ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສະຖານ​ເອກ​ອັກຄະ​ລັດຖະທູດລາວປະ​ຈໍາ ຣາຊະອານາຈັກໄທ ສະຫລອງປີໃໝ່ລາວ ພ.ສ 2560

 

thai1

 

 

ໂດຍອີງຕາມສະພາບຕົວຈິງຂອງປະເທດເຈົ້າພາບທີ່ຍັງຢູ່ໃນໄລຍະໄວ້ທຸກໃຫ້ແກ່ເຈົ້າຊິວິດຣາຊາການທີ 9, ແຕ່ເພື່ອຮັກສາໄວ້ຊຶ່ງຮີດຄອງປະເພນີ, ໃນຕອນເຊົ້າຂອງວັນທີ 10 ເມສານີ້, ສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາ ຣາຊະອານາຈັກໄທ ໄດ້ຈັດພິທີບາສີ ແລະ ສູ່ຂວັນໃຫ້ແກ່ຄະນະນຳ ແລະ ພະນັກງານຂອງສະຖານທູດ, ເນື່ອງໃນໂອກາດສົ່ງທ້າຍປິເກົ່າ ພສ 2559 ແລະ ຕ້ອນຮັບປີໃໝ່ ພ. 2560, ໂດຍພິທີໄດ້ເລີ່ມຕົ້ນຂຶ້ນດ້ວຍການໃສ່ບາດ ແລະ ຖະຫວາຍຈັງຫັນໃຫ້ແກ່ພະພິຂຸສົງລາວ ຈຳນວນ 9 ອົງ ທີ່ກຳລັງສືກສາຮ່ຳຮຽນທີ່ປະເທດໄທ.

ໂອກາດ​ດັ່ງກ່າວ, ທ່ານ​ ຫລີ ບຸນຄ້ຳ , ເອກອັກຄະລັດຖະທູດລາວ ປະຈຳ ປະເທດໄທ ​ໄດ້​​ອວຍພອນ​ໃຫ້ບັນດາ​ພະນັກງານ-​ລັດຖະກອນພາຍໃນສະຖານທູດ ແລະ ຜູ້ທີ່ມາຮ່ວມງານທັງໝົດ ຈົ່ງ​ມີ​ສຸຂະພາບ​ເຂັ້ມ​ແຂງ, ​ມີ​ພະລາ​ນາ​ໄມ​ສົມບູນ, ມີ​ຄວາມ​ຈະ​ເລີ​ນກ້າວໜ້າ ​ແລະ ປະສົບ​ຜົນສຳ​ເລັດ​ໃນ​ໜ້າ​ທີ່ການ​ງານຂອງ​ຕົນ​ທຸກ​ປະການ. ພ້ອມ​ນີ້, ທ່ານ ຫລີ ບຸນຄ້ຳ ຍັງ​ໄດ້​ຍ້ອງຍໍ​ຊົມ​ເຊີຍ​ຕໍ່​ຜົນສຳ​ເລັດ​ທີ່​ຍາດ​ມາ​ໄດ້ ຕະຫລອດ​ໄລຍະ 1 ປີ ຜ່ານ​ມາ ​ເຊິ່ງມີ​ຜົນສຳ​ເລັດ​ໃນ​ຫລາຍໆ​ດ້ານ ປະກອບສ່ວນ​ເຮັດ​ໃຫ້​ສະຖານທູດ ກໍ່ຄືປະ​ເທດ​ຊາດມີ​ຄວາມ​ຈະ​ເລີ​ນກ້າວໜ້າ ​ແລະ ຮຸ່ງ​ເຮືອງ​ສີວິ​ໄລ ຂຶ້ນ​ເປັນ​ກ້າວໆ.

ໃນວັນດຽວກັນນີ້, ທ່ານ ໂງ ດຶກ ຖັງ, ​ເອກອັກຄະລັດຖະທູດ ແຫ່ງ ສາທາລະນະລັດສັງຄົມນິຍົມ ຫວຽດນາມປະຈໍາ ​ຣາຊະອານາຈັກໄທ ໄດ້ເຂົ້າອວຍພອນປີໃໝ່ລາວ ພ. 2560  ​ຕໍ່ ທ່ານທູດ ຫລີ ບຸນຄໍ້າ, ​ໂດຍມີພະນັກງານສອງສະຖານທູດ​​​ ເຂົ້າຮ່ວມຢ່າງພ້ອມພຽງ.

ທ່ານ​ເອກ​ອັກຄະ​ລັດຖະທູດ ຫວຽດນາມ ​ໄດ້​ກ່າວ​ອວຍພອນ​ປີ​ໃໝ່​, ຕີ​ລາຄາ​ສູງ​ການ​ພົວພັນ ​ຫວຽດນາມ-ລາວ ​ທີ່​ນັບ​ມື້​ແຕກ​ດອກ​ອອກ​ຜົນ, ​ສະ​ແດງ​ຄວາມເຊື່ອ​ໝັ້ນວ່າ​ ມິດຕະພາບ​ອັນ​ຍິ່ງ​ໃຫຍ່, ສາຍ​ພົວພັນ​ແບບ​ພິ​ເສດ ​ແລະ ການ​ຮ່ວມ​ມື​ຮອບດ້ານ ລະຫວ່າງ​ ສອງ​ປະ​ເທດ​ຈະ​ຍິ່ງ​ນັບ​ມື້​ງອກ​ງາມ​ຂຶ້ນ​ໄປ​​ເລື້ອຍໆ.

ໂອກາດ​ດັ່ງກ່າວ, ທ່ານ​ທູດ ຫລີ ບຸນຄໍ້າ ກໍ່​ໄດ້​ກ່າວ​ສະ​ແດງ​ຂອບ​ໃຈຕໍ່ຄໍາ​ອວຍພອນ​ທີ່​ດີງາມ ພ້ອມທັງຕີ​ລາຄາ​ສູງ​ການ​ພົວພັນ ລະຫວ່າງ ​ລາວ-ຫວຽດນາມ ທີ່​ນັບ​ມື​ກ້າວ​ສູ່​ລວງ​ເລິກ, ​​ເກີດ​ດອກ​ອອກ​ຜົນ​ໃນ​ຫລາຍ​ດ້ານ, ອວຍພອນ​ໃຫ້ສາຍ​ພົ​ວພັນ​ພິ​ເສດ ​ແລະ ການ​ຮ່ວມ​ມື​ຮອບດ້ານ ​ລະຫ​ວ່າງ ສປປ ລາວ ​ແລະ ສສ ຫວຽດນາມ ຈົ່ງ​ໝັ້ນຄົງ​ທະ​ນົງແກ່ນ ຈະ​ເລີ​ນງອກ​ງາມ​ຍິ່ງໆ​ຂຶ້ນ​ໄປ. ການສະຫລອງປີໃໝ່ລາວ ໃນຄັ້ງນີ້ແ ໄດ້ດຳເນີນໄປຢ່າງເບິກບານມ່ວນຊື່ນ, ເຕັມໄປດ້ວຍບັນຍາກາດອັນດີງາມ ຕັ້ງແຕ່ຕົ້ນຕະຫຼອດປາຍ.

 

 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
131612
ມື້ນີ້78
ມື້ວານ96
ອາທິດນີ້147
ເດືອນນີ້1624
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710