ໃນຕອນເຊົ້າຂອງວັນທີ 18 ເມສາ 2023, ທີ່ ຫ້ອງການສະຖານທູດ ຮົງກາຣີ, ນະຄອນຫຼວງວຽງຈັນ, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ນໍາພາຄະນະ ໄປເຊັນປຶ້ມໄຫວ້ອາໄລ ຕໍ່ການ​ມໍລະນະ​ກຳຂອງ​ ພະນະທ່ານ ລາຊໂລ ໂຊລໂຢມ, ອະດີດ ປະທານາທິບໍດີ ແຫ່ງ ຮົງກາຣີ ໄດ້ເສຍຊີວິດ, ເຊິ່ງມີເນື້ອໃນດັ່ງນີ້:

“ໃນນາມຕາງໜ້າໃຫ້ ​ລັດ​ຖະ​ບານ ແຫ່ງ ສາ​ທາ​ລະ​ນະ​ລັດ ປະຊາທິປະໄຕ ປະຊາຊົນລາວ, ປະ​ຊາ​ຊົນ​ລາວ ແລະ ໃນນາມສ່ວນຕົວ, ​ພວກຂ້າພະເຈົ້າ ຂໍສະແດງຄວາມເສົ້າສະຫຼົດໃຈຢ່າງ​ສຸດ​ຊຶ້ງ ແລະ ຂໍແບ່ງເບົາຄວາມທຸກໂສກຈາກ​ໃຈ​ຈິງ ມາຍັງ ລັດ​ຖະ​ບານ ແລະ ປະ​ຊາ​ຊົນ ​ແຫ່ງ ຮົງກາຣີ  ຕະ​ຫຼອດ​ເຖິງ ຄອບຄົວຂອງ ທ່ານ ລາຊໂລ ໂຊລໂຢມ ສຳ​ລັບ​ການ​ສູນ​ເສຍໃນ​ຄັ້ງ​ນີ້”.

ຂໍໃຫ້ດວງວິນຍານ ຂອງ ພະນະທ່ານ ລາຊໂລ ໂຊລໂຢມ ຈົ່ງໄປສູ່ສຸຂະຕິ.