ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ເອກອັກຄະລັດຖະທູດ ແຫ່ງ ສປປ ລາວ ປະຈໍາ ຣາຊະອານາຈັກໄທ ເຂົ້າຮ່ວມງານບຸນເຂົ້າຈີ່ໄທພວນ ທີ່ ຈັງຫວັດນະຄອນນາຍົກ

emLao bkg

ຕອນ​ຄ່ຳ​ຂອງວັນ​ທີ 23 ກຸມພາ 2018 ​ຜ່ານ​ມານີ້, ທ່ານ ແສງ ສຸຂະທິວົງ, ເອກອັກຄະລັດຖະທູດ ແຫ່ງ ສປປ ລາວ ປະຈຳຣາຊະອານາຈັກໄທ ແລະ ຄະນະໄດ້ເຂົ້າຮ່ວມງານບຸນເຂົ້າຈີ່ປະເພນີວັດທະນາທຳໄທພວນ, ເຊິ່ງຈັດຂຶ້ນຢູ່ວັດຝັ່ງຄອງ, ຕາແສງເກາະຫວາຍ, ເມືອງ ປາກພີ, ຈັງຫວັດນະຄອນນາຍົກ. ໃນພິທີດັ່ງກ່າວ, ທ່ານທູດ ແລະ ຄະນະໄດ້ຮັບການຕ້ອນຮັບ ຢ່າງອົບອຸ່ນຈາກ ທ່ານ ນັດຖະພົງ ສິຣິຊະນະ, ຜູ້ວ່າຣາຊະການ (ເຈົ້າແຂວງ) ນະຄອນນາຍົກ, ທ່ານ ພົນໂທ ທະນະພັດ ສີກຸນໄຊພັດ, ປະທານຊົມລົມໄທພວນ ແຫ່ງປະເທດໄທ, ອຳນາດການປົກຄອງເມືອງ ແລະ ບ້ານ ຕະຫລອດຮອດພໍ່ແມ່ປະຊາຊົນຄົນໄທ ເຊື້ອສາຍລາວພວນໃນທ້ອງຖິ່ນດັ່ງກ່າວ ແລະ ມາຈາກຈັງຫວັດຕ່າງໆຂອງໄທປະມານ 1.000 ກວ່າຄົນ.

ໃນພິທີເປີດງານ, ທ່ານປະທານພິທີໄດ້ກ່າວວ່າ: ການ​ຈັດ​ງານ​ຄັ້ງ​ນີ້​ແມ່ນ​ເປັນ​ການ​ເຕົ້າ​ໂຮມ​ຄວາມ​ສາ​ມາ​ຄີ ແລະ ສືບສານ​ວັດ​ທະ​ນະ​ທຳ​ຂອງ​ຊົນ​ເຜົ່າ​ໄທ​ພວນ​ທີ່​ມີ​ຕົ້ນ​ກຳ​ເນີດ​ຂອງບັນ​ພະ​ບຸ​ລຸດ​ມາຈາກ​ພວນ​ແຂວງ ຊຽງ​ຂວາງ ເຊິ່ງພາຍໃນງານໄດ້ມີຈັດຕັ້ງກຸ່ມນັກສະແດງຮີດ 12 ຂອງຊຸມຊົນໄທພວນທີ່ສືບທອດກັນມາແຕ່ບູຮານນະການ .

ໃນ​ພິທີດັ່ງກ່າວ, ທ່ານ ເອກອັກຄະລັດຖະທູດ ແສງ ສຸຂະທິວົງ ໄດ້ຕີລາສູງການຕ້ອນຮັບອັນອົບອຸ່ນ, ມີຄວາມພາກພູມໃຈຕໍ່ການພົວພັນລາວ-ໄທ ໃນໄລຍະໃໝ່, ຍ້ອງຍໍຊົມເຊີຍພີ່ນ້ອງເຊື້ອສາຍພວນຈັງຫວັດນະຄອນນາຍົກ ທີ່ໄດ້ສືບຕໍ່ອະນຸລັກ ຮັກສາຮີດຄອງປະເພນີອັນດັ່້ງເດີມຂອງບັນພະບຸລຸດ, ປູຍາຕາຍາຂອງຕົນ, ພໍ່ແມ່ໄດ້ສືບທອດຕໍ່ໆກັນມາ ແລະ ສະເໜີໃຫ້ພ້ອມກັນສືບຕໍ່ອະນຸລັກຮັກສາ ແລະ ສົ່ງເສີມໃຫ້ຍືນຍົງຄົງຕົວ ໄປສູ່ລຸ້ນຂອງລູກລຸ້ນຂອງຫຼານ; ພ້ອມທັງເຊີນຊວນ ພີ່ນ້ອງໄທພວນໄປຢ້ຽມຢາມ ສ.ປ.ປ ລາວ ໃນເວລາທີ່ມີຄວາມສະດວກເໝາະສົມ.

ໃນ​ງານ​ບຸນ​ດັ່ງ​ກ່າວ​ໄດ້​ມີ​ການແຕ່ງກາຍ, ການສະແດງກ່ຽວກັບວິທີຊິວິດ, ການຖືກຮຸກຮານ ແລະ ການອົບພະຍົກຈາກຊຽງຂວາງໄປປະເທດໄທຂອງໄທພວນ, ການສະແດງສິລະປະ, ການຂັບລຳ, ການອ່ານກາບກອນ ແລະ ການຍິງບັ້ງໄຟດອກ ເຮັດໃຫ້ທົ່ວງານເຕັມໄປດ້ວຍບັນຍາກາດ ເບີກບານມ່ວນຊື່ນ ແລະ ສະຫວ່າງສະໄຫວ. ບຸນເຂົ້າ ຈີ່ເປັນປະເພນີຂອງ ຊາວໄທພວນ ໄດ້ຈັດຂຶ້ນທຸກໆປີ. ປັດຈຸບັນຄົນໄທເຊື້ອສາຍພວນ ຢູ່ຈັງຫວັດນະຄອນນາຍົກມີປະມານ 8.000 ກວ່າຄົນ, ປະກອບດ້ວຍຫຼາຍວິຊາຊີບ ແລະ ຈຳນວນໜື່ງກໍເຮັດການຜະລິດກະສິກຳ-ເຮັດນາ, ສ່ວນເພດຍິງຍັງມີຄວາມ ຊຳນານໃນການຕ່ຳສີ້ນຕີນຈົກ ທີມີລວດລາຍເປັນເອກະລັກສະເພາະທີ່ສວຍງາມ.

a
ແຈ້ງການ

*ຖະແຫລງການ ຂອງ ກະຊວງການຕ່າງປະເທດ ແຫ່ງ ສປປ ລາວ ຕໍ່ຜົນການພົບປະສຸດຍອດ ຂອງ ຜູ້ນຳສອງເກົາຫລີ ຄັ້ງທີ 3

*ແຈ້ງປະກາດນຳໃຊ້ສັນຍາລັກ ການເປັນປະທານຮ່ວມ ລະ ຫວ່າງ ສປປ ລາວ ແລະ ສປ ຈີນ ສຳລັບຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ໃນໄລຍະ 2018-2020

*ບົດແຈ້ງຂ່າວ ທ່ານ ນາຍົກລັດຖະມົນຕີ ແຫ່ງ ສປປ ລາວ ຈະເຂົ້າຮ່ວມກອງປະຊຸມເວທີປຶກສາຫາລື ເສດຖະກິດໂລກ ກ່ຽວກັບ ອາຊຽນ ຄັ້ງທີ 27 ໃນວັນທີ 11-13 ກັນຍາ 2018 ທີ່ ຮ່າໂນຍ, ສສ.ຫວຽດນາມ.

*ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາໃຫ້ແກ່ພົນລະເມືອງ ສ.ເກົາຫລີ ທີ່ເດີນທາງເຂົ້າມາ ສປປ ລາວ

*ການຊີ້ແຈງຂອງກະຊວງການຕ່າງປະເທດ ແຫ່ງ ສປປ ລາວ ກ່ຽວກັບ ລັດຖະບານສະຫະລັດ ອາເມລິກາ ປະກາດໃສ່ມາດຕະການດ້ານວີຊາຕໍ່ ສປປ ລາວ

*ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ

*ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
157974
ມື້ນີ້33
ມື້ວານ96
ອາທິດນີ້101
ເດືອນນີ້2319
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710