ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ທູດລາວຍື່ນສານຕາຕັ້ງຂອງຕໍ່ ເຈົ້າຊາຍແຫ່ງ ລິກເຕິນສະຕາຍ

khanin lic

ຫວ່າງບໍ່ດົນຜ່ານມານີ້, ທ່ານ ຄໍາອິນ ຄິດຈະເດດ ໄດ້ເຂົ້າຍື່ນສານຕາຕັ້ງຕໍ່ ເຈົ້າຊາຍ ອາລອຍ ( His Serene Highness Hereditary Prince Alois ) ທີ່ສໍານັກງານພະຣາຊະວັງແຫ່ງ ລິດເຕິນສະຕາຍ ທີ່ນະຄອນວາດູສ ເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສປປ ລາວ ປະຈໍາ ລິກເຕິນສະຕາຍ ທີ່ສະຖານທູດລາວຕັ້ງຢູ່ນະຄອນເຊີແນວ.

ພາຍຫຼັງພິທີຍື່ນສານຕາຕັ້ງ, ທ່ານທູດລາວກໍໄດ້ພົບປະໂອ້ລົມກັບ ເຈົ້າຊາຍອາລອຍ ແຫ່ງ ລິກເຕິນສະຕາຍ ດ້ວຍບັນຍາກາດອັນສະໜິດສະໜົມ ແລະ ໄດ້ນໍາເອົາຄວາມຢື້ຢາມຖາມຂ່າວ ອັນອົບອຸ່ນ, ພອນໄຊອັນປະເສີດ ແລະ ຄວາມຮັກແພງຖານເພື່ອນມິດຈາກ ພະນະທ່ານ ບຸນຍັງ ວໍລະຈິດ, ປະທານປະເທດແຫ່ງ ສປປ ລາວ ສົ່ງເຖິງ ເຈົ້າຊາຍອາລອຍ ແລະ ຜ່ານພະອົງໄປຍັງລັດຖະບານ ແລະ ປະຊາຊົນລິກເຕິນສະຕາຍທຸກຖ້ວນໜ້າ.

ໃນໂອກາດນີ້, ທ່ານທູດກໍ່ໄດ້ແຈ້ງໂດຍຫຍໍ້ກ່ຽວກັບການພັດທະນາເສດຖະກິດ-ສັງຄົມ ຂອງ ສປປ ລາວ, ລວມທັງການຜັນຂະຫຍາຍເປົ້າໝາຍການພັດທະນາທີ່ຍນຍົງ ແລະ ເປົ້າໝາຍການພັດທະນາທີ່ຈະນໍາເອົາປະເທດຫຼຸດພົ້ນອອກຈາກຄວາມດ້ອຍພັດທະນາໃນປີ 2020; ໄດ້ສະເໜີຕໍ່ພະອົງໃຫ້ມີການຮ່ວມມືທາງດ້ານເສດຖະກິດສັງຄົມລະຫວ່າງສອງປະເທດ ໃນຕໍ່ໜ້າ ເນື່ອງຈາກວ່າໄລຍະຜ່ານມາທັງສອງປະເທດຍັງບໍ່ທັນມີການຮ່ວມມືນໍາກັນທາງດ້ານເສດຖະກິດສັງຄົມຢ່າງເປັນຮູບປະທໍາ.

ທ່ານທູດໄດ້ໃຫ້ຄໍາໝັ້ນສັນຍາໃນການປະຕິບັດໜ້າທີ່ການທູດຂອງຕົນ ເພື່ອຊຸກຍູ້ສົ່ງເສີມສາຍພົວພັນມິດຕະພາບ ແລະ ການຮ່ວມມືອັນດີລະຫວ່າງ ລິກເຕິນສະຕາຍ ແລະ ສປປ ລາວ ແລະ ເພີ່ມທະວີການຮ່ວມມືຂອງສອງປະເທດໃຫ້ມີບາດກ້າວຂະຫຍາຍຕົວໃນຕໍ່ໜ້າ.

ໃນໂອກາດດັ່ງກ່າວ, ເຈົ້າຊາຍອາລອຍ ກໍໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການມາດໍາລົງຕໍາແໜ່ງຂອງທ່ານເອກອັກຄະລັດຖະທູດແຫ່ງ ສປປ ລາວ ປະຈໍາລິກເຕິນສະຕາຍ; ໄດ້ສະແດງຄວາມຊົມເຊີຍຕໍ່ລັດຖະບານແຫ່ງ ສປປ ລາວ ທີ່ມີການເຕີບໃຫຍ່ຂະຫຍາຍຕົວທາງດ້ານການພັດທະນາເສດຖະກິດສັງຄົມຂອງຕົນ; ພະອົງໄດ້ເນັ້ນເຖິງຄວາມຄ້າຍຄືກັນ ຂອງສອງປະເທດ ແລະ ໄດ້ແຈ້ງໃຫ້ຊາບກ່ຽວກັບນະໂຍບາຍການພັດທະນາເສດຖະກິດສັງຄົມຂອງລິກເຕິນສະຕາຍ. ເຈົ້າຊາຍອາລອຍໄດ້ສົ່ງຄວາມຢື້ຢາມຖາມຂ່າວ ແລະ ຄວາມຮັກແພງມາຍັງ ປະທານປະເທດແຫ່ງ ສປປ ລາວ ແລະ ປະຊາຊົນລາວທຸກທົ່ວໜ້າ.

ໃນໂອກາດຍື່ນສານຕາຕັ້ງຄັ້ງນີ້, ທ່ານທູດລາວຍັງໄດ້ເຂົ້າຢຽມຂໍ່ານັບ ແລະ ປຶກສາຫາລືກັບ ທ່ານ ນາງ Aurelia Frick, ລັດຖະມົນຕີກະຊວງການຕ່າງປະເທດ, ຍຸດຕິທໍາ ແລະ ວັດທະນະທໍາ ແລະ ໄດ້ພົບປະກັບ ທ່ານ Wilfried Hoop, ຫົວໜ້າກົມພິທີການ ເຊິ່ງໄດ້ປຶກສາຫາລື ກ່ຽວກັບ ການສົ່ງເສີມການຮ່ວມມືສອງຝ່າຍ ເປັນຕົ້ນແມ່ນການຮ່ວມມືໃນເວທີສາກົນ, ດ້ານການສຶກສາ, ວັດທະນາທໍາ, ສະພາການຄ້າ ແລະ ອຸດສາຫະກໍາ ລະຫວ່າງສອງປະເທດໃນຕໍ່ໜ້າ.

ການຍື່ນສານ ແລະ ພົບປະລະຫວ່າງ ເຈົ້າຊາຍອາລອຍ ແລະ ພາກສ່ວນກ່ຽວຂ້ອງ ແຫ່ງ ລິກເຕິນສະຕາຍ ແລະ ທ່ານເອກອັກຄະລັດຖະທູດແຫ່ງ ສປປ ລາວ ໃນຄັ້ງນີ້ ໄດ້ດໍາເນີນໄປດ້ວຍໄມຕີຈິດມິດຕະພາບຄວາມອົບອຸ່ນ ແຕ່ຕົ້ນຕະຫຼອດປາຍ. ປະເທດລິກເຕິນສະຕາຍ ແລະ ສປປ ລາວ ສ້າງຕັ້ງສາຍພົວພັນການທູດນໍາກັນໃນວັນທີ 08 ມັງກອນ 2004.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
125990
ມື້ນີ້49
ມື້ວານ94
ອາທິດນີ້398
ເດືອນນີ້1659
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710