ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດລາວ ສືບຕໍ່ເຂົ້າຮ່ວມກອງປະຊຸມລັດຖະມົນຕີຕ່າງປະເທດ ລະຫວ່າງ ອາຊຽນ ກັບ ບັນດາປະເທດຄູ່ເຈລະຈາ

 

AMMday2-1 AMMday2-2 AMMday2-3 AMMday2-4

 

ໃນວັນທີ 31 ກໍລະກົດ 2019,ທີ່ບາງກອກ,ປະເທດໄທ, ພາຍຫຼັງສຳເລັດການເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນຄັ້ງທີ 52, ທ່ານສະເຫຼີໄຊກົມມະສິດ, ລັດຖະມົນຕີກະຊວງການຕ່າງປະເທດແຫ່ງ ສປປ ລາວ ໄດ້ສືບຕໍ່ນໍາພາຄະນະຜູ້ແທນລາວ ເຂົ້າຮ່ວມກອງປະຊຸມລັດຖະມົນຕີ​​ຕ່າງປະເທດລະຫວ່າງ ອາຊຽນກັບບັນດາປະເທດຄູ່ເຈລະຈາຊຶ່ງລວມມີ: ກອງປະຊຸມລັດຖະມົນ​​ຕີຕ່າງປະເທດ ອາຊຽນ-ຈີນ, ອາຊຽນ-ລັດເຊຍແລະອາຊຽນ-ນິວຊີແລນ.

ກອງປະຊຸມລັດຖະມົນຕີ​​ຕ່າງປະເທດອາຊຽນ-ຈີນໄດ້ສະແດງຄວາມຍິນດີຕໍ່ຜົນສໍາເລັດຂອງການຮ່ວມມືອາຊຽນ-ຈີນໃນໄລຍະໜຶ່ງປີຜ່ານມາໂດຍສະເພາະການຈັດຕັ້ງປະຕິບັດປີນະວັດຕະກໍາອາຊຽນ-ຈີນ 2018, ການຜັນຂະຫຍາຍຜົນກອງປະຊຸມສຸດຍອດອາຊຽນ-ຈີນຄັ້ງທີ 21, ການຈັດຕັ້ງປະຕິບັດຖະແຫຼງການວິໄສທັດຄູ່ຮ່ວມຍຸດທະສາດອາຊຽນ-ຈີນ 2030, ຖະແຫຼງການຮ່ວມອາຊຽນ-ຈີນວ່າດ້ວຍການຮ່ວມມືດ້ານວິທະຍາສາດ, ເຕັກໂນໂລຊີແລະນະວັດຕະກຳ, ແລະການຈັດຕັ້ງປະຕິບັດບັນດາກິດຈະກຳສຳລັບປີແລກປ່ຽນສື່ມວນຊົນອາຊຽນ-ຈີນ 2019.ພ້ອມນີ້, ກອງປະຊຸມສະແດງຄວາມເພິ່ງພໍໃຈຕໍ່ຄວາມຄືບໜ້າໃນການຈັດຕັ້ງປະຕິບັດແຜນປະຕິບັດງານອາຊຽນ-ຈີນ 2016-2020 ແລະເຫັນດີເພີ່ມທະວີການຮ່ວມມືໃນຂົງເຂດທີ່ເປັນບູລິມະສິດ ແລະມີທ່າແຮງຮ່ວມກັນເຊັັ່ນ: ການພັດທະນາຕົວເມືອງອັດສະລິຍະ, ການສຶກສາ, ການເຊື່ອມຈອດ, ການເຊື່ອມໂຍງເສດຖະກິດ, ການພົວພັນລະຫວ່າງປະຊາຊົນກັບປະຊາຊົນແລະອື່ນໆ. ກອງປະຊຸມໄດ້ຮັບຊາບຄວາມຄືບໜ້າການກະກຽມໃຫ້ແກ່ກອງປະຊຸມສຸດຍອດອາຊຽນ-ຈີນຄັ້ງທີ 22, ຊຶ່ງຈະຈັດຂຶ້ນໃນເດືອນພະຈິກ 2019 ທີ່ບາງກອກ, ປະເທດໄທໂດຍສະເພາະການຮ່າງເອກະສານຜົນໄດ້ຮັບກອງປະຊຸມສຸດຍອດດັ່ງກ່າວເຊັ່ນ: ຖະແຫຼງການຮ່ວມວ່າດ້ວຍການຮັດແໜ້ນການແລກປ່ຽນດ້ານສື່ມວນຊົນ, ຖະແຫຼງການວ່າດ້ວຍການເຊື່ອມສານລະຫວ່າງຂໍ້ລິເລີ່ມໜຶ່ງແລວໜຶ່ງເສັ້ນທາງແລະແຜນແມ່ບົດວ່າດ້ວຍການເຊື່ອມຈອດອາຊຽນ 2025, ຖະແຫຼງການວ່າດ້ວຍການເປັນຄູ່ຮ່ວມເສດຖະກິດສີຟ້າ, ຖະແຫຼງການຮ່ວມມືຕົວເມືອງອັດສະລິຍະອາຊຽນ-ຈີນ, ການກຳນົດເອົາປີ 2020 ເປັນປີການຮ່ວມມືເສດຖະກິດຕີຈີຕອນອາຊຽນ-ຈີນແລະການປະກາດການສ້າງແຜນປະຕິບັດງານອາຊຽນ-ຈີນສະບັບໃໝ່ສໍາລັບປີ 2021-2025. ພິເສດ, ກອງປະຊຸມໄດ້ສະແດງຄວາມຍິນດີຕໍ່ການສໍາເລັດການເຈລະຈາຮ່າງກົດແຫ່ງການປະພຶດໃນທະເລຈີນໃຕ້ຮອບທໍາອິດແລະພິທີເປີດໂຄງການທຶນການສຶກສາຜູ້ນຳໜຸ່ມນ້ອຍອາຊຽນ-ຈີນ. ສຸດທ້າຍ, ກອງປະຊຸມ​ ​ຍັງໄດ້ແລກປ່ຽນຄວາມຄິດເຫັນຕໍ່ບັນຫາເດັ່ຢູ່ພາກພື້ນແລະສາກົນທີ່ມີຄວາມສົນໃຈຮ່ວມກັນ.

ກອງປະຊຸມລັດຖະມົນຕີຕ່າງປະເທດອາຊຽນ-ລັດເຊຍໄດ້ຕີລາຄາສູງຕໍ່ຄວາມຄືບໜ້າໃນການຈັດຕັ້ງປະຕິບັດຜົນກອງປະຊຸມສຸດຍອດອາຊຽນ-ລັດເຊຍຄັ້ງທີ3ຜ່ານມາໂດຍສະເພາະການຜັນຂະຫຍາຍຖະແຫຼງການຜູ້ນໍາອາຊຽນ-ລັດເຊຍວ່າດ້ວຍການເປັນ​       ຄູ່ຮ່ວມຍຸດທະສາດ, ຖະແຫຼງການຜູ້ນໍາອາຊຽນ-ລັດເຊຍວ່າດ້ວຍກາຮ່ວມມືດ້ານຄວາມໝັ້ນຄົງແລະການນຳໃຊ້ເຕັກໂນໂລຊີຂໍ້ມູນຂ່າວສານແລະບົດບັນທຶກຄວາມເຂົ້າໃຈລະຫວ່າງອາຊຽນແລະຄະນະກຳມະທິການອົງການຮ່ວມມືເສດຖະກິດຢູເຣເຊຍເພື່ອສົ່ງເສີມການຮ່ວມືດ້ານເສດຖະກິດ(EEC)ໃຫ້ເປັນຮູບປະທຳ. ພ້ອມນີ້, ກອງປະຊຸມໄດ້ສະແດງຄວາມເພີ່ງພໍໃຈຕໍ່ຄວາມຄືບໜ້າການຈັດຕັ້ງປະຕິບັດແຜນປະຕິບັດງານອາຊຽນ-ລັດເຊຍ2016-2020ລວມທັງການເລີ່ມຮ່າງແຜນປະຕິບັດງານສະບັບໃໝ່ສຳລັບປີ2021-2025. ສອງຝ່າຍໄດ້ເຫັນດີສືບຕໍ່ຮ່ວມມືກັນດ້ານຕ່າງໆເຊັ່ນ: ການຕ້ານອາຊະຍາກໍາຂ້າມຊາດແລະການຕ້ານຢາເສບຕິດ, ເຕັກໂນໂລຊີຂໍ້ມູນຂ່າວສານ (ICT), ການຄ້າແລະການລົງທຶນ, ການແລກປ່ຽນລະຫວ່າງພາກທຸລະກິດລວມທັງຜ່ານສະພາທຸລະກິດອາຊຽນ-ລັດເຊຍແລະການພົວພັນລະຫວ່າງປະຊາຊົນກັບປະຊາຊົນໂດຍສະເພາະການຈັດກອງປະຊຸມສຸດຍອດຊາວໜຸ່ມອາຊຽນ-ລັດເຊຍຄັ້ງທີ 5 ໃນທ້າຍປີ 2019 ທີ່ຟີລິບປິນ, ແລະການຮ່ວມມືດ້ານການສຶກສາ. ນອກນີ້, ກອງປະຊຸມຍັງໄດ້ແລກປ່ຽນກ່ຽວກັບບັນຫາພາກພື້ນແລະສາກົນທີ່ສອງຝ່າຍມີຄວາມສົນໃຈຮ່ວມກັນ.

ກອງປະຊຸມລັດຖະມົນຕີ​​ຕ່າງປະເທດອາຊຽນ-​ນິວຊີແລນໄດ້ຕີລາຄາສູງຕໍ່ຄວາມຄືບໜ້າໃນການຈັດຕັ້ງປະຕິບັດແຜນປະຕິບັດງານອາຊຽນ-ນິວຊີແລນ 2016-2020 ໃນໄລຍະໜຶ່ງປີຜ່ານມາໂດຍສະເພາະການຈັດຕັ້ງປະຕິບັດຂໍ້ລິເລີ່ມເພື່ອການພົວພັນລະຫວ່າງປະຊາຊົນແລະຂໍ້ລິເລີ່ມເພື່ອຄວາມສົມບູນພູນສຸກຊຶ່ງໄດ້ຮັດແໜ້ນການຮ່ວມມືລະຫວ່າງອາຊຽນແລະນິວຊີແລນແລະປະກອບສ່ວນເຂົ້າໃນຂະບວນການສ້າງປະຊາຄົມອາຊຽນ. ກອງປະຊຸມໄດ້ສະແດງຄວາມຍິນດີຕໍ່ການເລີ່ມຂະບວນການປຶກສາຫາລືເພື່ອສ້າງແຜນປະຕິບັດງານອາຊຽນ-ນິວຊິແລນສະບັບໃໝ່ສໍາລັບປີ 2021-2025 ແນໃສ່ຮັດແໜ້ນການຮ່ວມມືການເປັນຄູ່ຮ່ວມຍຸດທະສາດອາຊຽນ-ນິວຊິແລນ. ກອງປະຊຸມໄດ້ຮັບຊາບຂໍ້ສະເໜີຂອງນິວຊີແລນເພື່ອຈັດກອງປະຊຸມສຸດຍອດອາຊຽນ-ນິວຊີແລນເພື່ອສະເຫຼີມສະຫຼອງຄົບຮອບ 45 ປີແຫ່ງການພົວພັນອາຊຽນ-ນິວຊີແລນໃນປີ 2020. ກອງປະຊຸມໄດ້ເຫັນດີຮັດແໜ້ນການຮ່ວມມືດ້ານຕ່າງໆທີ່ມີຄວາມສົນໃຈຮ່ວມກັນເຊັ່ນ: ການຄ້າແລະການລົງທຶນ, ການຄຸ້ມຄອງໄພພິບັດ, ການເຊື່ອມຈອດ, ແລະການຫຼຸດຜ່ອນຄວາມແຕກໂຕນດ້ານການພັດທະນາ. ກອງປະຊຸມຍັງໄດ້ແລກປ່ຽນກ່ຽວກັບບັນຫາພາກພື້ນແລະສາກົນທີ່ສອງຝ່າຍມີຄວາມສົນໃຈຮ່ວມກັນ.

 

 

ບົດຂ່າວອື່ນໆ

a
ແຈ້ງການ

* ນາຍົກລັດຖະມົນຕີ ພ້ອມດ້ວຍຄະນະ ຜູ້ແທນ ສປປ ລາວ ຈະເດີນທາງໄປຢ້ຽມຢາມ ຣາຊະອານາຈັກ ກຳປູເຈຍ ຢ່າງເປັນທາງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
190185
ມື້ນີ້16
ມື້ວານ115
ອາທິດນີ້680
ເດືອນນີ້1517
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710