ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ຕ້ອນຮັບການເຂົ້າຢ້ຽມຂໍ່ານັບຂອງ ທ່ານເອກອັກຄະຣາຊະທູດ ກຳປູເຈຍ ປະຈຳລາວ ຄົນໃໝ່

slx em cam

    ໃນຕອນເຊົ້າຂອງວັນທີ 03 ກໍລະກົດ 2017, ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ເຈງ ມານິດ (Cheng Manith), ເອກອັກຄະຣາຊະທູດ ແຫ່ງ ຣາຊະອານາຈັກ ກຳປູເຈຍ ປະຈໍາ ສປປ ລາວ ຄົນໃໝ່. ທ່ານເອກອັກຄະຣາຊະທູດ ໄດ້ເຂົ້າຍື່ນສານຕາຕັ້ງຕໍ່ ພະນະທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ ໃນວັນທີ 04 ພືດສະພາ 2017 ຜ່ານມາ.

 ໃນໂອກາດດັ່ງກ່າວ, ທ່ານລັດຖະມົນຕີ ສະເຫຼີມໄຊ ກົມມະສິດ ໄດ້ສະແດງຄວາມຍິນດີຕໍ່ ທ່ານເອກອັກຄະຣາຊະທູດ ທີ່ໄດ້ຮັບການແຕ່ງຕັ້ງໃຫ້ມາປະຕິບັດໜ້າທີ່ວຽກງານການທູດ ຢູ່ ສປປ ລາວ, ພ້ອມທັງສະແດງຄວາມເຊື່ອໝັ້ນວ່າ ທ່ານທູດຈະສືບຕໍ່ເຄື່ອນໄຫວຊຸກຍູ້ສົ່ງເສີມການພົວພັນຮ່ວມມື ລະຫວ່າງ ສອງປະເທດ ແລະ ປະຊາຊົນສອງຊາດ ໃຫ້ນັບມື້ນັບຈະເລີນງອກງາມຍິ່ງໆຂຶ້ນ ເພື່ອນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ລາວ-ກຳປູເຈຍ. ໂອກາດດຽວກັນ, ທ່ານເອກອັກຄະຣາຊະທູດ ກຳປູເຈຍ ປະຈໍາລາວ ຄົນໃໝ່ ກໍໄດ້ສະແດງຄວາມຂອບໃຈ ທີ່ທ່ານລັດຖະມົນຕີ ໃຫ້ກຽດຕ້ອນຮັບ ແລະ ໄດ້ຢໍ້າຄືນເຖິງການຈະປະກອບສ່ວນທຸກຄວາມສາມາດຂອງຕົນ ເຂົ້າໃນການປະຕິບັດວຽກງານການທູດ ຢູ່ ສປປ ລາວ ໃຫ້ມີຜົນສຳເລັດຢ່າງຈົບງາມ, ພ້ອມນ້ັນ, ກໍໄດ້ສະແດງຄວາມຊົມເຊີຍ ຕໍ່ຜົນສຳເລັດຂອງ ສປປ ລາວ ໃນການເປັນປະທານອາຊຽນ ໃນປີ 2016 ຜ່ານມາ.

   ໃນການພົບປະຄັ້ງນີ້, ສອງຝ່າຍໄດ້ສະແດງຄວາມຊົມເຊີຍ ຕໍ່ການເປີດນຳໃຊ້ດ່ານສາກົນ ໜອງນົກຂຽນ-ຕຣາປຽງກຣຽນ ຢ່າງເປັນທາງການ ໃນຕົ້ນປີ 2017 ນີ້ ແລະ ການນຳໃຊ້ໜັງສືຜ່ານແດນນຳກັນ, ຊຶ່ງຈະມີຄວາມສຳຄັນຫຼາຍໃນການເພີ່ມທະວີການຮ່ວມມື, ອໍານວຍຄວາມສະດວກໃນການໄປມາຫາສູ່ກັນ ແລະ ສົ່ງເສີມການທ່ອງທ່ຽວ ລະຫວ່າງປະຊາຊົນຂອງສອງປະເທດໃຫ້ຫຼາຍຂຶ້ນ. ພ້ອມນັ້ນ, ສອງຝ່າຍຍັງໄດ້ແລກປ່ຽນຄຳຄິດຄຳເຫັນນຳກັນ ກ່ຽວກັບ ວຽກງານຊາຍແດນ, ການທ່ອງທ່ຽວ, ການຈັດກອງປະຊຸມຄະນະກຳມາທິການຮ່ວມ (JC) ລາວ-ກຳປູເຈຍ, ການລົງທຶນໃນເຂດເສດຖະກິດສະເພາະ ສະຫວັນປາກ (Savan Park) ແລະ ການຄ້າຊາຍແດນ ເພື່ອຊຸກຍູ້ສົ່ງເສີມ ແລະ ສ້າງເງື່ອນໄຂເຮັດໃຫ້ການຄ້າຂາຍ ລະຫວ່າງສອງປະເທດ ມີມູນຄ່າເພີ່ມຂຶ້ນ, ໂດຍສະເພາະການສ້າງເສັ້ນທາງຄົມມະນາຄົມ ເປັນຕົ້ນແມ່ນ ການສ້າງຂົວເຊລຳເພົາ ເພື່ອເຊື່ອມໂຍງການຄ້າ, ການລົງທຶນ, ການອຳນວຍຄວາມສະດວກໃນການນຳເຂົ້າ ແລະ ສົ່ງອອກສິນຄ້າ.

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
129348
ມື້ນີ້38
ມື້ວານ94
ອາທິດນີ້479
ເດືອນນີ້2086
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710