ໃນວັນທີ 28 ເມສາ 2023, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດcທັງເປັນຫົວໜ້າເຈົ້າໜ້າທີ່ອາວຸໂສອາຊຽນ ຂອງ ສປປ ລາວ ໄດ້ນນຳພາຄະນະ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ-ຣັດເຊຍ ຄັ້ງທີ 19 ທີ່ ສຽມຣຽບ, ກໍາປູເຈຍ ພາຍໃຕ້ການເປັນປະທານຮ່ວມຂອງ ກໍາປູເຈຍ ແລະ ຣັດເຊຍ.
ກອງປະຊຸມ ໄດ້ທົບທວນຜົນການຈັດຕັ້ງປະຕິບັດແຜນປະຕິບັດງານອາຊຽນ-ຣັດເຊຍ ສຳລັບປີ 2021-2025 ກໍຄືການຮ່ວມມືຄູ່ຮ່ວມຍຸດທະສາດອາຊຽນ-ຣັດເຊຍ ຊຶ່ງຄົບຮອບ 5 ປີ ໃນປີ 2023 ນີ້. ພ້ອມນີ້, ກອງປະຊຸມ ກໍໄດ້ປຶກສາຫາລື ທິດທາງການຮ່ວມມືໃນອານາຄົດ ແລະ ໄດ້ປຶກສາຫາລືກ່ຽວກັບ ການກະກຽມທັງທາງດ້ານເນື້ອໃນ ແລະ ພະລາທິການ ໃຫ້ແກ່ກອງປະຊຸມລັດຖະມົນຕີຕ່າງປະເທດ ອາຊຽນ-ຣັດເຊຍ ທີ່ຈະມີຂຶ້ນ ໃນເດືອນກໍລະກົດ 2023 ພາຍໃຕ້ການເປັນປະທານຮ່ວມຂອງ ກໍາປູເຈຍ ແລະ ຣັດເຊຍ.