ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ກອງປະຊຸມຄະນະກຳມາທິການຮ່ວມ ສປປ ລາວ ແລະ ສະຫະພາບ ເອີຣົບ ຄັ້ງທີ 8

 

Laoeroupmetting2Laoeroupmetting1

 

ໃນວັນທີ 17 ກຸມພາ 2017, ທີ່ ກະຊວງການຕ່າງປະເທດ ໄດ້ມີການຈັດກອງປະຊຸມຄະນະກຳມາທິການຮ່ວມ ສປປ ລາວ ແລະ ສະຫະພາບ ເອຣົບ ຄັ້ງທີ 8, ຕາງໜ້າໃຫ້ຝ່າຍລາວ ໂດຍແມ່ນ ທ່ານ ຂວັນຕາ ຜາລີວົງ, ຫົວໜ້າກົມເອີຣົບ-ອາເມລິກາ, ກະຊວງການຕ່າງປະເທດ ແລະ ຕາງໜ້າໃຫ້ຝ່າຍ ອີຢູ ໂດຍແມ່ນ ທ່ານ David Daly, ຫົວໜ້າກົມອາຊີໃຕ້ ແລະ ອາຊີຕາເວັນອອກສຽງໃຕ້, ມີບັນດາເອກອັກຄະລັດຖະທູດ ຂອງປະເທດສະມາຊິກ ສະຫະພາບ ເອີຣົບ ເຂົ້າຮ່ວມຢ່າງພ້ອມພຽງ.

ກ່ອນໜ້ານັ້ນ, ໃນວັນທີ 16 ກຸມພາ 2017, ໄດ້ມີກອງປະຊຸມປຶກສາຫາລື ກ່ຽວກບ ການຮ່ວມມືດ້ານການຄ້າ, ການລົງທຶນ ແລະ ວຽກງານສິດທິມະນຸດ ຄັ້ງທີ 7 ຊຶ່ງໄດ້ຮັບຜົນສຳເລັດເປັນຢ່າງດີ. ອີກປະການໜຶ່ງ, ໃນປີ 2016 ຜ່ານມາ ສປປ ລາວ ແລະ ສະຫະພາບ ເອີຣົບ ໄດ້ລົງນາມໃນເອກະສານໃຫ້ການຊ່ວຍເຫຼືອຂອງ ອີຢູ ເປັນຕົ້ນແມ່ນ ໂຄງການການສຶກສາຂັ້ນພື້ນຖານ ສຳລັບປີ 2014-2015 ມູນຄ່າ 15 ລ້ານເອີໂຣ, ໂຄງການວຽກງານໂພຊະນາການ ມູນຄ່າ 19 ລ້ານເອີໂຣ, ໂຄງການການບູລະນະການປົກຄອງ ມູນຄ່າ 5,5 ລ້ານເອີໂຣ ແລະ ໂຄງການເກັບກູ້ລະເບີດ (UXO) ມູນຄ່າ 5 ລ້ານເອີໂຣ. ນອກຈາກນີ້, ສອງຝ່າຍ ຍັງໄດ້ປຶກສາຫາລືກັນ ກ່ຽວກັບ ໂຄງການຊ່ວຍເຫຼືອຂອງ ອີຢູ ທີ່ມີຕໍ່ ສປປ ລາວ ສຳລັບໄລຍະປີ 2016-2020 (Joint Programming 2016-2020) ທີ່ມີມູນຄ່າ 162 ລ້ານເອີໂຣ.

ການຊ່ວຍເຫຼືອຂອງ ອີຢູ ແກ່ ສປປ ລາວ ຈະປະກອບສ່ວນອັນສຳຄັນເຂົ້າໃນການປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 8 (2016-2020) ເພື່ອນຳເອົາປະເທດຫຼຸດພົ້ນອອກຈາກສະຖານະພາບດ້ອຍພັດທະນາ ໃນປີ 2020.

ຜົນສຳເລັດຂອງກອງປະຊຸມຄະນະກຳມາທິການຮ່ວມ ສປປ ລາວ ແລະ ສະຫະພາບ ເອີຣົບ ຄັ້ງທີ 8 ທີ່ໄດ້ຈັດຂຶ້ນຢູ່ ນະຄອນຫຼວງວຽງຈັນ ໃນຄັ້ງນີ້ ເປັນນິມິດໝາຍອັນດີ ໃຫ້ແກ່ການເສີມຂະຫຍາຍການພົວພັນຮ່ວມມືສອງຝ່າຍໃນອະນາຄົດ.

ປີນີ້ ສປປ ລາວ ແລະ ສະຫະພາບ ເອີຣົບ ຈະສະເຫຼີມສະຫຼອງວັນເຊັນສັນຍາ ວ່າດ້ວຍ ການຮ່ວມມືສອງຝ່າຍ ຄົບຮອບ 20 ປີ, ຊຶ່ງຈະເປັນພື້ນຖານທາງດ້ານນິຕິກຳ ໃຫ້ແກ່ກອງປະຊຸມຄະນະກຳມາທິການຮ່ວມລະຫວ່າງ ສປປ ລາວ ແລະ ສະຫະພາບ ເອີຣົບ ຄັ້ງທີ 8. ເວົ້າລວມແລ້ວ ກອງປະຊຸມຄະນະກຳມາທິການຮ່ວມ ລະຫວ່າງ ສອງຝ່າຍ ແມ່ນຈັດຂຶ້ນທຸກໆ 2 ປີ ໂດຍຜັດປ່ຽນກັນເປັນເຈົ້າພາບ.

a
ແຈ້ງການ
Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
109770
ມື້ນີ້64
ມື້ວານ94
ອາທິດນີ້606
ເດືອນນີ້2410
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710