ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ຄະນະຜູ້ແທນລາວ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊີ-ເອີຣົບ ທີ່ ບຣຸກແຊນ

asem belgium

ໃນ​ວັນ​ທີ 21-23 ມິຖຸນາ ຜ່ານມາ, ທ່ານ ສົງການ ຫລວງມູນິນທອນ, ຫົວໜ້າກົມເສດຖະກິດ ກະຊວງ​ການ​ຕ່າງປະເທດ ທັງ​ເປັນ​ຫົວໜ້າ​ເຈົ້າ​ໜ້າທີ່​ອາວຸອາເຊັມ ຂອງ ​ສປປ ລາວ ໄດ້​ນຳພາ​ຄະນະ​ຜູ້​ແທນ​ລາວ ​ເຂົ້າ​ຮ່ວມ​ກອງ​ປະຊຸມ​ເຈົ້າ​ໜ້າທີ່​ອາວຸໂສອາຊີ-ເອີຣົບ ທີ່ ບຣຸກແຊນ, ປະເທດ ແບນຊິກ.

ຈຸດປະສົງຂອງກອງປະຊຸມຄັ້ງນີ້ ແມ່ນເພື່ອກະກຽມທາງດ້ານເນື້ອໃນໃຫ້ແກ່ກອງປະຊຸມລັດຖະມົນຕີຕ່າງປະເທດ ອາຊີ-ເອີຣົບ ຫລື ອາເຊັມ ຄັ້ງທີ 13 ທີ່ ສາທາລະນະລັດ ສະຫະພາບ ມຽນມາ ຈະເປັນເຈົ້າພາບຈັດຂຶ້ນໃນເດືອນ ພະຈິກ 2017 ນີ້. ກອງປະຊຸມ ​ ໄດ້ທົບທວນຄືນການຮ່ວມມືໃນໄລຍະຜ່ານມາ ແລະ ທິດທາງການຮ່ວມມືໃນຕໍ່ໜ້າ ລະຫວ່າງ ອາຊີ-ເອີຣົບ ໃນຍຸກທີ່ໂລກກໍາລັງປະເຊີນໜ້າກັບການປ່ຽນແປງ ຢ່າງໄວວາ ເປັນຕົ້ນແມ່ນການກະຕຸກຊຸກຍູ້ກົນໄກການຮ່ວມມື ລະຫວ່າງ ສອງທະວີບໃຫ້ມີຄວາມຄ່ອງຕົວຫລາຍຂຶ້ນກວ່າເກົ່າ ແລະ ຈັດຕັ້ງຜັນຂະຫຍາຍຜົນກອງປະຊຸມສຸດອາຊີ-ເອີຣົບຄັ້ງທີ 11 ໂດຍສະເພາະທິດທາງການເຊື່ອມຈອດທາງດ້ານເສດຖະກິດ, ການຄ້າຜ່ານລະບົບອິນເຕີແນັດ (E-Commerce), ການລົງທຶນ, ຄົມມະນາຄົມ-ຂົນສົ່ງ ແລະ ວັດທະນະທໍາ ເພື່ອໃຫ້ສອດຄ່ອງກັບທ່າອ່ຽງຂອງການເຊື່ອມໂຍງໃນຍຸກປະຈຸບັນ. ນອກຈາກນັ້ນ, ກອງປະຊຸມຍັງໄດ້ກໍານົດບັນດາໂຄງການ ແລະ ກິດຈະກໍາຕ່າງໆ ເພື່ອສົ່ງເສີມຄວາມເຂົ້າໃຈລະຫວ່າງອາຊີ ແລະ ເອີຣົບ ໃນໂອກາດຄົບຮອບ 20 ປີ ການສ້າງຕັ້ງກອງທຶນອາຊີ-ເອີຣົບ ຫລື ອາເຊັບ (ASEF) ຊຶ່ງບັນດາໂຄງການ ແລະ ກິດຈະກໍາຕ່າງໆຈະໄດ້ດໍາເນີນໄປໂດຍຜ່ານຊ່ອງທາງການແລກປ່ຽນດ້ານພູມປັນຍາ, ວັດທະນະທໍາ ແລະ ປະຊາຊົນ ກັບ ປະຊາຊົນ ຂອງ ສອງທະວີບ.

ກ່ອນໜ້າການເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາເຊັມ ຄະນະຜູ້ແທນລາວ ຍັງໄດ້ເຂົ້າຮ່ວມກອງປະຊຸມໜ່ວຍງານລິເລີ່ມການເຊື່ອມຈອດອາເຊັມ ຄັ້ງທີ 1 ໃນວັນທີ 21 ມິຖຸນາ 2017 ເພື່ອປຶກສາຫາລືການກໍານົດຍຸດທະສາດ ດ້ານການເຊື່ອມຈອດອາຊີ-ເອີຣົບໃນ ໄລຍະກາງ ແລະ ໄລຍະຍາວ ແລະ ຂະແໜງການບູລິມະສິດ ໃນໄລຍະສັ້ນ. ໜ່ວຍງານດັ່ງກ່າວຖືກສ້າງຕັ້ງຂຶ້ນຢູ່ໃນກອງປະຊຸມສຸດຍອດອາເຊັມຄັ້ງທີ 11 ທີ່ ອູລານບາຕໍ, ປະເທດ ມົງໂກລີ ໃນປີ 2016.

ຂອບການຮ່ວມມື ອາຊີ-ເອີຣົບ ASEM ສ້າງຕັ້ງຂຶ້ນໃນປີ 1996 ແລະ ປະຈຸບັນມີປະເທດສະມາຊິກ 51 ປະເທດຈາກອາຊີ ແລະ ເອີຣົບ ແລະ ສອງອົງການຈັດຕັ້ງເຂົ້າຮ່ວມ. ໃນປີ 2012 ສປປ ລາວ ໄດ້ຮັບກຽດເປັນເຈົ້າພາບຈັດກອງປະຊຸມສຸດຍອດອາເຊັມຄັ້ງທີ 9.

a
ແຈ້ງການ

* ຮອງປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ຈະດຳເນີນການຢ້ຽມຢາມ ສປປ ລາວ ຢ່າງເປັນທາງການ, ໃນລະຫວ່າງວັນທີ 19-22 ມິຖຸນາ 2018

* ນາຍົກລັດຖະມົນຕີ ແຫ່ງ ສປປ ລາວ ຈະເດີນທາງເຂົ້າຮ່ວມ ກອງປະຊຸມ (ACMECS) ຄັ້ງທີ 8 ແລະ ກອງປະຊຸມ(CLMV) ຄັ້ງທີ 9 ໃນວັນທີ 15-16 ມິຖຸນາ 2018

* ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ຕໍ່ຜົນການພົບປະສຸດຍອດຂອງຜູ້ນຳ ສປປ ເກົາຫຼີ ແລະ ສ. ອາເມຣິກາ

* ເຊີນຮ່ວມແຂ່ງຂັນອອກແບບ ຮູບພາບສັນຍາລັກ ການຮ່ວມມື ແມ່ນ້ຳຂອງ-ແມ່ນ້ຳລ້ານຊ້າງ ສຳລັບປີ 2018-2020

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

* ແຈ້ງເຕືອນ ການເຂົ້າ-ອອກ ປະເທດ ສິງກະໂປ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
148594
ມື້ນີ້41
ມື້ວານ97
ອາທິດນີ້109
ເດືອນນີ້1564
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710