ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສະຖານທູດລາວ ທີ່ ບາງກອກ ເປີດບັ້ນດຳເນີນຊີວິດການເມືອງປົວແປງພາຍໃນພັກ

BKK1

 

BKK2

  

ໃນຕອນບ່າຍຂອງວັນທີ 4 ພຶດສະພາ 2017, ຢູ່ສຳນັກງານສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາ ຣາຊາອານາຈັກໄທ ທີ່ ບາງກອກ, ໄດ້ຈັດຕັ້ງກອງປະຊຸມເຊື່ອມຊືມມະຕິຂອງກົມການເມືອງສູນກາງພັກ ວ່າດ້ວຍການເປີດບັ້ນດຳເນີນຊິວິດການເມືອງ ເພື່ອປັບປຸງປົວແປງພາຍໃນພັກ ໂດຍການໃຫ້ກຽດເຜີຍແຜ່ຂອງ ສະຫາຍ ຫລີ ບຸນຄໍ້າ, ເລຂາໜ່ວຍພັກ, ເອກອັກຄະລັດຖະທູດ ແຫ່ງ ສປປ ລາວ ປະຈຳ ຣາຊາອານາຈັກໄທ, ມີບັນດາຄະນະພັກ ແລະ ສະມາຊິກພັກຂອງສະຖານທູດ ເຂົ້າຮ່ວມຢ່າງພ້ອມພຽງ.

 

ທ່ານ ຫລີ ບຸນຄ້ຳ ໂດຍຍົກໃຫ້ເຫັນຄວາມໝາຍຄວາມສໍາຄັນຂອງການຈັດຕັ້ງກອງປະຊຸມບັ້ນດໍາເນີນຊີວິດການເມືອງປັບປຸງປົວແປງພັກໃນຄັ້ງນີ້ ເພື່ອເປັນການສໍາຫລວດກວດຄືນ ຄວາມຮັບຜິດຊອບການຊີ້ນໍາ-ນໍາພາ ໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກໃນໄລຍະຜ່ານມາ, ​ສ້າງຄວາມເປັນເອກະພາບ ແລະ ຄວາມຕັດສິນໃຈສູງ ຂອງຄະນະພັກ, ຄະນະໜ່ວຍພັກແລະ ສະມາຊີກພັກ ເພື່ອພ້ອມກັນກໍານົດແຜນການແລະ ມາດຕະການແກ້ໄຂບັນຫາຕົວຈິງທີ່ເກີດຂຶ້ນໃຫ້ໄດ້ຢ່າງຂາດຕົວ ແລະ ຕ້ອງບັນລຸການຫັນປ່ຽນຕົວຈິງໄປສູ່ອັນໃໝ່ທີ່ຕັ້ງໜ້າ. ພ້ອມນີ້ ກໍຕ້ອງບັນລຸ​​ໃຫ້ໄດ້ຕາມເນື້ອໃນຄໍາສັ່ງຂອງກົມການເມືອງ, ສະມາຊິກພັກທຸກສະຫາຍຕ້ອງເຊື່ອມຊຶມ, ກໍາແໜ້ນຕໍ່ເນື້ອໃນເພື່ອເຮັດການດໍາເນີນຊີວິດການເມືອງຄັ້ງນີ້ມີຄວາມເລີກເຊິ່ງ ແລະ ມີປະສິດທິຜົນ.

 

ພາຍຫຼັງການບັນຍາຍເອກກະສານແລ້ວ, ທ່ານ ຫລີ ບຸນຄ້ຳ ຍັງໄດ້ແນະນຳວິທີປະຕິບັດຕົວຈິງ ເຊັ່ນ: ໃຫ້ສະມາຊິກພັກທຸກສະຫາຍ ທັງສະມາຊິກສົມບູນ ແລະ ສຳຮອງ ໃນສະຖານທູດຂຽນບົດສຳຫລວດຕົນເອງ ໃຫ້ສຳເລັດກ່ອນວັນທີ 15 ພຶດສະພາ, ຫລັງຈາກນັ້ນ ລະຫວ່າງ 15-16 ພຶດສະພາ, ໃຫ້ແຕ່ລະຈຸລວມດຳເນີນຊິວິດການເມືອງ. ສ່ວນວັນທີ 25 ພຶດສະພາ 2017, ໜ່ວຍພັກສະຖານທູດຈະສະຫລຸບບັ້ນດຳເນີນຊິວິດການເມືອງ ເພື່ອປັບປຸງພາຍໃນ ແລະ ລາຍງານໃຫ້ຄະນະພັກຂັ້ນເທິງ ຕາມກຳນົດເວລາ.

 

ໃນຕອນທ້າຍຂອງກອງປະຊຸມ ສະຫາຍ ຫລີ ບຸນຄ້ຳ ຍັງຮຽກຮ້ອງມາຍັງສະຫາຍສະມາຊິກພັກທຸກຄົນ ຈົ່ງພ້ອມກັນເພີ້ມທະວີຄວາມຮັບຜິດຊອບ ໃນການຂຽນບົດສຳຫລວດໃຫ້ຖືກຕາມຄວາມເປັນຈິງ.

 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
125991
ມື້ນີ້50
ມື້ວານ94
ອາທິດນີ້399
ເດືອນນີ້1660
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710