ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ຕ້ອນຮັບການເຂົ້າຢ້ຽມຂໍ່ານັບ ຂອງບັນດາທູດປະເທດສະມາຊິກສະຫະພາບເອີຣົບ

DSC 0365

ໃນ​ວັນ​ທີ 08 ພະຈິກ 2017, ທີ່ ກະ​ຊວງ​ການ​ຕ່າງ​ປະ​ເທດ, ທ່ານ ສະ​ເຫຼີມ​ໄຊ ກົມ​ມະ​ສິດ, ລັດຖະມົນຕີກະຊວງການຕ່າງປະເທດ ​ແຫ່ງ ສປປປ ລາວ, ໄດ້ຕ້ອນຮັບການເຂົ້າ​ຢ້ຽມ​ຂໍ່ານັບຂອງບັນດາທູດປະເທດສະມາຊິກສະຫະພາບເອີຣົບ, ຊຶ່ງນໍາໂດຍທ່ານ ລີອົງ ໂປນ ຟາແບກ (Leon Paul Faber), ເອກອັກຄະລັດຖະທູດ ແຫ່ງ ສະຫະພາບເອີຣົບ ປະຈຳ ສປປ ລາວ, ພ້ອມດ້ວຍບັນດາເອກອັກຄະລັດຖະທູດປະເທດສະມາຊິກສະຫະພາບເອີຣົບ ປະຈຳ ສປປ ລາວ ທີ່ບໍ່ມີສຳນັກງານຕັ້ງຢູ່ ສປປ ລາວ.

ໃນ​ໂອ​ກາດ​ດັ່ງ​ກ່າວ, ທ່ານລັດ​ຖະ​ມົນ​ຕີ​​ ໄດ້​ສະ​ແດງ​ຄວາມ​ຍິນ​ດີ​ຕ້ອນຮັບ​ຄະນະຜູ້​ແທນຢ່າງອົບ​ອຸ່ນ ແລະ ຕີ​ລາ​ຄາ​ສູງ​ຕໍ່ການ​ພົ​ວ​ພັນ​ຮ່ວມ​ມືສອງ​ຝ່າຍ, ຊຶ່ງ​ໃນ​ນັ້ນ ທ່ານ​ລັດ​ຖະ​ມົນ​ຕີ​​ໄດ້ສະ​ແດງ​ຄວາມຂອບ​ໃຈ​ຢ່າງ​ສູງ​ຕໍ່​​ການ​ສະ​ໜັບ​ສະ​ໜູນ, ຊ່ວຍ​ເຫຼືອ​ຂອງ​ປະ​ຊາ​ຊົນ ແລະ ລັດ​ຖະ​ບານສະ​ຫະ​ພາບເອີ​ຣົບ ເຂົ້າ​ໃນ​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ ຂອງ ສ​ປ​ປ​ ລາວ ໃນ​ໄລ​ຍະ​ຜ່ານ​ມາ, ຊຶ່ງ​ເປັນການ​ປະ​ກອບ​ສ່ວນ​ອັນ​ສຳຄັນ​ ເຮັດ​ໃຫ້ ສປ ລາວ ມີ​ຜົນສຳ​ເລັດ​ໃນ​ການຈັດ​ຕັ້ງ​ປະຕິບັດ​ເປົ້າ​ໝາຍ​ສະຫັດ​ສະຫວັດ​ ຂອງອົງການສະຫະ​ປະຊາ​ຊາດ ​ແລະ ນຳ​ເອົາ​ປະ​ເທດຊາດ​ອອກ​ຈາ​ກຄວາມທຸກ​ຍາກ ​ແລະ ດ້ອຍ​ພັດທະນາ​ ໃຫ້ດີຂຶ້ນເທື່ອ​ລະ​ກ້າວ.

ທ່ານທູດ ລີອົງ ໂປນ ຟາແບກ ຊຶ່ງຕ່າງໜ້າບັນດາທູດສະຫະພາບເອີຣົບ ກໍ່ໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນຂອງທ່ານລັດຖະມົນຕີກະຊວງການຕ່າງປະເທດ ແລະ ໄດ້ແຈ້ງໃຫ້ຊາບວ່າ ໃນການຢ້ຽມຢາມຄັ້ງນີ້, ໄດ້ສ້າງໂອກາດໃຫ້ບັນດາທູດສະຫະພາບເອີຣົບໄດ້ເຫັນສະພາບການຕົວຈິງຂອງການສ້າງສາພັດທະນາເສດຖະກິດ-ສັງຄົມ ຢູ່ລາວ ແລະ ເພື່ອຮັບຊາບນະໂຍບາຍ ແລະ ວິໄສທັດ ຂອງ ສປປ ລາວ ໃນການສ້າງສາພັດທະນາເສດຖະກິດ-ສັງຄົມ ຂອງລາວ ໃນໄລຍະໃໝ່.

ໃນໂອກາດຢ້ຽມຢາມ ສປປ ລາວ ໃນຄັ້ງນີ້, ສອງຝ່າຍ ລາວ-ອີຢູ ຍັງປຶກ​ສາ​ຫາ​ລື ​ແລກປ່ຽນຄຳຄິດຄຳເຫັນ ກ່ຽວ​ກັບການພົວພັນຮ່ວມມືໃນໄລຍະຜ່ານມາ ແລະ ທິດ​ທາງໃນ​ການ​ສືບ​ຕໍ່ເສີມຂະຍາຍການພົວພັນຮ່ວມມືສອງຝ່າຍໃນຕໍ່ໜ້າ ເພື່ອແນໃສ່ການເສີມຂະຍາການພົວພັນຮ່ວມມືລະຫວ່າງສປປ ລາວ ແລະ ສະຫະພາບເອີຣົບໃຫ້ນັບມື້ນັບມີປະສິດທິຜົນຍິ່ງຂື້ນ.

ໃນໄລຍະຜ່ານມາ, ສະຫະພາບເອີຣົບ ໄດ້ໃຫ້ການຊ່ວຍເຫຼືອເພື່ອການພັດທະນາແກ່ ສປປ ລາວ ໃນມູນຄ່າສູງສົມຄວນ, ໃນທ້າຍປີ 2014 ສະຫະພາບເອີຣົບ ໄດ້ຕົກລົງໃຫ້ການຊ່ວຍເຫຼືອແກ່ ສປປ ລາວ ເປັນໄລຍະຍາວ ຄືແຕ່ປີ 2014-2020, ດ້ວຍມູນຄ່າ 207 ລ້ານເອີໂຣ, ໂດຍໄດ້ແບ່ງອອກເປັນ 2 ໄລຍະຄື: ສົກປີ 2014-2015, ຈໍານວນ 45 ລ້ານເອີໂຣ ແລະ ສົກປີ 2016-2020, ຈໍານວນ 162 ລ້ານເອີໂຣ ເຊິ່ງເນັ້ນໃສ່ວຽກງານທາງດ້ານການພັດທະນາຊັບພະຍາກອນມະນຸດ, ການສຶກສາຂັ້ນພື້ນຖານ, ດ້ານສາທາລະນະ ສຸກ, ດ້ານວຽກງານສິດທິມະນຸດ ແລະ ກົດໝາຍ, ດ້ານການປົກຄອງທີ່ດີ ແລະ ອື່ນໆ.

 


ບົດຂ່າວອື່ນໆ

a
ແຈ້ງການ

*ຖະແຫລງການ ຂອງ ກະຊວງການຕ່າງປະເທດ ແຫ່ງ ສປປ ລາວ ຕໍ່ຜົນການພົບປະສຸດຍອດ ຂອງ ຜູ້ນຳສອງເກົາຫລີ ຄັ້ງທີ 3

*ແຈ້ງປະກາດນຳໃຊ້ສັນຍາລັກ ການເປັນປະທານຮ່ວມ ລະ ຫວ່າງ ສປປ ລາວ ແລະ ສປ ຈີນ ສຳລັບຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ໃນໄລຍະ 2018-2020

*ບົດແຈ້ງຂ່າວ ທ່ານ ນາຍົກລັດຖະມົນຕີ ແຫ່ງ ສປປ ລາວ ຈະເຂົ້າຮ່ວມກອງປະຊຸມເວທີປຶກສາຫາລື ເສດຖະກິດໂລກ ກ່ຽວກັບ ອາຊຽນ ຄັ້ງທີ 27 ໃນວັນທີ 11-13 ກັນຍາ 2018 ທີ່ ຮ່າໂນຍ, ສສ.ຫວຽດນາມ.

*ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາໃຫ້ແກ່ພົນລະເມືອງ ສ.ເກົາຫລີ ທີ່ເດີນທາງເຂົ້າມາ ສປປ ລາວ

*ການຊີ້ແຈງຂອງກະຊວງການຕ່າງປະເທດ ແຫ່ງ ສປປ ລາວ ກ່ຽວກັບ ລັດຖະບານສະຫະລັດ ອາເມລິກາ ປະກາດໃສ່ມາດຕະການດ້ານວີຊາຕໍ່ ສປປ ລາວ

*ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ

*ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
157982
ມື້ນີ້41
ມື້ວານ96
ອາທິດນີ້109
ເດືອນນີ້2327
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710