ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ກອງປະຊຸມເຈົ້າໜ້າທີ່ອາວຸໂສ ວ່າດ້ວຍ ການຈັດຕັ້ງປະຕິບັດຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້ ຄັ້ງທີ 17 ແລະ ກອງປະຊຸມເຈົ້າໜ້າທີ່ອາວຸໂສ ອາຊຽນ-ຈີນ ຄັ້ງທີ 25

2019.5.20-17th-SOM-DOC

2019.5.20-25th-ACSOC

     ໃນວັນທີ 18 ພຶດສະພາ 2019 ທີ່ ຫາງໂຈ, ສປ ຈີນ, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ ແລະ ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວໄດ້ນຳພາຄະນະຜູ້ແທນລາວ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສ ວ່າດ້ວຍ ການຈັດຕັ້ງປະຕິບັດຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້ (ດີ​ໂອ​ຊີ) ຄັ້ງທີ 17 ພາຍໃຕ້ການເປັນປະທານຮ່ວມຂອງ ທ່ານ Enrique A. Manalo, ຮອງລັດຖະມົນຕີການຕ່າງປະເທທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງຟີລິປິນ ແລະ ທ່ານ Chen Xiaodong, ​​ຜູ້ຊ່ວຍລັດຖະມົນຕີກະຊວງການຕ່າງປະເທດ ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງ ສປ ຈີນ.

ກອງປະຊຸມຄັ້ງນີ້ ໄດ້ຕີລາຄາສູງຕໍ່ຄວາມຄືບໜ້າໃນການຈັດຕັ້ງປະຕິບັດຖະແຫຼງການ ​ດີ​ໂອ​ຊີ, ເຊິ່ງສະແດງອອກໃນການສໍາເລັດການຈັດຕັ້ງປະຕິບັດຫຼາຍກິດຈະກໍາຮ່ວມກັນ ພາຍໃຕ້ແຜນວຽກ​ຂອງຖະແຫຼງການດັ່ງ​ກ່າວ ​ໃນໄລຍະ 2016-2021. ພ້ອມນີ້ ກອງປະຊຸມ ໄດ້ເຫັນດີເປັນເອກະພາບກັນ ສືບຕໍ່ທ່ວງທ່າອັນ​ດີ​ຂອງ​ການ​ຮ່ວມ​ມືພາຍ​ໃຕ້​ຖະ​ແຫຼງ​ການ ​ດີ​ໂອ​ຊີ ເລັ່ງໃສ່ການແລກປ່ຽນບົດ​ຮຽນທີ່ດີ, ​ສົ່ງ​ເສີມຄວາມ​ໄວ້​ເນື້ອ​ເຊື່ອ​ໃຈ ແລະ ສ້າງ​ຄວາມ​ເຂົ້າ​ອົກ​ເຂົ້າ​ໃຈ​ເຊິ່ງ​ກັນແລະກັນ ເພື່ອປະ​ກອບ​ສ່ວນ​ເຂົ້າ​ໃນ​ການ​ຮ່ວມ​ມື​ພັດ​ທະ​ນາ ກໍຄືການສົ່ງເສີມສັນຕິພາບ ແລະ ຄວາມໝັ້ນຄົງຂອງພາກພື້ນ. ພ້ອມກັນນີ້, ກອງປະຊຸມ ຍັງໄດ້​ຮັບ​ຊາບບັ​ນ​ດາ​ຂໍ້​ລິເລີ່ມ ແລະ ກິດ​ຈະ​ກຳ​​ຮ່ວມ​ມື​ໃໝ່ ທີ່ສະເໜີໂດຍ​ອາ​ຊຽນ ແລະ ຈີນ ເພື່ອເອົາເຂົ້າໃນ ແຜນວຽກວ່າດ້ວຍການຈັດຕັ້ງປະຕິບັດຖະແຫຼງການ ດີ​ໂອ​ຊີ. ຄຽງຄູ່ກັນນີ້, ກອງປະຊຸມ ຍັງສະແດງຄວາມເພິ່ງພໍໃຈຕໍ່ຄວາມຄືບໜ້າໃນການເຈລະຈາ ຊີໂອຊີ ແລະ ຄາດວ່າ ຮ່າງທໍາອິດຂອງ ຊີໂອຊີ ຈະສໍາເລັດກ່ອນກອງປະຊຸມລັດຖະມົນຕີຕ່າງປະເທດອາຊຽນ-ຈີນ ໃນເດືອນສິງຫາ ທີ່ ບາງກອກ,​ ປະເທດໄທ.

ໃນວັນທີ 19 ພຶດສະພາ 2019, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງ າວ ໄດ້ສືບຕໍ່ນໍາພາຄະນະຜູ້ແທນລາວເຂົ້າຮ່ວມກອງປະຊຸມເຈົ້າໜ້າທີ່ອາວຸໂສ ອາຊຽນ-ຈີນ ຄັ້ງທີ 25 ໂດຍການເປັນປະທານຮ່ວມລະຫວ່າງ ຟີລິບປິນ ແລະ ຈີນ.

ກອງປະຊຸມໄດ້ສະແດງຄວາມເພິ່ງພໍໃຈຕໍ່ຜົນສຳເລັດຂອງການຈັດຕັ້ງປະຕິບັດການພົວພັນຮ່ວມມື ອາຊຽນ-ຈີນ ໃນໄລຍະ 1 ປີ ຜ່ານມາ ໂດຍສະເພາະ ການຈັດຕັ້ງປະຕິບັດປີນະວັດຕະກໍາ ອາຊຽນ-ຈີນ 2018, ການຜັນຂະຫຍາຍຜົນຂອງກອງປະຊຸມສຸດຍອດ ອາຊຽນ-ຈີນ ຄັ້ງທີ 21, ການຈັດຕັ້ງປະຕິບັດຖະແຫຼງການວິໄສທັດຄູ່ຮ່ວມຍຸດທະສາດ ອາຊຽນ-ຈີນ 2030, ຖະແຫຼງການຮ່ວມ ອາຊຽນ-ຈີນ ວ່າດ້ວຍການຮ່ວມມື ດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ແລະ ການຈັດຕັ້ງປະຕິບັດບັນດາກິດຈະກຳສຳລັບ ປີແລກປ່ຽນສື່ມວນຊົນ ອາຊຽນ-ຈີນ 2019.

ພິເສດ, ກອງປະຊຸມຄັ້ງນີ້ ໄດ້ຕີລາຄາສູງຕໍ່ຜົນສໍາເລັດໃນການຈັດຕັ້ງປະຕິບັດແຜນປະຕິບັດງານ ອາຊຽນ-ຈີນ ໄລຍະ 2016-2020, ເຊິ່ງເຫັນວ່າມີຫຼາຍກິດຈະກໍາໃນຂົງເຂດການເມືອງ-ຄວາມໝັ້ນຄົງ, ເສດຖະກິດ ແລະ ຂົງເຂດວັດທະນະທໍາ-ສັງຄົມ ໄດ້ຮັບການຈັດຕັ້ງປະຕິບັດ.

ສໍາລັບທິດທາງການຮ່ວມມື ອາຊຽນ-ຈີນ ໃນຕໍ່ໜ້າ, ກອງປະຊຸມໄດ້ເຫັນດີນໍາກັນຕໍ່ການເລີ່ມຂະບວນການຮ່າງແຜນປະຕິບັດງານ ອາຊຽນ-ຈີນ ສະບັບໃໝ່ໄລຍະ 2021-2025 ລວມທັງໄດ້​​ເຫັນ​​ດີເພີ່ມທະວີການຮ່ວມມືໃນຂົງເຂດຕ່າງໆ ທີ່ສອງຝ່າຍມີຄວາມສົນໃຈແລະທ່າແຮງຮ່ວມກັນເຊັັ່ນ: ການປະສານງານດ້ານນະໂຍບາຍ ແລະ ຄວາມໝັ້ນຄົງ, ການສົ່ງເສີມການຄ້າ, ການເຊື່ອມຈອດ, ການພັດທະນາຕົວເມືອງອັດສະລິຍະ, ເສດຖະກິດດີຈີຕອນ, ຍົກສູງຄວາມສາມາດໃນການຜະລິດ, ການສຶກສາ, ການໄປມາຫາສູ່ລະຫວ່າງປະຊາຊົນກັບປະຊາຊົນ, ການແລກປ່ຽນຊາວໜຸ່ມ ແລະ ສື່ມວນຊົນ, ແລະ ການຮ່ວມມືໃນຂອບອະນຸພາກພື້ນ ເຊັ່ນ: ແມ່ນຳ້ຂອງ-ແມ່ນນໍ້າລ້ານຊ້າງແລະອື່ນ. ກອງປະຊຸມ ໄດ້ຮັບຊາບຂໍ້ສະເໜີໃໝ່ຂອງຈີນ ເຊັ່ນ: ການກຳນົດເອົາປີ 2020 ເປັນປີການຮ່ວມມືເສດຖະກິດຕີຈີຕອນ, ຂໍ້່ລິເລີ່ມການເສີມສ້າງເຊິ່ງກັນ ແລະ ກັນ ລະຫວ່າງແຜນແມ່ບົດເພື່ອການເຊື່ອມຈອດອາຊຽນ 2025 (MPAC 2025) ແລະ ແຜນໜຶ່ງແລວໜຶ່ງເສັ້ນທາງ (BRI) ແລະ ການຮ່ວມມືດ້ານເສດຖະກິດສີຟ້າ.

ກອງປະຊຸມຄັ້ງນີ້ຍັງໄດ້ແລກປ່ຽນຄຳຄິດ​​ເຫັນກ່ຽວກັບບັນຫາພາກພື້ນ ແລະ ສາກົນທີ່ມີຄວາມສົນໃຈຮ່ວມກັນ ລວມທັງການກະກຽມໃຫ້ແກ່ກອງປະຊຸມລັດຖະມົນຕີຕ່າງປະເທດ ອາຊຽນ-ຈີນ ແລະ ກອງປະຊຸມສຸດຍອດ ອາຊຽນ-ຈີນ, ເຊິ່ງຈະຈັດຂຶ້ນໃນເດືອນສິງຫາ ແລະ ພະຈິກ 2019 ຕາມລໍາດັບ ຢູ່ ບາງກອກ, ປະເທດໄທ.

ກອງປະຊຸມ ເຈົ້າໜ້າທີ່ອາວຸໂສອາຊຽນ-ຈີນ ຄັ້ງຕໍ່ໄປ (ຄັ້ງທີ 26) ຈະຈັດຂຶ້ນ ຢູ່ ຟີລິບປິນ ໃນປີ 2020.

a
ແຈ້ງການ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
180070
ມື້ນີ້4
ມື້ວານ94
ອາທິດນີ້157
ເດືອນນີ້157
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710