ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຜົນກອງປະຊຸມສຸດຍອດ ຜູ້ນໍາອະນຸພາກພື້ນແມ່ນ້ຳຂອງ ຄັ້ງທີ 7

 

GMS

 

GMS2

 

GMS1

 

ໃນວັນທີ 9 ກັນຍາ 2021, ທີ່ ຫ້ອງວ່າການສຳນັກງານນາຍົກລັດຖະມົນຕີພະນະທ່ານ ພັນຄຳ ວິພາວັນນາຍົກລັດຖະມົນຕີ ແຫ່ງ ສປປ ລາວ, ໄດ້ນຳພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມສຸດຍອດ ຜູ້ນໍາອະນຸພາກພື້ນແມ່ນ້ຳຂອງ ຄັ້ງທີ 7 ຜ່ານລະບົບທາງໄກ ພາຍໃຕ້ຫົວຂໍ້:  "ການສ້າງຄວາມເຂັ້ມແຂງ ໃຫ້ແກ່ການຮ່ວມມືອະນຸພາກພື້ນແມ່ນໍ້າຂອງຄືນໃໝ່ ເພື່ອຮອງຮັບສິ່ງທ້າທາຍໃນທົດສະວັດໃໝ່-GMS Renewed Strength to Face the Challenges of the New Decade"ໂດຍການເປັນປະທານຂອງ ສົມເດັດ ເຕໂຊ ຮຸນເຊັນ, ນາຍົກລັດຖະມົນຕີ ແຫ່ງ ຣາຊະອານາຈັກ ກໍາປູເຈຍ, ໂດຍມີບັນດາຜູ້ນຳລະດັບສູງຈາກ 6 ປະເທດ ສະມາຊິກອະນຸພາກພື້ນແມ່ນ້ຳຂອງ ແລະ ປະທານທະນາຄານພັດທະນາອາຊີ, ເຊິ່ງກອງປະຊຸມ ໄດ້ທົບ​ທວນຄືນການຈັດຕັ້ງປະຕິບັດແຜນງານຮ່ວມມືທາງດ້ານເສດຖະກິດ ອະນຸພາກພື້ນແມ່ນໍ້າຂອງ ໃນໄລຍະ 3 ປີຜ່ານມາ ໂດຍສະເພາະການຜັນຂະຫຍາຍໝາກຜົນຂອງກອງປະຊຸມສຸດຍອດ ຜູ້ນໍາອະນຸພາກພື້ນແມ່ນໍ້າຂອງ ຄັ້ງທີ 6 ກໍຄື ການຈັດຕັ້ງປະຕິບັດຂອບການລົງທຶນພາກພື້ນ(Regional Investment Framework: RIF) 2018-2022 ແລະ ແຜນຍຸດທະສາດການຮ່ວມມືຶອະນຸພາກພື້ນແມ່ນໍ້າຂອງ 2012-2022 ພ້ອມທັງ ໄດ້ກໍານົດທິດທາງຮ່ວມມືໃນຕໍ່ໜ້າ ໂດຍໄດ້ຮັບຮອງເອົາບັນດາເອກະສານທີ່ສໍາຄັນຄື:

1)     ຍຸດທະສາດການຮ່ວມມືທາງດ້ານເສດຖະກິດ ອະນຸພາກພື້ນແມ່ນໍ້າຂອງ 2030 (GMS Strategic Framework 2030), ເຊິ່ງເປັນເອກະສານສໍາຄັນ ໃຫ້ແກ່ການຈັດຕັ້ງປະຕິບັດວຽກງານ, ກໍານົດທິດທາງ ແລະ ນະໂຍບາຍໃນການຮ່ວມມື ຂອງບັນດາປະເທດອະນຸພາກພື້ນແມ່ນໍ້າຂອງ ໂດຍເລັ່ງໃສ່ການສ້າງອະນຸພາກພື້ນແມ່ນໍ້າຂອງ ຕາມນະໂຍບາຍທິດທາງ 3 Cs: 1. ການສ້າງຊຸມຊົນແຫ່ງການຢູ່ຮ່ວມກັນ2. ສົ່ງເສີມການເຊື່ອມໂຍງລະຫວ່າງບັນດາປະເທດສະມາຊິກແລະ 3. ຍົກລະດັບຄວາມອາດສາມາດໃນການແຂ່ງຂັນ;

2)    ແຜນດໍາເນີນງານການຟື້ນຟູ ແລະ ຕອບໂຕ້ພະຍາດCovid-19 ໃນອະນຸພາກພື້ນແມ່ນໍ້າຂອງ ສໍາລັບ ປີ 2021-2023 (GMS- Covid-19 Response and Recovery Plan 2021-2023) ເຊິ່ງເປັນແຜນງານເພື່ອຊຸກຍູ້ ບັນດາປະເທດອະນຸພາກພື້ນແມ່ນໍ້າຂອງ ໃນການປ້ອງກັນ,​ ຕອບໂຕ້ ແລະ ຟື້ນຟູ ເສດຖະກິດ ແລະ ສັງຄົມ ໃຫ້ກັບຄືນສູ່ສະພາບປົກກະຕິ ໂດຍສຸມໃສ່ 3 ເປົ້າໝາຍຫຼັກຄື: 1. ສະໜັບສະໜູນຊີວິດການເປັນຢູ່ຂອງປະຊາຊົນ ແລະ ການພັດທະນາທາງດ້ານເສດຖະກິດ2. ອໍານວຍຄວາມສະດວກໃຫ້ແກ່ການຟື້ນຟູທາງດ້ານເສດຖະກິດໃນພາກພື້ນແລະ 3.ກະກຽມຄວາມພ້ອມໃຫ້ແກ່ ບັນດາປະເທດອະນຸພາກພື້ນແມ່ນ້ຳຂອງໃນການຮັບມືກັບ ການແຜ່ລະບາດຂອງພະຍາດຕ່າງໆທີ່ອາດຈະເກີດຂຶ້ນໃນອະນາຄົດແລະ

3) ຖະແຫຼງການຮ່ວມ ກອງປະຊຸມສຸດຍອດຜູ້ນໍາອະນຸພາກພື້ນແມ່ນໍ້າຂອງ ຄັ້ງທີ 7 (Joint Summit Declaration).

ໃນການເຂົ້າຮ່ວມກອງປະຊຸມຄັ້ງນີ້ພະນະທ່ານ ພັນຄຳ ວິພາວັນນາຍົກລັດຖະມົນຕີ ແຫ່ງ ສປປ ລາວ ໄດ້ຕີລາຄາສູງຕໍ່ໝາກຜົນຂອງການຮ່ວມມືໃນຂອບGMS ໃນໄລຍະຜ່ານມາ ໂດຍສະເພາະແມ່ນການຈັດຕັ້ງປະຕິ ບັດຂອບການລົງທຶນພາກພື້ນGMS 2018 -2022 ໃນຂົງເຂດການພັດທະນາພື້ນຖານໂຄງລ່າງໃນພາກພື້ນແມ່ນໍ້າຂອງ. ສໍາລັບ ສປປ ລາວການຈັດຕັ້ງປະຕິບັດຫຼາຍໂຄງການ ແມ່ນມີຄວາມຄືບໜ້າ ແລະ ໄດ້ຮັບຜົນສໍາເລັດຫຼາຍດ້ານ ເຊັ່ນ: ການກໍ່ສ້າງທາງດ່ວນ ວຽງຈັນ-ວັງວຽງ ຊຶ່ງເປັນສ່ວນຫນຶ່ງ ຂອງ ໂຄງການທາງດ່ວນ ແຕ່ ນະຄອນຫຼວງວຽງຈັນ ຫາ ຊາຍແດນຈີນ ບໍ່ເຕັນ-ບໍ່ຫານ ໄດ້ສໍາເລັດ ແລະ ເປີດໃຊ້ແຕ່ເດືອນກຸມພາ 2021 ເປັນຕົ້ນມາ ແລະ ໂຄງການກໍ່ສ້າງເສັ້ນທາງລົດໄຟ ລາວ-ຈີນ ກໍ່ຈະສໍາເລັດ ແລະ ຈະເປີດນໍາໃຊ້ຢ່າງເປັນທາງການໃນທ້າຍປີ 2021 ນີ້. ການພັດທະນາພື້ນຖານໂຄງລ່າງດັ່ງກ່າວ ເປັນການປະກອບສ່ວນສໍາຄັນເຂົ້າໃນການຍົກບົດບາດ ການເປັນໃຈກາງເຊື່ອມຈອດ-ເຊື່ອມໂຍງພາກພື້ນ ແລະ ຕ່ອງໂສ້ການຜະລິດ ຂອງ ພາກພື້ນ ແລະ ສາກົນ. ພ້ອມດຽວກັນນີ້ພະນະທ່ານນາຍົກລັດຖະມົນຕີ ກໍສະແດງຄວາມດີໃຈທີ່ເຫັນວ່າ ການຈັດຕັ້ງປະຕິບັດບັນດາໂຄງການພັດທະນາທີ່ຍືນຍົງ ແລະ ເປັນມິດຕໍ່ສິ່ງແວດລ້ອມໃນຂົງເຂດຕ່າງໆ ເຊັ່ນ: ການທ່ອງທ່ຽວກະສິກໍາການຂົນສົ່ງການຄ້າ ແລະ ອື່ນໆມີປະສິດທິຜົນເປັນກ້າວໆເຊິ່ງນໍາເອົາຜົນປະໂຫຍດຕົວຈິງມາສູ່ ປະເທດອະນຸພາກພື້ນແມ່ນໍ້າຂອງນີ້.

ເຖິງແນວໃດກໍຕາມ, ພະນະທ່ານນາຍົກລັດຖະມົນຕີ ຍັງໄດ້ຍົກໃຫ້ເຫັນບັນຫາອັນຮີບດ່ວນທີ່ບັນດາປະ ເທດອະນຸພາກພື້ນແມ່ນໍ້າຂອງ ຈະຕ້ອງໄດ້ມີການຮ່ວມມືກັນແກ້ໄຂຢ່າງສະນິດແໜ້ນ  ແລະ ກົມກຽວກັນ ເປັນຕົ້ນແມ່ນການປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດຂອງພະຍາດໂຄວິດ 19, ບັນຫາການເຄື່ອນຍ້າຍຂອງແຮງງານໃນຂົງເຂດອະນຸພາກພື້ນແມ່ນ້ຳຂອງ, ຜົນກະທົບຈາກ ການປ່ຽນແປງຂອງດິນຟ້າອາກາດ, ຄວາມແຕກໂຕນທາງດ້ານການພັດທະນາ ແລະ ການຟື້ນຟູເສດຖະກິດ-ສັງຄົມ. ເພື່ອຮັບປະກັນໃຫ້ແກ່ການຈັດຕັ້ງປະຕິບັດແຜນຍຸດທະສາດ GMS 2030 ກໍຄືແກ້ໄຂຜົນກະທົບທີ່ເກີດຈາກ ໂຄວິດ-19ພະນະທ່ານ ນາຍົກລັດຖະມົນຕີ ໄດ້ມີບາງຂໍ້ສະເໜີກ່ຽວກັບທິດທາງການຮ່ວມມືໃນຕໍ່ໜ້າ ຄື:

  1. )ສືບຕໍ່ເພີ່ມທະວີການຮ່ວມມື ແລະ ການປະສານງານໃນການປະຕິບັດມາດຕະການປ້ອງກັນຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19ແນໃສ່ຮັບປະກັນໃຫ້ການຕິດເຊື້ອໂຄວິດ-19 ໃນພາກພື້ນGMS ຫຼຸດລົງເປັນລໍາດັບດ້ວຍການເພີ່ມທະວີການສັກວັກແຊັງໃຫ້ທົ່ວເຖິງ ເພື່ອສ້າງພູມຄຸ້ມກັນມວນຊົນໃຫ້ໄດ້. ສໍາລັບ ສປປ ລາວ ມີເປົ້າໝາຍສັກວັກແຊັງໃຫ້ແກ່ພົນລະເມືອງລາວຢ່າງໜ້ອຍໃຫ້ໄດ້ 50% ພາຍໃນປີ 2021 ນີ້.
  2. )ໃນການແກ້ໄຂ ຜົນກະທົບດ້ານເສດຖະກິດ ແລະ ສັງຄົມ ຈາກ ການແຜ່ລະບາດຂອງພະຍາດໂຄວິດ-19 ໃນພາກພື້ນຂອງພວກເຮົາ ຂ້າພະເຈົ້າເຫັນວ່າ ພວກເຮົາຄວນເພີ່ມທະວີການຮ່ວມມືຊ່ວຍເຫຼືອກຸ່ມຄົນທີ່ດ້ອຍໂອກາດເປັນຕົ້ນ ຜູ້ທຸກຍາກລວມທັງ ແຮງງານເຄື່ອນຍ້າຍທີ່ໄດ້ຮັບຜົນກະທົບຢ່າງໜັກສ້າງກົນໄກຮ່ວມມື ເພຶື່ອຮັບປະກັນໃຫ້ເຂົາເຈົ້າສາມາດເຂົ້າເຖິງວຽກເຮັດງານທໍາໄວເທົ່າທີ່ຈະໄວໄດ້ຮັບປະກັນການເປີດດ່ານ ເພື່ອສາມາດໄປມາຫາສູ່ກັນໄດ້ໃນເງື່ອນໄຂໃໝ່ໄວໆນີ້ ລວມທັງ ການຊຸກຍູ້ສົ່ງເສີມການທ່ອງທ່ຽວວິຖີໃໝ່ເທື່ອລະກ້າວ ແລະ ກ້າວໄປສູ່ການທ່ອງທ່ຽວແບບປົກກະຕິໃນອະນຸພາກພື້ນແມ່ນໍ້າຂອງ;
  3. )ຊຸກຍູ້ການຮ່ວມມືກັນ ໃນການຄົ້ນຄວ້າ ແລະ ພັດທະນາ (R&D) ເສດຖະກິດຈຸລະພາກ ແລະ ມະຫາພາກ ລະຫວ່າງປະເທດສະມາຊິກອະນຸພາກພື້ນແມ່ນໍ້າຂອງທະນາຄານພັດທະນາອາຊີ ແລະ ຄູ່ຮ່ວມພັດທະນາອື່ນໆ ແນໃສ່ຟື້ນຟູເສດຖະກິດ ໃນໄລຍະສັ້ນໄລຍະກາງ ແລະ ໄລຍະຍາວ ບົນພື້ນຖານ ແຜນຍຸດທະສາດການຮ່ວມມືທາງດ້ານເສດຖະກິດອະນຸພາກພື້ນແມ່ນໍ້າຂອງ 2030.
  4. )ສືບຕໍ່ປັບປຸງກົນໄກການມີສ່ວນຮ່ວມຂອງຄູ່ຮ່ວມພັດທະນາ ແລະ ພາກເອກະຊົນ ໃຫ້ມີປະສິດທິຜົນສູງຂຶ້ນ ດ້ວຍການເຊື່ອມສານກົນໄກການຮ່ວມມືອະນຸພາກພື້ນອື່ນເຂົ້າກັນ ເປັນຕົ້ນ: ອາຊຽນຂໍ້ລິເລີ່ມໜຶ່ງແລວ ໜຶ່ງເສັ້ນທາງແອັກແມັກກົນໄກການຮ່ວມມືແມ່ນໍ້າຂອງກັບບັນດາຄູ່ຮ່ວມພັດທະນາ ແລະ ອື່ນໆ.
  5. )ສ້າງຄວາມອາດສາມາດ ແລະ ຄວາມພ້ອມໃຫ້ແກ່ບັນດາປະເທດສະມາຊິກ ໃນການຮັບມືກັບບັນດາສິ່ງທ້າທາຍຂອງເສດຖະກິດ ແລະ ສັງຄົມໃນປະຈຸບັນ ກໍຄື ໃນຕໍ່ໜ້າ ໂດຍການສ້າງເງື່ອນໄຂ ແລະ ກາລະໂອກາດ ທີ່ເອື້ອອຳນວຍໃຫ້ແກ່ເສດຖະກິດດິຈິຕອນການຫັນເປັນທັນສະໄໝ ແລະ ນະວັດຕະກຳໃຫມ່.

ກອງປະຊຸມສຸດຍອດຜູ້ນໍາອະນຸພາກພື້ນແມ່ນໍ້າຂອງ ຄັ້ງທີ 7 ໄດ້ອັດລົງດ້ວຍຜົນສໍາເລັດອັນຈົບງາມ ບົນພື້ນຖານໄມຕີຈິດມິດຕະພາບ ແລະ ການຮ່ວມມືທີ່ດີກັນ​ໃນຖານະບ້ານໃກ້ເຮືອນຄຽງ ເພື່ອພ້ອມກັນຂ້າມຜ່ານສິ່ງທ້າທາຍ​ໃນ​ອາ​ນະ​ຄົດ ແລະ ຮ່ວມກ້າວໄປສູ່ການພັດທະນາແບບຍືນຍົງ.ກອງ​ປະຊຸມ​ສຸດ​ຍອດຜູ້ນໍາອະນຸພາກພື້ນແມ່ນ້ຳຂອງຄັ້ງຕໍ່ໄປ​ ຈະໄດ້ຈັດຂຶ້ນ​​ອີກ​ ໃນປີ 2024 ​ ໂດຍການເປັນປະທານຂອງ ສປ ຈີນ.

ບົດຂ່າວອື່ນໆ

ແຈ້ງການ

* (ໃໝ່) ບົດຄວາມ "ຊົມເຊີຍ ວັນສະຖາປະນາ ສປ ຈີນ ຄົບຮອບ 72 ປີ"

* (ໃໝ່) ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ

* (ໃໝ່) ສານອວຍພອນຂອງ ລັດຖະມົນຕີກະຊວງການຕ່າງປະເທດ, ໃນໂອກາດ ວັນຄົບຮອບ 54 ປີ ແຫ່ງ ການສ້າງຕັ້ງອາຊຽນ ແລະ ຄົບຮອບ 24 ປີ ສປປ ລາວ ເຂົ້າເປັນສະມາຊິກອາຊຽນ.


#ຄຳສັ່ງ ວ່າດ້ວຍ ການເພີ່ມທະວີມາດຕະການສະກັດກັ້ນ, ຄວບຄູມ ແລະ ກຽມຄວາມພ້ອມຮອບດ້ານ ເພື່ອຕ້ານໂຄວິດ-19 (ວັນທີ 21 ເມສາ 2021)

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ຄຳແນະນຳສຳລັບຜູ້ທີ່ຈະເດີນທາງເຂົ້າ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ Covid-19 (ວັນທີ 26 ກຸມພາ 2021)

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

#ປະກາດ ຄັດເລືອກບຸກຄົນ ຫຼື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2021.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020.

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດ Covid-19.

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
300365
ມື້ນີ້77
ມື້ວານ98
ອາທິດນີ້345
ເດືອນນີ້2034