ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ກອງ​ປະຊຸມ​ຂອງ​ໜ່ວຍ​ງານ​ບໍ່​ເປັນ​ທາງ​ການດ້ານສິດທິມະນຸດ ແລະ ການປົກຄອງ ລະຫວ່າງ ສປປ ລາວ ແລະ ສະຫະພາບເອີຣົບ ຄັ້ງ​ທີ 7

 

Humanright

 

ກອງ​ປະຊຸມຂອງ​ໜ່ວຍ​ງານ​ບໍ່​ເປັນ​ທາງ​ການ ດ້ານສິດທິມະນຸດ ແລະ ການປົກຄອງ ລະຫວ່າງ ສປປ ລາວ ແລະ ສະຫະພາບ ເອີຣົບ ​​ຄັ້ງ​ທີ 7 ໄດ້​ຈັດ​ຂຶ້ນທີ່ ນະຄອນຫຼວງວຽງຈັນ, ໃນວັນທີ 16 ກຸມພາ 2017 ເພື່ອປຶກສາຫາລື ແລະ ແລກປ່ຽນສົນທະນາໃນຫຼາຍຫົວຂໍ້ທີ່ພົວພັນເຖິງການປົກປ້ອງ ແລະ ສົ່ງເສີມສິດທິມະນຸດ ແລະ ການບໍລິຫານລັດ.

ຄະນະຝ່າຍ​ລາວ ​ນຳ​ໂດຍ ທ່ານ ພູໂຂງ ສີສຸລາດ, ຫົວໜ້າກົມສົນທິສັນຍາ ແລະ ກົດໝາຍ, ກະຊວງການຕ່າງປະເທດ ​ແລະ ປະກອບ​ດ້ວຍຜູ້ຕາງໜ້າຈາກບັນດາກະຊວງ ແລະ ອົງການທີ່ກ່ຽວຂ້ອງ. ຄະນະຝ່າຍ ສະຫະພາບ ເອີຣົບ ນຳໂດຍທ່ານ ເດວິດ ດາລີ, ຫົວໜ້າຮັບຜິດຊອບອາຊີຕາເວັນອອກສຽງໃຕ້, ສຳນັກງານພົວພັນຕ່າງປະເທດຂອງ ສະຫະພາບ ເອີຣົບ ແລະ ຄະນະທີ່ຈາກຄະນະ​ກຳມາ​ທິການ​​ເອີຣົບ, ບັນດາ​ເອກ​ອັກຄະ​ລັດຖະທູດ ​ແລະ ນັກ​ການ​ທູດສະຫະພາບ ເອີຣົບ, ຝຣັ່ງ, ​ເຢຍລະ​ມັນ, ອັງກິດ, ລຸກ​ຊຳ​ບວກ, ​ໂປ​ໂລ​ຍ ​ແລະ ຊູ​ແອດ ​ເຂົ້າ​ຮ່ວມ.

ການສົນທະນາດັ່ງກ່າວ ແມ່ນກົນໄກສອງຝ່າຍໃນການແລກປ່ຽນທັດສະນະ ແລະ ພາກ​ປະຕິບັດກ່ຽວກັບການສົ່ງເສີມ ແລະ ປົກປ້ອງສິດທິມະນຸດ ແລະ ວຽກງານການປົກຄອງ ໂດຍມີຈຸດປະສົງ ເພື່ອສ້າງຄວາມເຂົ້າໃຈ​ເຊິ່ງກັນ ​ແລະ ກັນ ບົນພື້ນຖານຄວາມສະເໝີພາບ ແລະ ເຄົາລົບອຳນາດ​ອະທິປະ​ໄຕ​ຂອງ​ລັດ, ປະກອບສ່ວນ​ເພີ່ມ​ທະວີ​ການ​ພົວພັນ ແລະ ການຮ່ວມມື ລະຫວ່າງ ສປປ ລາວ ແລະ ສະຫະພາບ ເອີຣົບ.

ໃນກອງປະຊຸມ ສອງຝ່າຍໄດ້ແຈ້ງໃຫ້ກັນຊາບ ກ່ຽວກັບ ຄວາມຄືບໜ້າໃນການຈັດຕັ້ງປະຕິບັດສິດທິມະນຸດຢູ່ ສປປ ລາວ ແລະ ສະຫະພາບ ເອີຣົບ, ການປະຕິບັດຂໍ້ສະເໜີ​ແນະພາຍໃຕ້ບົດລາຍງານການທົບທວນປະຈຳໄລຍະ (UPR), ການຄຸ້ມ​ຄອງລັດດ້ວຍກົດໝາຍ, ການຮ່ວມມືດ້ານ​ສິດທິ​ມະນຸດ​ໃນ​ລະດັບພາກພື້ນ ແລະ ສາກົນ, ​ເສລີພາບ​ໃນ​ການສະ​ແດງ​ຄວາມ​ຄິດ​ເຫັນ ​ແລະ ສື່​ມວນ​ຊົນ, ອົງການ​ຈັດ​ຕັ້ງ​ທາງ​ສັງຄົມ, ​ເສລີພາບ​ດ້ານ​ສາ​ສະໜາ, ສິດທິ​ຂອງ​ຊົນ​ເຜົ່າ, ແມ່ຍິງ,​ ເດັກນ້ອຍ ​ແລະ ຄົນ​ພິການ, ສິດທິ​ດ້ານ​ແຮງ​ງານ, ການ​ປົກ​ປ້ອງ​ຜູ້​ຖືກ​ເຄາະ​ຮ້າຍ​ຈາກ​ການ​ຄ້າ​ມະນຸດ, ສິດທິ​ດ້ານ​ທີ່​ດິນ, ການ​ຫຼຸດ​ພົ້ນ​ຈາກ​ສະຖານະ​ພາບປະ​ເທດ​ດ້ອຍ​ພັດທະນາ, ຜົນສຳ​ເລັດ​ການ​ເປັນ​ ປະທານ​ອາ​ຊຽນ ​ແລະ ການ​ເປັນ​ປະທານ​ຄະນະ​ກຳມາ​ທິການ ​ລະຫວ່າງ ​ລັດຖະບານ​ອາ​ຊຽນ ວ່າດ້ວຍ ສິດທິ​ມະນຸດ​ ໃນ​ປີ 2016.

ຈາກການສົນທະນາຄັ້ງນີ້, ຝ່າຍສະຫະພາບ ເອີຣົບ ໄດ້ມີຄວາມເຂົ້າໃຈດີຂຶ້ນຕື່ມ ກ່ຽວກັບ ນະໂຍບາຍ, ກົດໝາຍ ແລະ ຄວາມຄືບໜ້າຂອງ ສປປ ລາວ ໃນການສົ່ງເສີມ ແລະ ປົກປ້ອງສິດທິມະນຸດ ແລະ ສິດທິພື້ນຖານຂອງປະຊາຊົນລາວ ບັນດາເຜົ່າ ພາຍໃຕ້ລັດຖະທຳມະນູນ, ກົດໝາຍ ແລະ ສົນທິສັນຍາທີ່ ສປປ ລາວ ເປັນພາຄີ.

a
ແຈ້ງການ
Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
109767
ມື້ນີ້61
ມື້ວານ94
ອາທິດນີ້603
ເດືອນນີ້2407
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710