ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ທ່ານເອກອັກຄະລັດຖະທູດແຫ່ງ ສປປ ລາວ ປະຈຳປະເທດຍີ່ປຸ່ນ ຍື່ນສານຕາຕັ້ງຕໍ່ເຈົ້າຈັກກະພັດຍີ່ປຸ່ນ

JP

 

ໃນວັນທີ 11 ເມສາ 2017, ທ່ານ ວິໂຣດ ສຸນດາຣາ ໄດ້ເຂົ້າຍື່ນສານຕາຕັ້ງຕໍ່ ເຈົ້າຈັກກະພັດ ອາກີຮິໂຕະ (Akihito) ແຫ່ງ ປະເທດຍີ່ປຸ່ນ, ທີ່ ສໍານັກພະລາດຊະວັງ ເພື່ອດໍາລົງຕໍາແໜ່ງເປັນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ປະເທດຍີ່ປຸ່ນ, ໂດຍຊ້ອງໜ້າຜູ້ຕາງໜ້າລັດຖະບານ ທີ່ ກະຊວງການຕ່າງປະເທດຍີ່ປຸ່ນ, ເຈົ້າໜ້າທີ່ຂອງສຳນັກພະລາດຊະວັງ ແລະ ພະນັກງານການທູດຈາກສະຖານທູດລາວ ທີ່ ໂຕກຽວ.

 

ພາຍຫລັງພິທີຍື່ນສານຕາຕັ້ງໄດ້ສຳເລັດລົງ, ເຈົ້າຈັກກະພັດ ອາກີຮິໂຕະ ໄດ້ພົບປະໂອ້ລົມກັບ ທ່ານເອກອັກຄະລັດຖະທູດລາວ ໃນບັນຍາກາດແຫ່ງໄມຕີຈິດມິດຕະພາບອັນສະໜິດສະໜົມ, ໂດຍເຈົ້າຈັກກະພັດ ຍີ່ປຸ່ນ ໄດ້ຕີລາຄາສູງຕໍ່ການມາດຳລົງຕຳແໜ່ງຂອງ ທ່ານເອກອັກຄະລັດຖະທູດລາວ ປະຈຳ ປະເທດ ຍີ່ປຸ່ນ ໃນຄັ້ງນີ້ ພ້ອມທັງສະແດງຄວາມເຊື່ອໝັ້ນວ່າ ການພົວພັນມິດຕະພາບ ແລະ ການຮ່ວມມື ລະຫວ່າງ ສອງປະເທດ ຈະນັບມື້ນັບຈະເລີນງອກງາມຍິ່ງຂຶ້ນໄປ. ໃນໂອກາດດັ່ງກ່າວ, ທ່ານທູດ ວິໂຣດ ສຸນດາຣາ ໄດ້ນຳເອົາຄວາມຍື້ຢາມຖາມຂ່າວ ຈາກ ພະນະທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ ສົ່ງໄປຍັງ ເຈົ້າຈັກກະພັດຍີ່ປຸ່ນ ພ້ອມດ້ວຍວົງສານຸວົງທຸກພະອົງ  ແລະ ຜ່ານເຈົ້າຈັກກະພັດ ໄປຍັງປະຊາຊົນຍີ່ປຸ່ນທຸກທົ່ວໜ້າ; ແລະ ໃນຖານະໄດ້ຮັບການແຕ່ງຕັ້ງໃຫ້ມາດໍາລົງຕໍາແໜ່ງເປັນ ເອກອັກຄະລັດຖະທູດ ແຫ່ງ ສປປ ລາວ ປະຈຳປະເທດຍີ່ປຸ່ນ, ທ່ານທູດ ວິໂຣດ ສຸນດາຣາ ໄດ້ໃຫ້ຄຳໝັ້ນສັນຍາ ຈະເຮັດສຸດຄວາມສາມາດໃນການປະຕິບັດໜ້າທີ່ການທູດຂອງຕົນໃຫ້ສຳເລັດຜົນ ເພື່ອຊຸກຍູ້ສົ່ງເສີມ ແລະ ເພີ້ມທະວີສາຍພົວພັນມິດຕະພາບ ແລະ ການຮ່ວມມືອັນດີທີ່ມີມາແຕ່ດົນນານ ລະຫວ່າງ ສອງປະເທດ ລາວ ແລະ ຍີ່ປຸ່ນ ໂດຍສະເພາະພາຍຫລັງສອງປະເທດ ໄດ້ຍົກລະດັບການພົວພັນຮ່ວມມືເປັນຄູ່ຮ່ວມຍຸດທະສາດ ໃຫ້ກວ້າງຂວາງເລິກເຊິ່ງ, ມີປະສິດທິພາບສູງ ແລະ ເກີດດອກອອກຜົນເພີ້ມຂຶ້ນ ເພື່ອຜົນປະໂຫຍດລວມຂອງປະຊາຊົນສອງຊາດ ລາວ ແລະ ຍີ່ປຸ່ນ.

 

ທ່ານ ວິໂຣດ ສຸນດາຣາ ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງເປັນ ເອກອັກຄະລັດຖະທູດ ວິສາມັນຜູ້ມີອໍານາດເຕັມ ແຫ່ງ ສປປ ລາວ ປະຈຳ ປະເທດຍີ່ປຸ່ນ ຄົນທີ 09 ແລະ ນັບຕັ້ງແຕ່ສອງປະເທດ ໄດ້ສ້າງຕັ້ງສາຍພົວພັນການທູດຮ່ວມກັນ ໃນວັນທີ 05 ມີນາ 1955 ເປັນຕົ້ນມາ ແມ່ນມີເອກອັກຄະລັດຖະທູດທັງໝົດ 14 ທ່ານ.