ນະຄອນຫຼວງວຽງຈັນ, ວັນ​ທີ 15 ມີ​ນາ 2017

​ພະ​ນະ​ທ່ານ ໄມ​ເຄີນ ຮິກ​ກິນ

ປະ​ທາ​ນາ​ທິ​ບໍ​ດີ ແຫ່ງ ໄອ​ແລນ

​ທີ່ ດັບ​ລິນ

          ​ພະ​ນະ​ທ່ານ,

          ​ເນື່ອງ​ໃນ​ໂອກ​າດວັນຊາດ ​ແຫ່ງ ໄອ​ແລນ ຄົບ​ຮອບ 68 ປີ, ຕາງໜ້າ​ໃຫ້​ປະຊາຊົນ​ລາວ ​ແລະ ​ໃນ​ນາມ​ສ່ວນ​ຕົວ,​ ຂ້າພະ​ເຈົ້າ ຂໍ​ຖື​ເປັນກຽດສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ​ແລະ ພອນ​ໄຊ​ອັນ​ປະ​ເສີດ​ມາ​ຍັງ ​​ພະ​ນະ​ທ່ານ ​ແລະ ຜ່ານ​​ພະ​ນະ​ທ່ານ ​ໄປ​ຍັງ​ປະຊາຊົນ​ໄອ​ແລນ​ທຸກ​ຖ້ວນໜ້າ ຈົ່ງ​ມີ​ພະ​ລາ​ນາໄມ​ສົມບູນ ​ແລະ ມີ​ຄວາມ​ຈະ​ເລີນ​ວັດ​ທະ​ນາ.

ນະ​ຄອນຫຼວງວຽງ​ຈັນ, ວັນ​ທີ 25 ກຸມ​ພາ 2017

ສົ​ມ​ເດັດ,

ເນື່ອງ​ໃນ​ໂອ​ກາດອັນສະຫງ່າລາສີ ​​ວັນ​ຊາດ​ ແຫ່ງ ລັດ​ກູ​ເວດ ຄົບ​ຮອບ 56 ປີ, ໃນ​ນາມຕາງໜ້າລັດຖະບານ, ​ປະ​ຊາ​ຊົນ ແຫ່ງ​ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ແລະ ໃນ​ນາມ​ສ່ວນ​ຕົວ, ຂ້າ​ພະ​ເຈົ້າ​ ຂໍຖື​ເປັນ​ກຽດ​ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ແລະ ພອນ​ໄຊ​ອັນ​ປະ​ເສີດ​ມາ​ຍັງ​ ສົມ​ເດັດ, ລັດຖະບານ ແລະ ປະ​ຊາ​ຊົນກູ​ເວດ ເພື່ອນ​ມິດ​ທຸກ​ຖ້ວນ​ໜ້າ.

ເນື່ອງໃນໂອກາດວັນສ້າງຕັ້ງອາເຊັມ ຄົບຮອບ 21 ປີ, ວັນທີ 1 ມີນາ 2017, ໃນນາມລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດອວຍພອນໄຊອັນປະເສີດ ແລະ ອົບອຸ່ນ ມາຍັງປະຊາຊົນບັນດາປະເທດສະມາຊິກອາເຊັມ ກໍ່ຄືປະຊາຊົນລາວ, ເນື່ອງໃນໂອກາດອັນສະຫງ່າລາສີດັ່ງກ່າວ.