ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ຮອງປະທານປະເທດ ຕ້ອນຮັບທູດເຢຍລະມັນ ເຂົ້າຢ້ຽມອຳລາ

DPDPhankham

 

ໃນ​ວັນ​ທີ 07 ມິຖຸນາ 2017, ທີ່​ ທຳນຽບປະທານ​ປະ​ເທດ, ທ່ານ ພັນ​ຄຳ ວິພາ​ວັນ, ຮອງ​ປະທານ​ປະ​ເທດ ​ແຫ່ງ ສປປ ລາວ,​ ໄດ້​​ຕ້ອນຮັບ​ການ​ເຂົ້າ​ຢ້ຽມ​​ອຳ​ລາ​ຂອງ ທ່ານ Michael GRAV, ເອກອັກຄະລັດຖະທູດວິສາມັນ​ຜູ້​ມີ​ອຳນາດ​ເຕັມ​ ແຫ່ງ ​ເຢຍລະ​ມັນ ປະຈຳ ​ສປປ ລາວ, ໃນ​ໂອກາດ​ສຳ​ເລັດ​ການ​ປະຕິບັດ​ໜ້າ​ທີ່​ການ​ທູດ ຢູ່ ສປປ ລາວ.

 

ໃນ​ໂອ​ກາດ​ດັ່ງກ່າວ, ທ່ານ​ ພັນ​ຄຳ ວິພາ​ວັນ ​ໄດ້​ສະ​ແດງຄວາມຊົມ​ເຊີຍ, ​ຍິນ​ດີ​ຕ້ອນຮັບ ​ແລະ ຕີ​ລາຄາ​ສູງ ​ຕໍ່​ຜົນສຳ​ເລັດ​ຂອງ​ການ​ປະຕິບັດ​ໜ້າ​ທີ່​ການ​ທູດ ຢູ່ ສປປ ລາວ​ ຂອງ ທ່ານ Michael GRAV ​ຊຶ່ງເປັນ​ການ​ປະກອບສ່ວນ​ສຳຄັນ ​ເຂົ້າ​ໃນ​ການ​ເສີມ​ຂະຫຍາຍ​ສາຍ​ພົວພັນ​ມິດຕະພາບ ແລະ ການ​ຮ່ວມ​ມື ລະຫວ່າງສ​ອງປະ​ເທດ ລາວ ​ແລະ ​ເຢຍລະ​ມັນ ​ໃຫ້​ມີ​ບາດກ້າວ​ຂະຫຍາຍຕົວ​ຂຶ້ນ​ໄປ​ເລື້ອຍໆ. ພ້ອມ​ນີ້, ທ່ານຍັງໄດ້ສະແດງຄວາມຂອບໃຈ  ຕໍ່ການປະກອບສ່ວນຊ່ວຍເຫລືອຂອງລັດຖະບານ ແລະ ​ປະຊາຊົນ ເຢຍລະ​ມັນ, ຊຶ່ງເປັນການປະກອບສ່ວນສຳຄັນ ໃຫ້ແກ່ການສ້າງສາພັດທະນາເສດຖະກິດ-ສັງຄົມ ຂອງລາວ ແລະ ເຫັນວ່າ ການຮ່ວມມືສອງຝ່າຍ ມີບາດກ້າວຂະຫຍາຍຕົວຢ່າງຕໍ່ເນື່ອງ. ພ້ອມ​ນີ້, ທ່ານ​ຍັງ​ໄດ້​ອວຍພອນ​ໃຫ້​ທ່ານທູດ ​ກັບ​ຄືນ​ປະ​ເທດ​ດ້ວຍ​ຄວາມ​ສະຫວັດດີ​ພາບ ​ແລະປະສົບ​ຜົນ​ສຳ​ເລັດ ​ໃນ​ພາລະກິດ​ໃໝ່​ຂອງ​ທ່ານ.

 

ໃນໂອກາດ​ດຽວ​ກັນ, ທ່ານ Michael GRAV ກໍ​ໄດ້​ສະ​ແດງ​ຄວາມ​ຂອບ​ອົກ​ຂອບ​ໃຈ​ມາ​ຍັງ​ທ່ານ​ຮອງ​ປະທານ​ປະ​ເທດ ທີ່​ໄດ້​ສະຫລະ​ເວລາ​ອັນ​ມີ​ຄ່າ​ໃຫ້ການ​ຕ້ອນຮັບອັນ​ອົບ​ອຸ່ນ ​ໃນ​ຄັ້ງ​ນີ້​, ພ້ອມ​​ຖື​ໂອກາດ​ດັ່ງກ່າວ, ສະ​ແດງ​ຄວາມ​ຂອບ​ໃຈ​ຢ່າງ​ຈິງ​ໃຈ ​ມາ​ຍັງ​ບັນດາ​ການ​ນຳ​ພັກ-ລັດ​ຕະຫລອດ​ຮອດ​ປະຊາຊົນ​ລາວ​ບັນດາ​ເຜົ່າ​ ທີ່​ໄດ້​ໃຫ້ການ​ຮ່ວມ​ມື​ເປັນ​ຢ່າງ​ດີ ແລະ ອຳນວຍ​ຄວາມ​ສະດວກ​ທຸກ​ຢ່າງ​ ​ຕະຫລອດ​ໄລຍະ​ການ​ປະຕິບັດ​ໜ້າ​ທີ່​ຂອງ​ຕົນ ຈົນ​ໄດ້​ຮັບ​ຜົນສຳ​ເລັດ​ຢ່າງ​ໜ້າ​ເພິ່ງພໍ​ໃຈ.

 

ພາບ ແລະ ເນື້ອໃນ: ຂປລ

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
131664
ມື້ນີ້31
ມື້ວານ99
ອາທິດນີ້199
ເດືອນນີ້1676
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710