ພະຣາຊະວັງຣິຟຟາ

ບາເຣນ

ພະນະທ່ານ ປະທານປະເທດ ທອງລຸນ ສີສຸລິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ໃນ​ນາມລັດຖະບານ ແລະ ປະຊາຊົນ ແຫ່ງ ຣາຊະອານາຈັກແຫ່ງ ບາເຣນ ກໍຄື ​ໃນ​ນາມ​ສ່ວນ​ຕົວ, ຂ້າ​ພະ​ເຈົ້າ ຂໍ​ຖື​ເປັນ​ກຽດ​ ​ສົ່ງ​ຄຳ​ຊົມ​ເຊີຍອັນຈິງໃຈ ແລະ ພອນ​ໄຊ​ອັນ​ປະ​ເສີດ ມາ​ຍັງ​ ພະນະທ່ານ ເນື່ອງ​ໃນ​ໂອ​ກາດ​ວັນ​ສະ​ເຫຼີມ​ສະ​ຫຼອງ​ວັນ​ຊາດ ແຫ່ງ ​ສປປ ລາວ ເພື່ອນມິດ.

ຂ້າ​ພະ​ເຈົ້າ ຂໍ​ຖື​ໂອ​ກາດນີ້ ອວຍ​ພອນ ມາຍັງ ​ພະນະທ່ານ ຈົ່ງ​ມີ​ສຸຂະພາບເຂັ້ມແຂງ, ມີຄວາມຜາສຸກ ແລະ ອວຍພອນໃຫ້ ສປປ ລາວ ເພື່ອນມິດ ຈົ່ງສືບຕໍ່ມີຄວາມຈະເລີນກ້າວໜ້າ ແລະ ຈະເລີນຮຸ່ງເຮືອງຍິ່ງໆຂຶ້ນ.

             ດ້ວຍຄວາມເຄົາລົບ ແລະ ນັບຖືຢ່າງສູງ.

ຮາມາດ ບິນ ອີຊາ ອາລ ຄາລິຟາ

ກະສັດ ແຫ່ງ ຣາຊະອານາຈັກບາເຣນ

---------------------------------------------------------------------------------------------------

ອາລ ຊາອຽກ

ຣາຊະອານາຈັກແຫ່ງ ບາເຣນ

ພະນະທ່ານ ປະທານປະເທດ ທອງລຸນ ສີສຸລິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ຂ້າ​ພະ​ເຈົ້າ​ມີ​ຄວາມປິຕິຍິນດີ ສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ພະນະທ່ານ ເນື່ອງ​ໃນ​ໂອ​ກາດ​​ສະ​ເຫຼີມ​ສະ​ຫຼອງ​ວັນ​ຊາດ ແຫ່ງ ​ສາທາລະນະລັດ ປະຊາທິປະໄຕ ປະຊາຊົນລາວ ເພື່ອນມິດ.

ຂ້າ​ພະ​ເຈົ້າ ຂໍ​ຖື​ໂອ​ກາດນີ້ ອວຍ​ພອນຢ່າງຈິງໃຈ ມາຍັງ ​ພະນະທ່ານ ຈົ່ງ​ມີ​ສຸຂະພາບເຂັ້ມແຂງ, ມີຄວາມຜາສຸກ ແລະ ອວຍພອນໃຫ້ ສປປ ລາວ ເພື່ອນມິດ ຈົ່ງສືບຕໍ່ມີຄວາມກ້າວໜ້າ ແລະ ຈະເລີນຮຸ່ງເຮືອງຍິ່ງໆຂຶ້ນ.

         ດ້ວຍຄວາມເຄົາລົບ ແລະ ນັບຖືຢ່າງສູງ.

ຊານມານ ບິນ ຮາມາດ ອາລ ຄາລິຟາ

ອົງມົງກຸດຣາຊະກຸມມານ ແລະ ນາຍົກລັດຖະມົນຕີ

-----------------------------------------------------------------------------------------------------

ພະນະທ່ານ ສະເຫຼີມໄຊ ກົມມະສິດ

ຮອງນາຍົກລັດຖະມົນຕີ, ລັດຖະມົນຕີການກະຊວງການຕ່າງປະເທດ

ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ຂ້າພະເຈົ້າ ຂໍສະແດງຄວາມຊົມເຊີຍມາຍັງພະນະທ່ານ, ເນື່ອງໃນໂອກາດວັນຊາດ ແຫ່ງ ສາ​ທາ​ລະ​ນະ​ລັດ ປະຊາທິປະໄຕ ປະຊາຊົນລາວ, ໃນໂອກາດນີ້, ຂ້າພະເຈົ້າ ຂໍອວຍພອນໄຊອັນປະເສີດ ​​ມາຍັງ ສປປ ລາວ​ ແລະ​ ປະຊາຊົນລາວ ຈົ່ງມີ​ແຕ່ຄວາມຜາ​ສຸກ, ສຸ​ຂະ​ພາບເຂັ້ມແຂງ ​ແລະ ​ຄວາມ​ຈະ​ເລີນ​ຮຸ່ງ​ເຮືອງ​.

ຂ້າພະເຈົ້າ ເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືທີ່ດີດັ່ງກ່າວ ລະຫວ່າງ ຣາຊະອານາຈັກບາເຣນ ແລະ ສປປ ລາວ ຈະສືບຕໍ່ໄດ້ຮັບການພັດທະນາໃນຂົງເຂດອື່ນໆ ໃນອານາຄົດອັນໃກ້ ເພື່ອຜົນປະໂຫຍດຮ່ວມກັນ ຂອງປະຊາຊົນສອງຊາດພວກເຮົາ.

           ດ້ວຍຄວາມເຄົາລົບ ແລະ ນັບຖືຢ່າງສູງ.

ທ່ານ ດຣ. ອັບດູນລາຕີຟ ບິນ ຣາຊິດ ອານຊາຢານີ

ລັດຖະມົນຕີກະຊວງການຕ່າງປະເທດ

ຣາຊະອານາຈັກ​ບາ​ເຣນ

ພະນະທ່ານ ທອງລຸນ ສີສຸລິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ຂ້າພະ​ເຈົ້າ​ຂໍ​ສະ​ແດງ​ຄວາມ​ຊົມ​ເຊີຍ​ຢ່າງ​ຈິງ​ໃຈ ​ແລະ ຂໍອວຍພອນໄຊອັນປະເສີດ ມາຍັງ ​ພະນະ​ທ່ານ, ເນື່ອງໃນໂອກາດວັນຊາດຂອງ ສາທາລະນະລັດ ປະຊາທິປະໄຕ ປະຊາຊົນລາວ ເພື່ອນມິດ.

ພະນະທ່ານ ທອງລຸນ ສີສຸລິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ໃນນາມລັດຖະບານ ແລະ ປະຊາຊົນແຫ່ງ ສ.ອານເຊຣີ ແລະ ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີສົ່ງຄຳຊົມເຊີຍອັນອົບອຸ່ນ ແລະ ​ພອນໄຊອັນປະເສີດ ມາຍັງ ພະນະທ່ານ​ ເນື່ອງໃນໂອກາດສະເຫຼີມສະຫຼອງວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ຂໍອວຍພອນ ພະນະທ່ານ ຈົ່ງມີ​ສຸ​ຂະ​ພາບເຂັ້ມແຂງ, ມີຄວາມຜາສຸກ ແລະ ອວຍພອນ ປະຊາຊົນລາວ ເພື່ອນມິດ ຈົ່ງໄດ້ຮັບ ການພັດທະນາ ແລະ ວັດທະນາ​ຖາວອນຍິ່ງໆຂຶ້ນ.

ຂ້າ​ພະ​ເຈົ້າ​ ຂໍ​ຖື​ໂອ​ກາດນີ້ ​​ຍົກສູງ​ປະ​ຫວັດ​ສາດສາຍພົວ​ພັນ​ອັນດີງາມລະຫວ່າງ ອານເຊຣີ ແລະ​ ສປປ ລາວ, ແລະ ຂໍ​ສະ​ແດງຄວາມຍິນດີ​ຢ່າງຍິ່ງ​ໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີທາງດ້ານ​ການ​ເມືອງ​ລະຫວ່າງ​ສອງ​ປະ​ເທດ​ຂອງ​ພວກ​ເຮົາ.

​                   ຂ້າ​ພະ​ເຈົ້າ ຂໍສະແດງຄວາມຍິນດີຢ່າງຈິງໃຈ, ດ້ວຍຄວາມເຄົາລົບ ແລະ ນັບຖືຢ່າງສູງ.

ອັບດຸນມັດຈິດ ເຕບູນ

-----------------------------------------------------------------------------------------------------

ສາທາລະນະລັດ ປະຊາທິປະໄຕ ປະຊາຊົນ ອານເຊຣີ

ກະຊວງການຕ່າງປະເທດ ແລະ ປະຊາຄົມຕ່າງປະເທດແຫ່ງຊາດ

ລັດຖະມົນຕີ

ພະນະທ່ານ,

ເນື່ອງ​ໃນ​ໂອ​ກາດ​ສະ​ເຫຼີມ​ສະ​ຫຼອງ​ວັນ​​ຊາດ ​ແຫ່ງ​ ສາທາລະນະ​ລັດ ປະຊາທິປະ​ໄຕ ປະຊາຊົນລາວ, ຂ້າພະເຈົ້າ​ຂໍສົ່ງຄຳ​ຊົມ​ເຊີຍອັນອົບອຸ່ນ ແລະ ພອນໄຊອັນປະເສີດ​ ມາຍັງ ​ພະນະ​ທ່ານ ແລະ ອວຍພອນ ໃຫ້ພະນະທ່ານ ຈົ່ງມີສຸຂະພາບເຂັ້ມແຂງ ແລະ ມີຄວາມ​ຜາ​ສຸກ​, ອວຍພອນໃຫ້ ປະຊາຊົນລາວເພື່ອນມິດ ຈົ່ງສືບຕໍ່ມີແຕ່ຄວາມຈະເລີນກ້າວໜ້າ ແລະ ມີສັນຕິພາບ.

ຂ້າ​ພະ​ເຈົ້າ​ ຂໍຖື​ໂອ​ກາດ​ທີ່​ດີ​ນີ້ ເພື່ອ​ຮັບ​ປະ​ກັນຢ່າງຈິງໃຈໃນການ​ຮ່ວມເຮັດວຽກກັບ ພະນະທ່ານ ຢ່າງໃກ້ຊິດ ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີຂອງສອງປະເທດ ໂດຍສະເພາະໃນຂົງເຂດການປຶກສາຫາລືທາງດ້ານການເມືອງ ໃຫ້ເກີດດອກອອກຜົນ ເພື່ອຜົນປະໂຫຍດຮ່ວມກັນ ຂອງປະຊາຊົນສອງຊາດພວກເຮົາ. ​

             ດ້ວຍຄວາມຍິນດີ, ເຄົາລົບ ແລະ ນັບຖືຢ່າງສູງ.

ຣາມທານ ລຳມາຣາ

ພະນະທ່ານ ທ່ານ ສະເຫຼີມໄຊ ກົມມະສິດ

ລັດຖະມົນຕີກະຊວງການຕ່າງປະເທດ

ສາທາລະນະລັດ ປະຊາທິປະໄຕ ປະຊາຊົນລາວ