ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຄະນະຜູ້ແທນລາວ ເຂົ້າຮ່ວມພິທີສະເຫຼີມສະຫຼອງ ວັນລົງປະຊາມະຕິ ຄົບຮອບ 20 ປີ ທີ່ ປະເທດ ຕີມໍ-ເລສເຕ

SLXTimorA

 

SLXTimorB

 

ໃນລະຫວ່າງວັນທີ 29-30 ສິງຫາ 2019 ທີ່ຜ່ານມາ, ພະນະທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ, ໄດ້ເປັນຜູ້ຕາງໜ້າພິເສດຂອງ ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ນໍາພາຄະນະຜູ້ແທນ ສປປ ລາວ ເຂົ້າຮ່ວມພິທີສະເຫຼີມສະຫຼອງ ວັນລົງປະຊາມະຕິ ຄົບຮອບ 20 ປີ ແຫ່ງ ສາທາລະນະລັດ ປະຊາທິປະໄຕ ຕີມໍ-ເລສເຕ ຕາມການເຊື້ອເຊີນ ຂອງ ພະນະທ່ານ ຕາອູ ມາຕານ ຣູອັກ, ນາຍົກລັດຖະມົນຕີ ແຫ່ງສາທາລະນະລັດ ປະຊາທິປະໄຕ ຕີມໍ-ເລສເຕ ເຊິ່ງພິທີໄດ້ຈັດຂື້ນ ທີ່ ນະຄອນຫຼວງດີລີ, ຕີມໍ-ເລສເຕ ໂດຍມີ ການນຳຂັ້ນສູງ ຂອງປະເທດອາຊຽນ, ອົດສະຕາລີ, ປະເທດເພື່ອນມິດ ຂອງຕີມໍ-ເລສເຕ ແລະ ຜູ້ຕາງໜ້າ ຈາກອົງການສະຫະປະຊາຊາດ ເຂົ້າຮ່ວມເປັນກຽດ ແລະ ສະແດງຄວາມຊົມເຊີຍມາຍັງລັດຖະບານ ແລະ ປະຊາຊົນຕີມໍ-ເລດສເຕ ຕໍ່ເອກະລາດ ແລະ ຜົນສຳເລັດໃນການສ້າງສາ ແລະ ພັດທະນາປະເທດຊາດ ຕະຫຼອດໄລຍະ 20 ປີ ທີ່ຜ່ານມາ. ໃນພິທີສຳຄັນດັ່ງກ່າວ, ປະທານາທິບໍດີ ຂອງຕີມໍ-ເລສເຕ ໄດ້ໃຫ້ກຽດກ່າວເປີດພິທີ ເພື່ອຫວນລໍາລຶກເຖິງມູນເຊື້ອ ອັນພິລະອາດຫານຂອງປະຊາຊົນຕີມໍ-ເລສເຕ ໃນການຍາດເອົາເອກະລາດ ແລະ ສິດເປັນເຈົ້າຕົນເອງ ແລະ ປະດັບຫຼຽນແກ່ບຸກຄົນສຳຄັນ ທີ່ໄດ້ປະກອບສ່ວນແກ່ການໄດ້ຮັບເອກະລາດຂອງປະເທດຕີມໍ-ເລສເຕ. ພ້ອມນີ້, ເຈົ້າພາບ ຍັງໄດ້ຈັດການສະແດງສິນລະປະ, ວັດທະນະທຳພື້ນເມືອງ ຂອງ ຊາວຕີມໍ-ເລສເຕ ແລະ ຍິງບັ້ງໄຟດອກ ເພື່ອສະເຫຼີມສະຫຼອງພິທີດັ່ງກ່າວຢ່າງຟົດຟື້ນ ແລະ ມີຄວາມໝາຍສຳຄັນ.

          ວັນລົງປະຊາມະຕິ ເປັນວັນທີ່ມີຄວາມໝາຍສຳຄັນ ຂອງ ປະເທດຕີມໍ-ເລສເຕ ແລະ ຖືກຈັດໃຫ້ເປັນວັນພັກທາງລັດຖະການໃນແຕ່ລະປີ ເພື່ອລະນຶກເຖິງປະຫວັດສາດກ່ອນໜ້ານີ້ 20 ປີ, ເຊິ່ງປະຊາຊົນຕີມໍ ໄດ້ພ້ອມໃຈກັນລົງປະຊາມະຕິແຍກຕົວເປັນເອກະລາດໃນວັນທີ 30 ສິງຫາ 1999. ປະເທດຕີມໍ-ເລສເຕ ຕັ້ງຢູ່ໃນຂົງເຂດອາຊີຕາເວັນອອກສ່ຽງໃຕ້, ມີຊາຍແດນຕິດຈອດກັບຕີມໍຕາເວັນຕົກ ຂອງອິນໂດເນເຊຍ ແລະ ມີຊາຍແດນທາງນໍ້າ ຕິດກັບປະເທດອົດສະຕາລີ ທາງທິດເໜືອ ໂດຍມີທະເລຕີມໍ ຂັ້ນກາງ, ມີເນື້ອທີ່ທັງໝົດ 15.007 km2, ມີປະຊາກອນທັງໝົດ 1,06 ລ້ານຄົນ (ປີ 2010), ໃນນັ້ນປະຊາຊົນປະມານ 90 ເປີເຊັນຖືສາດສະໜາກາໂຕລິກ ແລະ ປະກອບມີ 13 ເມືອງ.

          ສປປ ລາວ ແລະ ສປ ຕີມໍ-ເລສເຕ ສ້າງຕັ້ງສາຍພົວພັນການທູດນຳກັນໃນວັນທີ 29 ກໍລະກົດ 2002 ແລະ ໄດ້ມີການພົວພັນຮ່ວມມືກັນດີ ຢ່າງເປັນປົກກະຕິ ຕະຫຼອດໄລຍະເວລາ 17 ກວ່າປີຜ່ານມາ. ຫຼ້າສຸດ, ໃນລະຫວ່າງວັນທີ 5-8 ມິຖຸນາ 2019, ລັດຖະມົນຕີຕ່າງປະເທດ ແລະ ການຮ່ວມມື ຂອງ ຕີມໍ-ເລສເຕ ໄດ້ເດີນທາງມາຢ້ຽມຢາມທາງການ ທີ່ ສປປ ລາວ ເພື່ອສືບຕໍ່ຮັດແໜ້ນ ແລະ ສົ່ງເສີມສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງ ສອງປະເທດໃຫ້ເຂົ້າສູ່ລວງເລິກ ແລະ ຂະຫຍາຍຕົວຍິ່ງໆຂື້ນ. ການເຂົ້າຮ່ວມພິທີສຳຄັນຄັ້ງນີ້ ຂອງຄະນະຜູ້ແທນລາວ ເປັນການສືບຕໍ່ເຈດຕະນາລົມອັນສະເໝີຕົ້ນສະເໝີປາຍ ໃນການສົ່ງເສີມການພົວພັນຮ່ວມມືທີ່ດີ ລະຫວ່າງ ສປປ ລາວ ກັບບັນດາປະເທດຕ່າງໆ ໃນພາກພື້ນ ແລະ ໃນໂລກ ລວມທັງປະເທດ ຕີມໍ-ເລດສເຕ ທັງຍັງເປັນການນໍາເອົາ ການສະໜັບສະໜູນຢ່າງຈິງໃຈ ຈາກລັດຖະບານ ແລະ ປະຊາຊົນ ແຫ່ງ ສປປ ລາວ ມາຍັງລັດຖະບານ ແລະ ປະຊາຊົນ ແຫ່ງ ຕີມໍ-ເລສເຕ ໃນໂອກາດທີ່ມີຄວາມໝາຍສຳຄັນຄັ້ງນີ້ ແລະ ຖືໂອກາດນີ້ສະແດງຄວາມຍິນດີ ແລະ ຊົມເຊີຍ ຕໍ່ຜົນສຳເລັດ ໃນການສ້າງສາ ແລະ ພັດທະນາປະເທດຕີມໍ-ເລດເຕ ຕະຫຼອດໄລຍະເວລາ 20 ປີຜ່ານມາ ອີກດ້ວຍ.

ບົດຂ່າວອື່ນໆ

a
ແຈ້ງການ

* ລັດ​ຖະ​ມົນ​ຕີ​ກະຊ​ວງ​ການ​ຕ່າງ​ປະ​ເທດ ແຫ່ງ ສປປ ລາວ ພ້ອມດ້ວຍຄະນະ ຈະເດີນທາງຢ້ຽມຢາມ ສາທາລະນະລັດ ກູບາ ຢ່າງເປັນທາງການ

*ກຳນົດການຈັດຕັ້ງປະຕິບັດ ປິດໜ່ວຍງານອອກວິຊາກັບດ່ານສາກົນ ຈຳນວນ 09 ດ່ານ

* ບົດຄວາມ ຫົວຂໍ້ ການທູດລາວ ສືບຕໍ່ໄດ້ຮັບການຍົກລະດັບຂຶ້ນຢ່າງສະເໝີຕົ້ນສະໝີປາຍ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
196765
ມື້ນີ້19
ມື້ວານ101
ອາທິດນີ້567
ເດືອນນີ້2159
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710