ໃນວັນທີ 26 ເມສາ 2024, ທີ່ ກະຊວງການຕ່າງປະເທດ, ໄດ້ມີພິທີລົງນາມເອກະສານແລກປ່ຽນ ຮັບເອົາໂຄງການຊ່ວຍເຫຼືອລ້າຈາກລັດຖະບານ ຍີ່ປຸ່ນ ສໍາລັບ ໂຄງການພັດທະນາເສດຖະກິດ ແລະ ສັງຄົມ ເພື່ອສະໜອງອຸປະກອນ ແລະ ລົດກົນຈັກຕ່າງໆ ສໍາລັບບູລະນະ ແລະ ສ້ອມແປງຖະໜົນຫົນທາງ ແລະ ຂົວທີ່ເປ່ເພ ຢູ່ ສປປ ລາວ...
ວັນທີ 6 ເມສາ 2024, ສະຖານເອກອັກຄະລັດຖະທູດລາວ ປະຈຳ ສສ ຫວຽດນາມ ໄດ້ຮ່ວມກັນຈັດງານບຸນເພື່ອຕ້ອນຮັບ ແລະ ສະເຫຼີມສະຫຼອງປີໃໝ່ລາວ ປີມະໂລງ ພສ 2567 ຂຶ້ນຢູ່ທີ່ນະຄອນຫຼວງຮ່າໂນ້ຍ ໂດຍການເປັນປະທານຂອງທ່ານ ນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ສສ ຫວຽດນາມ. ຝ່າຍຫວຽດນາມໃຫ້ກຽດເຂົ້າຮ່ວມມີ ທ່ານ ນາງ...
ໃນວັນທີ 01 ມີນາ 2024, ກະຊວງແຜນການ ແລະ ການລົງທຶນ, ກະຊວງການຕ່າງປະເທດແລະ ແຂວງອັດຕະປື ໄດ້ເປັນເຈົ້າພາບຈັດກອງປະຊຸມຄະນະກຳມະການປະສານງານຮ່ວມເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ (JCC CLV DTA) ຄັ້ງທີ 13 ທີ່ແຂວງອັດຕະປື, ພາຍໃຕ້ການເປັນປະທານຂອງ ທ່ານ ຄຳເຈນ ວົງໂພສີ, ລັດຖະມົນຕີກະຊວງແຜນການ...
ນະຄອນຫລວງວຽງຈັນ, ວັນທີ 10 ເມສາ 2024 ພະນະທ່ານ, ເນື່ອງໃນໂອກາດວັນຊາດ ແຫ່ງ ສາທາລະນະລັດ ອາຣັບ ຊີຣີ ຄົບຮອບ 78 ປີ ແລະ ການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ອາຣັບ ຊີຣີ ຄົບຮອບ 20 ປີ, ໃນນາມລັດຖະບານ...
ໃນລະຫວ່າງວັນທີ 26 ຫາ 28 ເມສາ 2016, ທີ່ ເມືອງອານຸວົງ, ແຂວງໄຊສົມບູນ, ຄະນະວິຊາການ ຊຶ່ງປະກອບດ້ວຍບັນດາຄະນະກົມ ແລະ ຄະນະພະແນກ ຂອງກະຊວງການຕ່າງປະເທດ, ນຳໂດຍ ທ່ານ ແສງເພັດ ຮຸ່ງບຸນຍວງ, ຮອງເລຂາຄະນະພັກກະຊວງການຕ່າງປະເທດ, ຮອງລັດຖະມົນຕີກະຊວງການຕ່າງປະເທດ, ໄດ້ຈັດກອງປະຊຸມເຜີຍແຜ່ວຽກງານການຕ່າງປະເທດ ໃຫ້ພະນັກງານແຂວງໄຊສົມບູນ ຕາມການສະເໜີຂອງແຂວງດັ່ງກ່າວ. ໃຫ້ກຽດກ່າວຄຳເຫັນຕໍ່ພິທີເປີດກອງປະຊຸມໂດຍ ທ່ານ ລາວປາວຊົ່ງ ນະວົງໄຊ, ກໍາມະການສໍາຮອງສູນກາງພັກ, ຮອງເລຂາຄະນະພັກແຂວງ, ຮອງເຈົ້າແຂວງໄຊສົມບູນ ແລະ ທ່ານ ແສງເພັດ ຮຸ່ງບຸນຍວງ, ຮອງເລຂາຄະນະພັກກະຊວງການຕ່າງປະເທດ, ຮອງລັດຖະມົນຕີກະຊວງການຕ່າງປະເທດ, ມີບັນດາຄະນະພັກເມືອງ, ເຈົ້າເມືອງ, ຮອງເຈົ້າເມືອງ, ພະນັກງານຈາກຫ້ອງວ່າການປົກຄອງແຂວງ ແລະ ພະນັກງານຂອງພະແນກການຕ່າງໆອ້ອມຂ້າງແຂວງໄຊສົມບູນ ເຂົ້າຮ່ວມປະມານ 120 ທ່ານ.
ຈຸດປະສົງໃນການຈັດກອງປະຊຸມຄັ້ງນີ້ ແມ່ນເພື່ອສືບຕໍ່ໃນການເຜີຍແຜ່ການຜັນຂະຫຍາຍ ແນວທາງການຕ່າງປະເທດຂອງ ສປປ ລາວ ຄື: ສັນຕິພາບ ເອກະລາດ ມິດຕະພາບ ແລະ ການຮ່ວມມື, ພ້ອມທັງແນ່ໃສ່ຍົກລະດັບຄວາມຮູ້ ກ່ຽວກັບວຽກງານການຕ່າງປະເທດ ໃຫ້ແກ່ພະນັກງານແຂວງໄຊສົມບູນ ໃຫ້ມີຄວາມເຂົ້າໃຈເລິກເຊິ່ງກວ່າເກົ່າ ເພື່ອເຮັດໃຫ້ການເຄື່ອນໄຫວວຽກງານການຕ່າງປະເທດໄປໃນທິດທາງດຽວກັນ ທັງຢູ່ສູນກາງ ແລະ ທ້ອງຖິ່ນ, ເປັນການຈັດຕັ້ງຜັນຂະຫຍາຍໃນການເຂົ້າເປັນປະຊາຄົມເສດຖະກິດອາຊຽນ ແລະ ການເປັນປະທານອາຊຽນ ຂອງ ສປປ ລາວ ປີ 2016 ນີ້.
ບັນດາຫົວຂໍ້ທີ່ຄະນະວິຊາການຂອງກະຊວງການຕ່າງປະເທດ ເຜີຍແຜ່ຕໍ່ກອງປະຊຸມຄັ້ງນີ້ ປະກອບດ້ວຍ 16 ຫົວຂໍ້ ຄື: ວຽກງານກົງສຸນ, ວຽກງານພິທີການທູດ, ວຽກງານຄຸ້ມຄອງອົງການຈັດຕັ້ງສາກົນ, ວຽກງານຝຶກອົບຮົມພະນັກງານ ແລະ ວຽກງານຄຸ້ມຄອງອົງການຈັດຕັ້ງທາງສັງຄົມ, ວຽກງານຄຸ້ມຄອງສື່ມວນຊົນຕ່າງປະເທດ, ວຽກງານການພົວພັນຄົນເຊື້ອຊາດລາວຢູ່ຕ່າງປະເທດ, ວຽກງານຈັດຕັ້ງ ແລະ ພະນັກງານ, ວຽກງານຊາຍແດນແຫ່ງຊາດ, ວຽກງານກວດກາ, ວຽກງານຄຸ້ມຄອງພະນັກງານທ້ອງຖິ່ນ, ວຽກງານການພົວພັນຮ່ວມມືສອງຝ່າຍໃນຂົງເຂດ ອາຊີ-ປາຊີຟິກ ແລະ ອາຝຣິກາ, ວຽກງານພົວພັນຮ່ວມມືສອງຝ່າຍໃນຂົງເຂດ ເອີຣົບ ແລະ ອາເມລິກາ, ວຽກງານອາຊຽນ, ວຽກງານການເຊື່ອມໂຍງເສດຖະກິດພາກພື້ນ ແລະ ສາກົນ ແລະ ວຽກງານຫ້ອງການ, ຊຶ່ງທັງໝົດເຫຼົ່ານັ້ນ ລ້ວນແລ້ວແຕ່ເປັນວຽກງານທີ່ສໍາຄັນ ທີ່ພະນັກງານຮັບຜິດຊອບວຽກງານການຕ່າງປະເທດຢູ່ທ້ອງຖິ່ນ ຈະຕ້ອງໄດ້ເຂົ້າໃຈຢ່າງເລິກເຊິ່ງ ແລ້ວນຳໄປປະຕິບັດໃຫ້ຖືກຕ້ອງໃນໜ້າທີ່ວຽກງານຂອງຕົນ.