ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ກອງປະຊຸມປຶກສາຫາລື ລາວ-ອາເມລິກາ ໃນວຽກງານການສໍາຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ (MIA)

mia la

ໃນວັນທີ 22/8/2017 ກອງປະຊຸມປຶກສາຫາລືໃນລະດັບວິຊາການ ລະຫວ່າງ ລາວ-ອາເມລິກາ ກ່ຽວກັບວຽກງານການສໍາຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ (MIA) ປະຈຳປີ 2017 ໄດ້ດຳເນີນຂຶ້ນທີ່ນະຄອນຫຼວງວຽງຈັນ, ຊຶ່ງຝ່າຍລາວນຳໂດຍ ທ່ານ ຂວັນຕາ ຜາລີວົງ, ຫົວໜ້າກົມເອີຣົບ-ອາເມລິກາ, ກະຊວງການຕ່າງປະເທດ, ພ້ອມດ້ວຍຄະນະວິຊາການກະຊວງການຕ່າງປະເທດ ແລະ ກະຊວງປ້ອງກັນປະເທດ, ແລະ ຄະນະຜູ້ແທນຝ່າຍອາເມລິການຳໂດຍທ່ານ ພົນຈັດ ຕະວາ Mark Spindler, ຮອງຫົວໜ້າອົງການປົກປ້ອງສິດຜົນປະໂຫຍດຂອງສະເລີຍເສິກທະຫານອາເມລິກາທີ່ຫາຍສາບສູນໃນປາງສົງຄາມ (DPAA), ໂດຍມີການເຂົ້າຮ່ວມຂອງທ່ານ ນາງ Rena Bitter, ເອກອັກຄະລັດຖະທູດສະຫະລັດ ອາເມລິກາ ປະຈຳ ສປປ ລາວ.

ໃນກອງປະຊຸມຄັ້ງນີ້ ທັງສອງຝ່າຍໄດ້ທົບທວນຄືນການປະຕິບັດແຜນການຮ່ວມມືພາກສະໜາມຢູ່ແຂວງສະຫວັນນະເຂດ ແລະ ແຂວງຄຳມ່ວນ ໃນວຽກງານການສໍາຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ (MIA) ໃນໄລຍະ 01 ປີ ຜ່ານມາ, ຊຶ່ງໃນສົກປີ 2016-2017 ໄດ້ຮັບໝາກຜົນສາມາດຄົ້ນພົບສິ່ງເສດເຫຼືອ ແລະ ພິສູດຢືນຢັນໄດ້ເຖິງ 7 ຄົນ, ພ້ອມທັງໄດ້ປຶກສາຫາລືແຜນການປະຕິບັດງານຮ່ວມໃນສົກປີຕໍ່ໜ້າ, ຊຶ່ງຄາດວ່າຜົນທີ່ໄດ້ຮັບຈະໄດ້ສືບຕໍ່ເພີ້ມທະວີໂດຍຜ່ານການເພີ້ມຈຳນວນການປະຕິບັດງານໃນພາກສະໜາມຈາກ 4 ຄັ້ງ ເປັນ 5 ຄັ້ງຕໍ່ປີ, ລວມທັງການຊ່ວຍເຫຼືອດ້ານມະນຸດສະທຳປຸກສ້າງໂຮງຮຽນ, ໂຮງໝໍ ແລະ ອື່ນໆ ໃຫ້ແກ່ທ້ອງຖິ່ນໃນເຂດທີ່ມີການປະຕິບັດວຽກງານດັ່ງກ່າວ. ໃນໂອກາດນີ້, ຝ່າຍລາວໄດ້ຢືນຢັນຄືນທີ່ຈະສືບຕໍ່ໃຫ້ການຮ່ວມມືໃນວຽກງານດັ່ງກ່າວບົນພື້ນຖານເງື່ອນໄຂ ແລະ ຄວາມອາດສາມາດຕົວຈິງຂອງຝ່າຍລາວ. ສ່ວນຝ່າຍອາເມລິກາກໍ່ໄດ້ສະແດງຄວາມຂອບໃຈ ແລະ ຕີລາຄາສູງຕໍ່ການຊ່ວຍເຫຼືອຂອງລັດຖະບານລາວກໍ່ຄືປະຊາຊົນລາວ ແລະ ຍັງໄດ້ຍົກໃຫ້ເຫັນເຖິງຄວາມສຳຄັນຂອງການຮ່ວມມືຂອງສອງປະເທດ, ໂດຍສະເພາະໃນວຽກງານ MIA ທີ່ເປັນສ່ວນປະກອບອັນສຳຄັນໃຫ້ແກ່ການຂະຫຍາຍການຮ່ວມມືຂອງສອງປະເທດໃນໄລຍະ 30 ກວ່າປີ ທີ່ຜ່ານມາ ພ້ອມທັງໄດ້ຢືນຢັນຈະສືບຕໍ່ໃຫ້ການຊ່ວຍເຫຼືອດ້ານມະນຸດສະທຳແກ່ປະຊາຊົນລາວ ເພື່ອປະກອບສ່ວນເສີມຂະຫຍາຍໃຫ້ການພົວພັນຮ່ວມມືລະຫວ່າງສອງປະເທດ ລາວ-ອາເມລິກາ ໃຫ້ມີບັນຍາກາດນັບມື້ນັບດີຂຶ້ນໃນອະນາຄົດ.

ການປະຕິບັດນະໂຍບາຍດ້ານມະນຸດສະທຳອັນສະເໝີຕົ້ນສະເໝີປາຍຂອງລັດຖະບານ ແຫ່ງ ສປປ ລາວ ຕໍ່ ກັບວຽກງານການຮ່ວມມືສຳຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງອະດີດທະຫານອາ ເມລິກາທີ່ຫາຍສາຍສູນໃນປາງສົງຄາມຢູ່ລາວນັ້ນ ແມ່ນໄດ້ດຳເນີນມາແຕ່ປີ 1982, ຊຶ່ງໃນຕົວຈິງແມ່ນພົບຄວາມຫຍຸ້ງຍາກຫຼາຍຢ່າງເປັນຕົ້ນສະພາບດິນຟ້າອາກາດ ແລະ ສະພາບແວດລ້ອມດ້ານພູມສາດທີ່ທຸລະກັນດານ, ແຕ່ຜົນທີ່ ອອກມາແມ່ນສາມາດຂຸດຄົ້ນພົບສິ່ງເສດເຫຼືອຈຳນວນ 279 ກໍລະນີ ໃນຈຳນວນທັງໝົດ 573 ກໍລະນີ ແລະ ຍັງຈະສືບຕໍ່ຊອກຫາອີກ 294 ກໍລະນີ. ການຮ່ວມມືດ້ານມະນຸດສະທຳດັ່ງກ່າວນີ້ເປັນການສະແດງໃຫ້ເຫັນເຖິງຄວາມເອົາໃຈໃສ່ຂອງລັດຖະບານ ກໍ່ຄືການຮ່ວມມືເປັນຢ່າງດີຂອງປະຊາຊົນລາວ ແລະ ລັດຖະບານກໍ່ຄືປະຊາຊົນອາເມລິກາກໍ່ມີຄວາມເພິ່ງພໍໃຈຕໍ່ໝາກຜົນ ແລະ ການຮ່ວມມືດັ່ງກ່າວ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
129347
ມື້ນີ້37
ມື້ວານ94
ອາທິດນີ້478
ເດືອນນີ້2085
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710