ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ກອງປະຊຸມຄະນະກໍາມະການຊາຍແດນຮ່ວມ ລາວ-ຈີນ ຄັ້ງທີ XV

border lc15

    ກອງປະຊຸມຄະນະກໍາມະການຊາຍແດນຮ່ວມ ລາວ-ຈີນ ຄັ້ງທີ XV ໄດ້ຈັດຂຶ້ນໃນລະຫວ່າງວັນທີ 23-24 ມັງກອນ 2018 ທີ່ ນະຄອນຫຼວງວຽງຈັນ, ສປປ ລາວ. ຄະນະຜູ້ແທນຝ່າຍລາວ ນໍາໂດຍ ທ່ານ ແພງສະຫວັນ ແກ້ວປະເສີດ,​ ຫົວໜ້າຫ້ອງການຄະນະກໍາມະການຊາຍແດນແຫ່ງຊາດ, ກະຊວງການຕ່າງປະເທດ ແຫ່ງ ສປປ.ລາວ, ​ຫົວໜ້າຄະນະກໍາມະການຊາຍແດນຮ່ວມ ລາວ-ຈີນ ແລະ ຝ່າຍຈີນ ນຳໂດຍ ທ່ານ ນາງ ຫວາງເຫວີນລີ້, ຮອງຫົວໜ້າກົມກິດຈະການຊາຍແດນ ແລະ ທະເລ, ກະຊວງການຕ່າງປະເທດ ແຫ່ງ ສປ.ຈີນ, ຫົວໜ້າຄະນະກໍາມະການຊາຍແດນຮ່ວມ ຈີນ-ລາວ, ພ້ອມດ້ວຍຜູ້ຕາງໜ້າຈາກພາກສ່ວນກ່ຽວຂ້ອງຂອງສູນກາງ ແລະ ແຂວງທີ່ມີຊາຍແດນຕິດຈອດກັບ ສປ ຈີນ.

ສອງຝ່າຍໄດ້ພ້ອມກັນສັງເກດຕີລາຄາຄືນຜົນການຈັດຕັ້ງປະຕິບັດເນື້ອໃນບົດບັນທຶກກອງປະຊຸມຄະນະກໍາມະການຊາຍແດນຮ່ວມ ລາວ-ຈີນ ຄັ້ງທີ XIV ໃນໄລຍະຜ່ານມາ, ເຊິ່ງເຫັນວ່າ: ສະພາບການຢູ່ຕາມບໍລິເວນຊາຍແດນລະຫວ່າງສອງ​ປະ​ເທດ​ມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍດີ, ກໍາລັງປ້ອງກັນຊາດປ້ອງກັນຄວາມສະຫງົບຂອງສອງປະເທດໄດ້ຮ່ວມກັນກວດກາລາດຕະເວນຊາຍແດນ ແລະ ກວດກາຫຼັກໝາຍຊາຍແດນຢ່າງເປັນປົກກະຕິ, ສະພາບປະກົດການຫຍໍ້ທໍ້ທີ່ເກີດຂຶ້ນກໍ່ໄດ້ຮັບການແກ້ໄຂຢ່າງທັນການ, ເຈົ້າໜ້າທີ່ທີ່ກ່ຽວຂ້ອງຂອງສູນກາງ ແລະ ທ້ອງຖິ່ນໄດ້ມີການພົບປະ ແລະ ປະສານສົມທົບກັນຢ່າງເປັນປົກກະຕິ; ສອງຝ່າຍໄດ້ດຳເນີນການສຶກສາອົບຮົມປະຊາຊົນທີ່ອາໄສຢູ່ຕາມບໍລິເວນຊາຍແດນຂອງສອງປະເທດໃຫ້ເຄົາລົບນັບຖືສັນຍາ ວ່າດ້ວຍລະບຽບການຄຸ້ມຄອງຊາຍແດນ ແລະ ດ່ານຊາຍແດນ ທີ່ສອງຝ່າຍໄດ້ຮັບຮອງເອົາແລ້ວ.

ເພື່ອ​ແນ​ໃສ່​ເຮັດ​ໃຫ້​ວຽກງານການຮ່ວມມື ແລະ ຄຸ້ມຄອງຊາຍແດນລະຫວ່າງສອງປະເທດ​ໃຫ້​ມີ​ປະສິດ ທິ​ຜົນ​ກວ່າ​ເກົ່າ, ສອງຝ່າຍໄດ້ເຫັນດີເອກກະພາບກັນແຜນການຈັດຕັ້ງປະຕິບັດວຽກງານໃນປີ 2018 ແລະ ຈະຕ້ອງໄດ້ເພີ່ມທະວີເອົາ​ໃຈ​ໃສ່​ໃນ​ການແລກປ່ຽນຂໍ້ມູນຂ່າວສານ, ເຜີຍແຜ່ໂຄສະນາ ແລະ ສຶກສາອົບຮົມສົນທິສັນຍາ, ອະນຸສັນຍາໃຫ້ແກ່ເຈົ້າໜ້າທີ່ ແລະ ປະຊາຊົນຢູ່ຕາມບໍລິເວນຊາຍແດນ, ສະກັດກັ້ນການລັກລອບຂ້າມຊາຍແດນຜິດກົດໝາຍ, ການຂຸດຄົ້ນເຄື່ອງປ່າຂອງດົງ, ການລ່າສັດປ່າການລ້ຽງສັດຂ້າມແດນ, ການຄ້າຂາຍເຖື່ອນ, ການຄ້າຢາເສບຕິດ, ການຄ້າມະນຸດ, ການກໍ່ອາດສະຍາກຳຂ້າມຊາດ ແລະ ປະກົດການຫຍໍ້ທໍ້ອື່ນໆ. ແນໃສ່ປົກປັກຮັກສາຄວາມສະຫງົບສຸກ ແລະ ຄວາມເປັນລະບຽບຮຽບຮ້ອຍໃນການເຄື່ອນໄຫວດຳລົງຊີວິດຂອງປະຊາຊົນທີ່ຢູ່ຕາມບໍລິເວນຊາຍແດນຂອງສອງປະເທດໃຫ້ສະດວກສະບາຍ​ຍິ່ງໆຂຶ້ນ. ​

  ຜົນສຳເລັດຂອງກອງປະຊຸມຄັ້ງນີ້ ເປັນການປະກອບສວ່ນເຂົ້າໃນການຮ່ວມມື ລາວ-ຈີນ ທີ່ເປັນຄູ່ຮ່ວມມືຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ເປັນຄູ່ຮ່ວມສະຕາກຳສັງຄົມນິຍົມທີ່ບໍ່ສາມາດທັບມ້າງໄດ້ ພ້ອມທັງເປັນການປະກອບສ່ວນອັນສຳຄັນເຂົ້າໃນການສ້າງຊາຍແດນຂອງສອງປະເທດໃຫ້ກາຍເປັນຊາຍແດນແຫ່ງສັນຕິພາບ, ມິດຕະພາບ ແລະ ເປັນຊາຍແດນຕົວແບບຢ່າງແທ້ຈິງ.

ຂ່າວອື່ນໆທີ່ກ່ຽວຂ້ອງ

a
ແຈ້ງການ

*ທ່ານລັດຖະມົນຕີຕ່າງປະເທດ ຈະເດີນທາງເຂົ້າຮ່ວມກອງປະຊຸມ ສຸດຍອດອາຊີ-ເອີຣົບ ຄັ້ງທີ 12, ທີ່ ບຣຸກແຊນ, ປະເທດແບນຊິກ

*ແຈ້ງການຄັດເລືອກ ບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງ "ລາງວັນອາຊຽນ" ຄັ້ງປະຖົມມະເລີກ

*ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ

*ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
160249
ມື້ນີ້31
ມື້ວານ94
ອາທິດນີ້382
ເດືອນນີ້1741
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710