ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ກະຊວງການຕ່າງປະເທດ ຈັດພິທີປາຖະກະຖາ ສອງວັນປະຫວັດສາດ ລາວ-ຫວຽດນາມ ແລະ ວັນຄ້າຍວັນເກີດຂອງ ປະທານ ສຸພານຸວົງ ຄົບຮອບ 108 ປີ

sengphet speech lv

ໃນຕອນບ່າຍ ວັນທີ 3 ສິງຫາ 2017, ທີ່ ກະຊວງການຕ່າງປະເທດ ໄດ້ຈັດພິທີປາຖະກະຖາ ສອງວັນປະຫວັດສາດ ລະຫວ່າງ ລາວ-ຫວຽດນາມ ກໍຄື: ວັນເຊັນສົນທິສັນຍາ ແລະ ການຮ່ວມມື ຄົບຮອບ 40 ປີ (18/07/1977 - 18/07/2017), ວັນສ້າງຕັ້ງສາຍພົວພັນທາງການທູດ ຄົບຮອບ 55 ປີ (05/09/1962 - 05/09/2017) ແລະ ວັນຄ້າຍວັນເກີດຂອງ ປະທານ ສຸພານຸວົງ ຄົບຮອບ 108 ປີ (13/07/1909 – 13/09/2017), ໂດຍພາຍໃຕ້ການເປັນປະທານຂອງ ທ່ານ ແສງເພັດ ຮຸ່ງບຸນຍວງ, ຮອງເລຂາຄະນະພັກ, ຮອງລັດຖະມົນຕີກະຊວງການຕ່າງປະເທດ, ມີບັນດາຄະນະພັກ, ຄະນະນໍາ, ສະມາຊິກພັກ, ພະນັກງານລັດຖະກອນ ແລະ ພະນັກງານອາວຸໂສບຳນານ ທົ່ວກະຊວງການຕ່າງປະເທດ ເຂົ້າຮ່ວມຢ່າງພ້ອມພຽງ.

ໃນໂອກາດນີ້ ທ່ານ ແສງເພັດ ຮຸ່ງບຸນຍວງ ໄດ້ຍົກໃຫ້ເຫັນບັນດາມູນເຊື້ອ ແລະ ຜົນສຳເລັດທີ່ສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມ ຍາດມາໄດ້ຕະຫຼອດໄລຍະຜ່ານມາ, ພັກ-ລັດຖະບານ ຖືສຳຄັນການພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງຊາດ ລາວ-ຫວຽດນາມ ເຊິ່ງເປັນກົດເກນແຫ່ງການຄົງຕົວ ແລະ ຂະຫຍາຍຕົວຂອງພາລະກິດປະຕິວັດກູ້ຊາດ, ທັງເປັນການພົວພັນທີ່ເປັນມູນເຊື້ອໃນໄລຍະຕໍ່ສູ້ກູ້ຊາດ ກໍ່ຄືການຮ່ວມມືຊ່ວຍເຫຼືອເຊິ່ງກັນ ແລະ ກັນ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນປະຈຸບັນ. ນອກຈາກນີ້, ທ່ານ ແສງເພັດ ຮຸ່ງບຸນຍວງ ໄດ້ຍົກໃຫ້ເປັນຜົນສຳເລັດອັນເປັນພື້ນຖານ ແລະ ພົ້ນເດັ່ນ ໃນການສ້າງຕັ້ງສາຍພົວພັນທາງການທູດ ຕະຫຼອດໄລຍະ 55 ປີຜ່ານມາ, ໂດຍສະເພາະດ້ານການເມືອງ ແລະ ຄວາມໝັ້ນຄົງ, ເສດຖະກິດ, ການຄ້າ ແລະ ການລົງທຶນ ລວມທັງການພົວພັນຮ່ວມມື ລະຫວ່າງ ສອງກະຊວງການຕ່າງປະເທດ ເຊິ່ງເຫັນວ່າມີຄວາມໃກ້ຊິດສະໜິດແໜ້ນ ແລະ ມີປະສິດທິຜົນສູງຕະຫຼອດມາ. ໃນຖານະເປັນເສນາທິການໃຫ້ແກ່ການນຳພັກ-ລັດຂອງຕົນ ໃນການຊຸກຍູ້ສົ່ງເສີມການພົວພັນຮ່ວມມື ລະຫວ່າງ ສອງກະຊວງ ກໍ່ຄືສອງປະເທດ ໃນເວທີພາກພື້ນ ແລະ ສາກົນ, ສອງກະຊວງການຕ່າງປະເທດ ກໍ່ໄດ້ບັນລຸຂໍ້ຕົກລົງການຮ່ວມມືກັນ ໃນໄລຍະ 2014-2020.

ພ້ອມດຽວກັນນີ້, ເນື່ອງໃນໂອກາດ ວັນຄ້າຍວັນເກີດຂອງ ປະທານ ສຸພານຸວົງ ຄົບຮອບ 108 ປີ, ທ່ານ ແສງເພັດ ຮຸ່ງບຸນຍວງ ໄດ້ເລົ່າທວນຄືນປະຫວັດມູນເຊື້ອ ແລະ ຜົນງານຄຸນງາມຄວາມດີ ລວມທັງແບບແຜນການດຳລົງຊີວິດ, ການເຄື່ອນໄຫວປະຕິວັດ ຂອງປະທານ ສຸພານຸວົງ, ຜູ້ນຳທີ່ເດັ່ນ ແລະ ແສນເຄົາລົບຮັກຂອງປະຊາຊົນລາວບັນດາເຜົ່າ, ທີ່ຍອມເສຍສະຫຼະເລືອດເນື້ອ ເພື່ອການປະຕິວັດຕໍ່ສູ້ກູ້ຊາດໃນເມື່ອກ່ອນ ເພື່ອໃຫ້ສະມາຊິກພັກ, ພະນັກງານ-ລັດຖະກອນ ໄດ້ຮັບຮູ້, ເຂົ້າໃຈຢ່າງເລິກເຊິ່ງ ແລະ ສຶກສາຮ່ຳຮຽນເອົາຄຸນທາດການເມືອງ, ຄຸນສົມບັດສິນທຳປະຕິວັດ ແລະ ແບບແຜນວິຖີຊີວິດຂອງ ປະທານ ສຸພານຸວົງ ເພື່ອເສີມຂະຫຍາຍເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃນໄລຍະປະຈຸບັນ.

ບົດຂ່າວອື່ນໆທີ່ກ່ຽວຂ້ອງ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
125990
ມື້ນີ້49
ມື້ວານ94
ອາທິດນີ້398
ເດືອນນີ້1659
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710