ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ຫນ່ວຍຮາກຖານຊາວຫນຸ່ມສະຖານທູດ-ນັກສຶກສາລາວ ທີ່ ສ.ເກົາຫລີ ຈັດຕັ້ງພິທີເປີດ ຂະບວນການຂໍ້ແຂ່ງຂັນ 4 ບຸກ ຂອງຊາວຫນຸ່ມ ປປລ ແລະ ກິດຈະກຳກິລາປະຈຳປີ

emlao in seoul1

emlao in seoul2

​    ໂດຍປະຕິບັດຕາມການຊີ້ນຳຂອງຄະນະບໍລິຫານງານຊາວຫນຸ່ມກະຊວງການຕ່າງປະເທດ ແລະ ພາຍໃຕ້ການຊີ້ນຳຂອງຄະນະພັກ-ຄະນະນຳສະຖານທູດ. ໃນຕອນບ່າຍວັນທີ 11 ພະຈິກ 2017, ຫນ່ວຍຊາວຫນຸ່ມສະຖານທູດລາວ ກໍ​ຄື​ຈຸ​ຊາວ​ຫນຸ່ມ​ນັກ​ສຶກ​ສາ ຮ່ວມ​ກັບ ສະ​ມາ​ຄົມ​ນັກ​ສຶກ​ສາລາວ ທີ່.ເກົາ​ຫລີ ໄດ້ຈັດຕັ້ງພິທີເປີດຂະບວນການຂໍ້ແຂ່ງຂັນ 4 ບຸກຂອງຊາວຫນຸ່ມ ແລະ ກິ​ດຈະ​ກຳກິລາ​ປະ​ຈຳ​ປີ​ 2017 ຂອງ​ນັກ​ສຶກ​ສາ​ລາວ, ໂດຍ​ມີ​ພະ​ນັກ​ງານ​ສະ​ຖານ​ທູດ ແລະ ສະ​ມາ​ຊິກ​ຊາວ​ຫນຸ່ມ ປ​ປ​ລ ເຂົ້າ​ຮ່ວມ 50 ກວ່າ​ສະ​ຫາຍ (ໃນ​ນັ້ນ​ມີ​ຊາວ​ຫນຸ່ມ​ຈາກສະ​ຖານ​ທູດ, ​ການ​ບິນ​ລາວ ແລະ ນັກ​ສຶກ​ສາ).

          ​ພິທີເປີດຂະບວນການຂໍ້ແຂ່ງຂັນ 4 ບຸກຂອງຊາວຫນຸ່ມຢູ່.​ເກົາຫລີໄດ້ຈັດຂັ້ນທີ່ເຮືອນພັກທູດ, ໂດຍການໃຫ້​ກຽດ​ເຂົ້າ​ຮ່ວມ​​ເປັນ​ປະ​ທານ ແລະ ໂອ້​ລົມ​ຂອງ ສະຫາຍ ຄຳສວຍແກ້ວດາລາວົງ,ເລຂາຫນ່ວຍພັກ, ​ເອກອັກຄະລັດຖະທູດລາວ ປະຈຳ .​ເກົາຫລີ. ໃນ​ພິ​ທີ, ສະ​ຫາຍ ພາ​ວັນ ສີ​ລິ​ພົງ, ເລ​ຂາ​ຫນ່ວຍ​ຊາວ​ຫນຸ່ມ​ສະ​ຖານ​ທູດ​ລາວ ປະ​ຈຳ ສ.ເກົາ​ຫລີ ໄດ້​ຂຶ້ນ​​ເຜີຍ​ແຜ່​ເນື້ອ​ໃນ 4 ບຸກ (ດ້ານ​ແນວ​ຄິດ, ດ້ານ​ການ​ຝຶກ​ຝົນ​ຫລໍ່​ຫລອມ​ຮ່ຳ​ຮຽນ, ດ້ານ​ວຽກ​ງານ​ການ​ຈັດ​ຕັ້ງ ແລະ ດ້ານ​ວຽກ​ງານ​ວິ​ຊາ​ສະ​ເພາະ) ໃຫ້​ແກ່​ບັນ​ດາ​ສະ​ມາ​ຊິກ​ຊາວ​ຫນຸ່ມ ເພື່ອ​ນຳ​ໄປ​ຈັດ​ຕັ້ງ​ປະ​ຕິ​ບັດ, ປັບປຸງ​ ແລະ ປະ​ເມີນ​ການ​ເຄື່ອນ​ໄຫວ​ຂອງ​ຕົນ​ໃນ​ໄລ​ຍະ​ຜ່ານ​ມາ. ໂອ​ກາດນີ້, ສະ​ຫາຍ ຄຳ​ສວຍ ແກ້ວ​ດາ​ລາ​ວົງ ໄດ້​ສະ​ແດງ​ຄວາມ​ຊົມ​ເຊີຍ​ຕໍ່​ສະ​ມາ​ຊິກ​ຊາວ​ຫນຸ່ມ ປ​ປລ ທີ່ ສ.ເກົາ​ຫລີ ທີ່ໄດ້​ປະ​ກອບ​ສ່ວນ​ຢ່າງ​ຫ້າວ​ຫັນ​ໃນ​ການ​ສຶກ​ສາ​ຮ່ຳ​ຮຽນ ແລະ ຝຶກ​ຝົນ​ຫລໍ່​ຫລອມ​ຕົນ​ເອງ ເຊິ່ງ​ສະ​ແດງ​ອອກ​ໃນ​ຜົນ​ການ​ຮ່ຳ​ຮຽນ​ຂອງ​ແຕ່​ລະ​ສະ​ຫາຍ; ​ປະ​ກອບ​ສ່ວນຢ່າງ​ຫ້າວ​ຫັນ​ທັາງດ້ານ​​ເຫື່ອ​ແຮງ ແລະ ສະ​ຕິ​ປັນ​ຍາ​ເຂົ້າ​ໃນວຽກ​ງານ​ການ​ເຄື່ອນ​ໄຫວ​ກິດ​ຈະ​ກຳ​ຕ່າງໆ​ຂອງ​ສະ​ຖານ​ທູດ ໃນ​ໂອ​ກາດ​ວັນ​ສຳ​ຄັນ​ຕ່າງໆ​ຂອງ​ຊາດ. ພ້ອມ​ດຽວ​ກັນ​ນີ້, ສະ​ມາ​ຊິກ​ຊາວ​ຫນຸ່ມ​ຍັງ​ໄດ້​​ມີ​ການປະ​ກອບ​ສ່ວນ ແລະ ເຂົ້າ​ຮ່ວມ​ກິດ​ຈະ​ກຳ​ນຳອົງ​ການ​ຈັດ​ຕັ້ງ​ຕ່າງໆຂອງ​ປະ​ເທດ​ເຈົ້າ​ພາບ, ພ້ອມ​ທັງ​ຊຸກ​ຍູ້​ໃຫ້​ບັນ​ດາ​ພາກ​ສ່ວນ​ຕ່າງໆໃຫ້ການ​ຊ່ວຍ​ເຫລືອ​ແກ່ ສ​ປ​ປ ລາວ ເຊັ່ນ: ​​ປະ​ສານ​ຂໍ​ເຄື່ອງ​ຊ່ວຍ​ເຫລືອ​ຕ່າງໆ ແລະ ລະ​ດົມ​ທີມ​ອາ​ສາ​ສະ​ຫມັກ​ໄປ​ສ້າງກິດ​ຈະ​ກຳ​ຊ່ວຍ​ເຫລືອ​ປະ​ຊາ​ຊົນ​ເຂດ​ທຸກ​ຍາກ ແລະ ຫ່າງ​ໄກ​ສອກຫລີກ ເປັນ​ຕົ້ນ.

          ສຳ​ລັບ​ກິດ​ຈະ​ກຳ​ກິ​ລາ​ໃນຄັ້ງ​ນີ້​ ແມ່ນ​ການ​ແຂ່ງ​ຂັນກິລາບານ​ເຕະ​ ​ແລະ ກິດຈະກຳ​ອື່ນໆຈຳ​ນວນ​ຫນຶ່ງ​ ​ໂດຍຈັດຂຶ້ນ ຢູ່ທີ່ສະຫນາມ​ກິລາມະຫາວິທະຍາ​ໄລ​ແຫ່ງ​ຊາດ​ເຊ​ອູ​ນ, ເຊິ່ງການແຂ່ງຂັນແມ່ນດຳເນີນໄປດ້ວຍບັນຍາກາດຄຶກຄື້ນມ່ວນຊື່ນແລະໄມຕີຈິດມິດຕະພາບລະ​ຫວ່າງ ສະ​ມາ​ຊິກ​ຊາວ​ຫນຸ່ມ ກໍ​ຄື​ນັກ​ສຶກ​ສາ​ເກົ່າ ແລະ ໃຫມ່. ​

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
130331
ມື້ນີ້89
ມື້ວານ95
ອາທິດນີ້439
ເດືອນນີ້1728
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710