ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ນາຍົກລັດຖະມົນຕີ ລາວ-ກຳປູເຈຍ ພົບປະສອງຝ່າຍ ທີ່ ພະນົມເປັນ

PMLaoCam1

 

PMLaoCam2

 

ໃນວັນທີ 11 ມັງກອນ 2018, ທີ່ ນະຄອນຫລວງພະນົົມເປັນ. ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ, ໄດ້ພົບປະກັບ ພະນະທ່ານ ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ, ນາຍົກລັດຖະມົນຕີ ແຫ່ງ ຣາຊະອານາຈັກກຳປູເຈຍ, ໃນໂອກາດທີ່ພະນະທ່ານ ພ້ອມດ້ວຍຄະນະ ເຂົ້າຮ່ວມກອງປະຊຸມຜູ້ນຳແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 2, ພາຍໃຕ້ຫົວຂໍ້ “ແມ່ນ້ຳເແຫ່ງສັນຕີພາບຂອງພວກເຮົາ ແລະ ການພັດທະນາແບບຍືນຍົງ” (Our River of Peace and Sustainable Development).

 

ໃນການພົບປະຄັ້ງນີ້, ສອງຝ່າຍ ໄດ້ຕີລາຄາສູງຕໍ່ສາຍພົວພັນ ​ແລະ ການ​ຮ່ວມ​ມືຂອງສອງ​ປະ​ເທດ ລາວ-ກຳປູເຈຍ ໂດຍ​ສະ​ເພາະ​ແມ່ນການຮ່ວມມືສອງຝ່າຍ ໃນ​ປີ​ 2017 ທີ່ຜ່ານມາ, ຊຶ່ງທັງສອງ​ປະ​ເທດ​ ​ໄດ້​ມີການແລກປ່ຽນ​ການ​ຢ້ຽມຢາມ ​ແລະ ພົບ​ປະ​ປຶກສາ​ຫາລືກັນ ຢ່າງເປັນປົກກະຕິ. ພ້ອມກັນນີ້, ທັງສອງຝ່າຍ ຍັງໄດ້ທົບທວນຄືນ ກ່ຽວກັບ ວຽກງານໃນດ້ານຕ່າງໆເຊັ່ນ: ວຽກງານກົງສຸນ, ພະລັງງານໄຟຟ້າ, ເສດຖະກິດການຄ້າ, ການທ່ອງທ່ຽວ ແລະ ອື່ນໆ.

 

ໃນໂອກາດດັ່ງກ່າວ, ພະນະທ່ານ ທອງລຸນ ສີສຸລິດ ໄດ້ສະແດງຄວາມ​​ຍິນ​ດີ​ທີ່ໄດ້ພົບກັບ ພະນະທ່ານ ສົມເດັດ ອັກຄະມະຫາເສນາບໍດີ ເຕໂຈ ຮຸນແຊນ, ນາຍົກລັດຖະມົນຕີ ແຫ່ງ ຣາຊະອານາຈັກກໍາປູເຈຍ, ຊຶ່ງເປັນປະທານຮ່ວມຂອງກອງປະຊຸມສຸດຍອດແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 2, ພ້ອມທັງສະແດງຄວາມຂອບໃຈຢ່າງສູງ ທີ່ລັດຖະບານ ແລະ ປະຊາຊົນກໍາປູເຈຍ ໄດ້ໃຫ້ການຕ້ອນຮັບອັນອົບອຸ່ນ, ໃຫ້ຄວາມສະດວກຕໍ່ການເຂົ້າຮ່ວມປະຊຸມຂອງພະນະທ່ານ ແລະ ຄະນະ ໃນຄັ້ງນີ້. ພະນະທ່ານນາຍົກລັດຖະມົນຕີ ຍັງໄດ້ສະແດງຄວາມຊົມເຊີຍຕໍ່ຜົນສໍາເລັດອັນຈົບງາມ ໃນການເປັນເຈົ້າພາບຈັດກອງປະຊຸມອັນສໍາຄັນໃນຄັ້ງນີ້ຂອງກໍາປູເຈຍ, ໂດຍພະນະທ່ານ ໄດ້ຕາງໜ້າໃຫ້ແກ່ ສປປ ລາວ ສະແດງຄວາມຮູ້ສຶກເປັນກຽດຢ່າງສູງ ທີ່ໄດ້ຮັບຄວາມໄວ້ເນື້ອເຊື່ອໃຈຈາກ 6 ປະເທດ ສະມາຊິກ ກໍຄື ປະເທດກໍາປູເຈຍ ທີ່ເປັນເຈົ້າພາບກອງປະຊຸມໃນຄັ້ງນີ້ ມອບຕຳແໜ່ງປະທານຮ່ວມກອງປະຊຸມໃຫ້ ສປປ ລາວ ເປັນເຈົ້າພາບກອງປະຊຸມ ແມ່ນໍ້າຂອງ-ແມ່ນໍ້າລ້ານຊ້າງ ໃນຄັ້ງຕໍ່ໄປ ກໍຄື ຄັ້ງທີ 3, ຊຶ່ງ ສປປ ລາວ ຈະນໍາເອົາຜົນຂອງກອງປະຊຸມຄັ້ງນີ້ ສືບຕໍ່ຜັນຂະຫຍາຍການຮ່ວມມືໃນອານຸພາກພື້ນ ແມ່ນໍ້າຂອງ-ແມ່ນໍ້າລ້ານຊ້າງ ໃຫ້ເກີດຜົນສໍາເລັດ ແລະ ສືບຕໍ່ແຜນຮ່ວມມືຂອງກອງປະຊຸມຄັ້ງຕໍ່ໆໄປ.

 

ໃນໂອກາດນີ້, ພະນະທ່ານ ສົມເດັດ ອັກຄະມະຫາເສນາບໍດີ ເຕໂຈ ຮຸນ ແຊນ ກໍໄດ້ສະແດງຄວາມຂອບໃຈ ແລະ ຕີລາຄາສູງ ຕໍ່ການເດີນທາງມາເຂົ້າຮ່ວມກອງປະຊຸມຜູ້ນຳແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 2, ທີ່ ນະຄອນຫລວງພະນົມເປັນ, ຣາຊະອານາຈັກກຳປູເຈຍ ຂອງພະນະທ່ານນາຍົກລັດຖະມົນຕີ ທອງລຸນ ສີສຸລິດ ພ້ອມດ້ວຍຄະນະ ໃນຄັ້ງນີ້, ຊຶ່ງຖືເປັນກຽດ ແລະ ກໍເປັນການຮັດແໜ້ນສາຍພົວພັນ ແລະ ການຮ່ວມມື ລະຫວ່າງ ສອງ​ລັດ ​ແລະ ປະຊາຊົນ​ສອງ​ຊາດ​ ລາວ-ກຳປູເຈຍ ໃຫ້ນັບ​ມື້ນັບມີ​ຄວາມ​ແໜ້ນ​ແຟ້ນ, ຈະ​ເລີ​ນງອກ​ງາມ ​ແລະ ​ແຕກ​ດອກ​ອອກ​ຜົນ​ຍິ່ງໆຂຶ້ນ.

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
138878
ມື້ນີ້95
ມື້ວານ94
ອາທິດນີ້257
ເດືອນນີ້2001
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710