ພະນະ​ທ່ານ ບຸນ​ຍັງ ວໍລະ​ຈິດ

ປະທານ​ປະ​ເທດ ​ແຫ່ງ ສາທາ​ລະນະ​ລັດ ປະຊາທິປະ​ໄຕ ປະຊາຊົນລາວ

ພະ​ນ​ະ​ທ່ານ ປະ​ທານ​ປະ​ເທດ ທີ່ນັບ​ຖື,

ເນື່ອງ​ໃນ​ໂອ​ກາດ​ວັນ​ຊາດ ແຫ່ງ ສ​າທາ​ລະນະ​ລັດ ປະຊາທິປະ​ໄຕ ປະຊາຊົນ​ລາວ, ຂ້າ​ພະ​ເຈົ້າຂໍ​ຖື​ໂອກາດ ​ໃນ​ນາມ​ສ່ວນ​ຕົວ ແລະ ໃນ​ນາມ​ຂອງປະຊາຊົນ ​ກຳປູ​ເຈຍ ສົ່ງຄວາມ​ຊົມ​ເຊີຍອັນ​​​ອົບ​ອຸ່ນ ​ແລະ ຄຳ​ອວຍພອນ​​ໄຊ ມາ​ຍັງ​ພະນະທ່ານ​ ກໍ​ຄື​ປະ​ຊາ​ຊົນ​ລາວ​ ທ​ຸກ​ທົ່ວ​ໜ້າ ຈົ່ງມີ​ສຸຂະພາບ​ແຂງ​ແຮງ ​ແລະ ມີ​ຄວາມຜາສຸກ.

ພະນະທ່ານ ບຸນ​ຍັງ ວໍລະ​ຈິດ

ປະ​ທານ​ປະ​ເທດ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປ​ະ​ໄຕ ປະ​ຊາ​ຊົນລາວ

ທີ່ ນະຄອນຫຼວງວຽງຈັນ

ທ່ານປະທານ​ປະ​ເທດ,

ເນື່ອງ​ໃນ​ໂອ​ກາດວັນຊາດ ​ແຫ່ງ ສາທາລະນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ, ໃນ​ນາມ​ປະຊາຊົນ​ເຢຍລະ​ມັນ ຂ້າ​ພະ​ເຈົ້າ ຂໍ​ສົ່ງຄຳ​ຊົມ​ເຊີຍຢ່າງ​ຈິງ​ໃຈ ມາ​ຍັງ​ພະ​ນະທ່ານ ແລະ ປະຊາຊົນລາວທຸກຖ້ວນໜ້າ.

ໃນ​ປີໜ້າທີ່​ຈະ​ມາ​ເຖິງ​ນີ້,​ ​ເປັນ​ປີ​ແຫ່ງ​ການ​ສ້າງ​ຕັ້ງ​ສາຍ​ພົວພັນ​ການ​ທູດ ຄົບຮອບ 60 ປີ ລະຫວ່າງ ສສ.​ ເຢຍລະ​ມັນ ​ແລະ ສປປ ລາວ​. ຂ້າພະ​ເຈົ້າ​ຫວັງ​ວ່າ ພວກ​ເຮົາ​ຈະ​ສືບຕໍ່ການ​ຮ່ວມ​ມື​ຂອງ​ພວກ​ເຮົາ ເພື່ອ​ການ​ພັດທະນາປະ​ເທດ​ຂອງ​ທ່ານ ​ແລະ ​ໃນ​ບັນຫາ​ສາກົນອື່ນໆ ຢ່າງ​ມີ​ຜົນສຳ​ເລັດ​ໃນ​ອະນາຄົດ.

ຂ້າພະ​ເຈົ້າ ຂໍ​ອວຍພອນ​ໃຫ້​ພະນະ​ທ່ານ ປະສົບ​ຜົນສຳ​ເລັດທຸກ​ປະການ​​ໃນ​ການ​ແກ້​ໄຂ​ບັນຫາ​ສິ່ງ​ທ້າທາຍ​ທີ່​ຍິ່ງ​​ໃຫຍ່​ ທີ່​ປະ​ເທດ​ຂອງ​ພະນະ​ທ່ານ ກຳລັງ​ປະ​ເຊີນ​ຢູ່.

ຟຣັງ-ວານ​ເຕີ້ ສະ​ຕາຍ​ມາຍ​ເອີ້

ປະທານາທິບໍດີແຫ່ງ ສາທາລະນະລັດ ສະຫະພັນ ເຢຍລະມັນ

ພະນະທ່ານ ບຸນຍັງ ວໍລະຈິດ,

ປະທານປະເທດ ແຫ່ງ ສປປ ລາວ,

ທີ່ ນະຄອນຫຼວງວຽງຈັນ

ພະນະທ່ານ,

ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ, ຂ້າພະເຈົ້າ ໃນນາມຕ້າງໜ້າ ປະຊາຊົນ ແລະ ລັດຖະບານ ແຫ່ງ ປາກິດສະຖານ ມີຄວາມປິຕິຍິນດີເປັນຢ່າງຍິ່ງ ສົ່ງຄໍາຊົມເຊີຍອັນອົບອຸ່ນມາຍັງພະນະທ່ານ.