່ານຢ່າງໃກ້ຊິດ ແລະ ເຊື້ອໝັ້ນວ່າ ພາຍໃຕ້ການເປັນປະທານອາຊຽນຂອງ ຣາຊະອານາຈັກ ກຳປູເຈຍ ຈະສືບຕໍ່ນໍາເອົາຜົນປະໂຫຍດຮ່ວມກັນ ມາສູ່ ປະຊາຊົນສອງຊາດພວກເຮົາ ເພື່ອສ້າງຄວາມເຂັ້ມແຂງໃຫ້ອາຊຽນ, ສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາຢູ່ໃນພາກພື້ນ ແລະ ໃນໂລກ.

       

ຂ້າພະ​ເຈົ້າ ຂໍ​ຖື​ໂອກາດ​ອັນ​ສະຫງ່າ​ລາສີ​ນີ້​ ອວຍພອນ​ໃຫ້ ​ພະນະ​ທ່ານ ພ້ອມ​ດ້ວຍ​ພະນັກ ງານ​ກະຊວງ​ການ​ຕ່າງປະ​ເທດ ​ແລະ ຮ່ວມ​ມື​ສາກົນ ​​ແຫ່ງ ຣາຊະ​ອານ​າຈັກ ​ກໍາປູ​ເຈຍ ຈົ່ງ​ມີ​ສຸຂະ ພາບເຂັ້ມແຂງ, ມີຄວາມຜາສຸກ ແລະ ປະສົບ​ຜົນ​ສໍາ​ເລັດ​ໃນ​ພາລະ​ກິດ​ອັນ​ສູງ​ສົ່ງ​.

       

                                      ດ້ວຍ​ຄວາມ​ນັບຖື​ຢ່າງ​ສູງ,

 

 

  ສະເຫຼີມໄຊ ກົມມະສິດ

ພະນະ​ທ່ານ ປຣາກ ໂຊຄົນ,                                                            

ຮອງນາຍົກລັດຖະມົນຕີ,                                   

ລັດຖະມົນຕີ​ກະຊວງ​ການ​ຕ່າງປະ​ເທດ ແລະ ຮ່ວມ​ມື​ສາກົນ

​ແຫ່ງ ຣາຊະ​ອານາຈັກ ກໍາປູ​ເຈຍ

ທີ່ ນະຄອນຫຼວງ​ພະນົມ​ເປັນ.

ຂ່າວອື່ນໆທີ່ກ່ຽວຂ້ອງ

ແຈ້ງການ

 

* ວາລະສານເອເລັກໂຕຣນິກ ການຕ່າງປະເທດ ສະບັບທຳອິດ ປະຈຳເດືອນ ຕຸລາ (ກົດເພື່ອດາວໂຫລດ)

 

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia)

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

 

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
395342
ມື້ນີ້65
ມື້ວານ338
ອາທິດນີ້311
ເດືອນນີ້1651