ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ເອກອັກຄະລັດຖະທູດຫວຽດນາມ ປະຈຳບາງກອກເຂົ້າ ອວຍພອນວັນຊາດລາວ

emthai aouyphone

      ວັນທີ 01 ທັນວານີ້, ທ່ານ ຫງວຽນ ຮ່າຍ ບ້າງ, ເອກອັກຄະລັດຖະທູດຜູ້ມີອຳນາດເຕັມ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ປະຈຳ ລາຊະອານາຈັກໄທ ພ້ອມດ້ວຍຄະນະໄດ້ເຂົ້າອວຍພອນ ທ່ານ ແສງ ສຸຂະທິວົງ, ເອກອັກຄະລັດຖະທູດຜູ້ມີອຳນາດເຕັມ ແຫ່ງ ສປປ ລາວ ປະຈຳ ລາຊະອານາຈັກໄທ ເນື່ອງໂອກາດສະເຫຼີມວັນຊາດທີ່ 2 ທັນວາ ຄົບຮອບ 42 ປີ ຂອງ ສປປ ລາວ ( 2 ທັນວາ 1975 - 2 ທັນວາ 2017).

        ໃນໂອກາດອັນເປັນມົງຄຸນນີ້, ທ່ານເອກອັກຄະລັດຖະທູດຫວຽດນາມ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານທີ່ລາວ ຍາດມາໄດ້ໃນໄລຍະ​ 42 ປີຜ່ານມາ ພາຍໃຕ້ການນຳພາທີ່ສະຫຼາດສ່ອງໃສຂອງພັກປະຊາຊົນ ປະຕິວັດລາວ, ຕີລາຄາສູງສາຍພົວພັນພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ລັດ ແລະ ປະຊາຊົນສອງຊາດຫວຽດນາມ ແລະ ລາວ ຕະຫຼອດໄລຍະຜ່ານມາ; ອວຍພອນອັນປະເສີດໃຫ້ແກ່ການນຳພັກ-ລັດ ແລະ ປະຊາຊົນລາວບັນດາເຜົ່າເວົ້າລວມ, ເວົ້າສະເພາະແມ່ນທ່ານເອກອັກຄະລັດຖະທູດລາວ ແລະ ພະນັກງານທັງໝົດຈົ່ງມີແຕ່ຄວາມສຸກໂຊກດີຍາດໄດ້ຜົນງານອັນໃໝ່ໃນຊຸມປີຕໍ່ໜ້າ.

   ໃນໂອກາດດຽວກັນ, ທ່ານ ແສງ ສຸຂະທິວົງ ໄດ້ຕາງໜ້າໃຫ້ພະນັກທັງໝົດພາຍໃນສະຖານທູດກ່າວສະແດງຄວາມຂອບໃຈມາຍັງທ່ານທູດຫວຽດນາມ ແລະ ຄະນະທີ່ມາອວຍພອນແລະເຫັນໄດ້ຜົນສຳເລັດໃນການສ້າງສາພັດທະນາຂອງ ລາວ ໃນໄລຍະ 42 ປີຜ່ານມາ ແລະ ອວຍພອນໃຫ້ສາຍພົວພັນມິດຕະພາບອັນຍິ່ງໃຫຍ່ ແລະ ການຮ່ວມມືຮອບດ້ານຂອງທັງສອງປະເທດຈົ່ງນັບມືນັບໄດ້ຮັບການເພີ່ມພູນຄູນສ້າງໃຫ້ຈະເລີນງອກງາມຂຶ້ນໄປເລື້ອຍໆ.