ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສອງນາຍົກລັດຖະມົນຕີ ລາວ-ກຳປູເຈຍ ສືບຕໍ່ປຶກສາຫາລືແກ້ໄຂບັນຫາຊາຍເເດນ

lc speech b1

lc speech b2

ໃນວັນທີ 01 ກັນຍາ 2017, ທີ່ ນະຄອນຫຼວງພະນົມເປັນ, ຣາຊະອານາຈັກ ກຳປູເຈຍ, ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ແລະ ສົມເດັດ ອັກຄະມະຫາເສນາບໍດີ ເຕໂຈ ຮຸນເຊນ, ນາຍົກລັດຖະມົນຕີ ແຫ່ງ ຣາຊະອານາຈັກ ກໍາປູເຈຍ ໄດ້ພົບປະກັນ ເພື່ອສືບຕໍ່ປຶກສາຫາລື ກ່ຽວກັບທິດທາງການແກ້ໄຂບັນຫາຊາຍແດນ ລາວ-ກຳປູເຈຍ.

ໃນການພົບປະຄັ້ງນີ້ ສອງນາຍົກລັດຖະມົນຕີ ລາວ-ກຳປູເຈຍ ໄດ້ປຶກສາຫາລືກັນຢ່າງກົງໄປກົງມາ ບົນພື້ນຖານສາຍພົວພັນມິດຕະພາບອັນເປັນມູນເຊື້ອ ແລະ ການພົວພັນຮ່ວມມືຢ່າງໃກ້ຊິດ ລະຫວ່າງ ສອງລັດຖະບານ ແລະ ການພົວພັນສ່ວນຕົວໃກ້ຊິດ ລະຫວ່າງສອງນາຍົກ ລາວ ແລະ ກຳປູເຈຍ, ໂດຍທັງສອງຝ່າຍ ໄດ້ຕົກລົງເປັນເອກະພາບກັນ ກ່ຽວກັບທິດທາງໃນການແກ້ໄຂຈຸດຄົງຄ້າງຊາຍແດນລະຫວ່າງສອງປະເທດຕາມ 4 ຈຸດໃຫຍ່ດັ່ງນີ້:

  1. ໃຫ້ລັດຖະມົນຕີກະຊວງການຕ່າງປະເທດຂອງສອງຝ່າຍ ລາວ ແລະ ກຳປູເຈຍ ພົບປະກັນໃນເວລາອັນໄວ ເພື່ອປຶກສາຫາລືໃນລາຍລະອຽດ ກ່ຽວກັບວິທີການແກ້ໄຂບັນຫາ.
  2. ໃຫ້ຄະນະກຳມະການຊາຍແດນຂອງສອງປະເທດ ລົງກວດກາພື້ນທີ່ຕົວຈິງເພື່ອແກ້ໄຂບັນຫາຊາຍແດນຢູ່ 4 ຈຸດທີ່ຍັງຄົງຄ້າງ.
  3. ໃຫ້ຄະນະກຳມະການຊາຍແດນຂອງສອງປະເທດ ລົງກວດກາຕົວຈິງຢູ່ບໍລິເວນແກ້ງຕໍມໍຄອຍ ແລະ ຫ້ວຍຕະເງົາ ເພື່ອກຳນົດທີ່ຕັ້ງຂອງຫຼັກໝາຍຊາຍແດນ ແລະ ພ້ອມກັນຕົກລົງປັກຫຼັກໝາຍຊາຍແດນໃຫ້ສຳເລັດໂດຍໄວ, ຈຸດໃດທີ່ສອງຝ່າຍສາມາດຕົກລົງກັນໄດ້ ກໍໃຫ້ປັກຫຼັກໝາຍໃນທັນທີ ເພື່ອກ້າວໄປສູ່ການປັກຫຼັກໝາຍຕໍ່ໆໄປໃຫ້ສຳເລັດ.
  4. ສອງນາຍົກລັດຖະມົນຕີ ລາວ ແລະ ກຳປູເຈຍ ຈະຂຽນຈົດໝາຍທາງການເຖິງປະທານາທິບໍດີຝຣັ່ງ ເພື່ອໃຫ້ລັດຖະບານຝຣັ່ງ ສົ່ງແຜນທີ່ ມາດຕາສ່ວນ 1:100.000 ແລະ 1:50.000 ທີ່ພິມໂດຍພະແນກແຜນທີ່ອິນດູຈີນ ແລະ ເອກະສານອື່ນໆທີ່ກ່ຽວຂ້ອງກັບການກຳນົດເສັ້ນຊາຍແດນ ລາວ ແລະ ກຳປູເຈຍ ສົ່ງໃຫ້ລັດຖະບານລາວ ແລະ ກຳປູເຈຍ ເພື່ອນຳໃຊ້ເປັນຂໍ້ມູນ ແລະ ຫຼັກຖານໃນການແກ້ໄຂບັນຫາເສັ້ນຊາຍແດນ ລະຫວ່າງສອງປະເທດ.

ນອກຈາກນັ້ນ, ສອງຝ່າຍໄດ້ປຶກສາຫາລືເປັນເອກະພາບກັນ ວ່າຈະປົກປັກຮັກສາຄວາມສະຫງົບ ບໍ່ໃຫ້ມີຄວາມເຄັ່ງຕຶງໃນເຂດຊາຍແດນທີ່ບໍ່ທັນໄດ້ຕົກລົງກັນ ຊຶ່ງເປັນການຕົກລົງທີ່ມີຄວາມສໍາຄັນທີ່ສຸດ, ພ້ອມທັງເຊື່ອຫມັ້ນວ່າ ເສັ້ນຊາຍແດນຈະໄດ້ຮັບການສືບຕໍ່ແກ້ໄຂໃຫ້ສຳເລັດສົມບູນ ເພື່ອໃຫ້ເປັນມໍລະດົກຕົກທອດໃຫ້ລູກຫລານ ບົນພື້ນຖານນໍ້າໃຈມິດຕະພາບທີ່ມີມູນເຊື້ອ, ບ້ານພີ່ເມືອງນ້ອງ, ບ້ານແກ່ວເມືອງດອງຕໍ່ໄປ.

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
130332
ມື້ນີ້90
ມື້ວານ95
ອາທິດນີ້440
ເດືອນນີ້1729
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710