ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ຕ້ອນຮັບ ຜູ້ຕາງໜ້າຂອງອົງການ UNICEF ຄົນໃໝ່ ປະຈຳ ສປປ ລາວ

hup UNICEF1

hup UNICEF2

ໃນຕອນເຊົ້າຂອງ ວັນທີ 17 ມັງ​ກອນ 2018, ທີ່ກະຊວງການຕ່າງປະເທດ, ທ່ານ ສະ​ເຫຼີມ​ໄຊ ກົມ​ມະ​ສິດ, ລັດຖະມົນຕີກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ Octavian Bivol, ຜູ້ຕາງໜ້າຂອງອົງການ UNICEF ຄົນໃໝ່ ປະຈຳ ສປປ ລາວ.

ໃນໂອກາດນີ້, ທ່ານ ລັດຖະມົນຕີກະຊວງການຕ່າງປະເທດໄດ້ສະແດງຄວາມຍິນດີຕ້ອນຮັບອັນອົບອຸ່ນມາຍັງຜູ້ຕາງໜ້າຂອງອົງການ UNICEF ຄົນໃໝ່ ປະຈຳ ສປປ ລາວ. ພ້ອມທັງສະແດງຄວາມຂອບໃຈ ແລະ ຕີລາຄາສູງ ຕໍ່ການຮ່ວມມື ແລະ ຊ່ວຍເຫຼືອຂອງອົງການ UNICEF ຕໍ່ ສປປ ລາວ ໃນໄລຍະທີ່ຜ່ານມາ, ໂດຍສະເພາະແມ່ນການປະກອບສ່ວນເຂົ້າໃນການຈັດຕັ້ງປະຕິບັດວຽກງານພັດທະນາ ເສດຖະກິດ-ສັງຄົມ ແຫ່ງຊາດ ກໍ່ຄື ການພັດທະນາພື້ນຖານໂຄງລ່າງ, ການແກ້ໄຂບັນຫາຄວາມທຸກຍາກ, ການສົ່ງເສີມການສຶກສາ, ສາທາລະນະສຸກ, ແມ່ຍິງ, ເດັກນ້ອຍ ແລະ ຊາວໜຸ່ມ, ວຽກງານໂພຊະນາການ, ວຽກງານນ້ຳສະອາດ ສຸຂະພິບານ ເປັນຕົ້ນ. ນອກຈາກນີ້, ທ່ານ ລັດຖະມົນຕີ ກະຊວງການຕ່າງປະເທດ ຍັງໄດ້ສະແດງຄວາມຫວັງວ່າ ພາຍໃຕ້ການນຳ ພາຂອງຜູ້ຕາງໜ້າຄົນໃໝ່, ອົງການ UNICEF ຈະເພີ່ມທະວີການຮ່ວມມືສະໜັບສະໜູນ ສປປ ລາວ ໃນການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມແຫ່ງຊາດ ລວມທັງເປົ້າໝາຍການ ພັດທະນາແບບຍືນຍົງ (SDGs) ທີ່ກ່ຽວຂ້ອງກັບອົງການ UNICEF ໃຫ້ບັນລຸໄດ້ຕາມຄາດໝາຍ ແລະ ກໍ່ໄດ້ອວຍພອນໃຫ້ ທ່ານຜູ້ຕາງໜ້າອົງການ UNICEF ຄົນໃໝ່ຈົ່ງປະສົບຜົນສຳເລັດ ໃນການປະຕິບັດໜ້າທີ່ຂອງທ່ານ.

ໃນໂອກາດດຽວກັນນີ້, ທ່ານ Octavian Bivol ກໍ່ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງ ທ່ານ ສະ​ເຫຼີມ​ໄຊ ກົມ​ມະ​ສິດ, ລັດຖະມົນຕີ ກະຊວງການຕ່າງປະເທດ ກໍ່ຄື ເຈົ້າໜ້າທີ່ຂັ້ນສູງຂອງລັດຖະບານ ສປປ ລາວ ແລະ ໃຫ້ຄຳໜັ້ນສັນຍາວ່າ ອົງການ UNICEF ຈະສືບຕໍ່ໃຫ້ການຮ່ວມມືກັບລັດຖະບານ ສປປ ລາວ ຢ່າງເຕັມສ່ວນໃນການຈັດຕັ້ງປະຕິບັດແຜນ ການຮ່ວມມືລະຫວ່າງອົງການ UNICEF ແລະ ສປປ ລາວ ໃຫ້ໄດ້ຮັບໝາກຜົນ.

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
138878
ມື້ນີ້95
ມື້ວານ94
ອາທິດນີ້257
ເດືອນນີ້2001
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710