ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ພິທິມອບ-ຮັບເຄື່ອງຊ່ວຍເຫລືອ ຈາກ ສ.ເກົາຫລີ

korea mopkhg1

korea mopkhg2

​    ໃນ​​ວັນທີ 03 ກໍລະກົດ 2017, ທີ່ ສະຖານເອກອັກຄະລັດຖະທູດລາວ ປະຈຳ .​ເກົາຫລີ, ​ໄດ້ມີການຈັດຕັ້ງພິທີ ມອບ-ຮັບ ເຄື່ອງຊ່ວຍເຫລືອເປັນເກີບກິລາ ຈຳນວນ 1.000 ຄູ່, ມູນຄ່າປະມານ 30.000 ໂດລາສະຫະລັດ,ຈາກ 4 ອົງການຈັດຕັ້ງເອກະຊົນຄື: ​ ໂຮງຫມໍ ແບັກ ຂອງມະຫາວິທະຍາໄລ ອິນເຈ ແຫ່ງ ນະຄອນຫລວງເຊອູນ (Inje University Seoul Paik Hospital), Bluecross Medical Volunteers, Community Chest of Korea ແລະ ​ Unique Union ຂອງ .ເກົາຫລີ ໃຫ້ແກ່ ລາວ, ໂດຍການເຂົ້າຮ່ວມໃນພິທີມີ ທ່ານເອກອັກຄະລັດຖະທູດ ຄຳສວຍແກ້ວດາລາວົງ ແລະ ບັນດາປະທານຈາກ 4 ອົງການດັ່ງກ່າວ, ພ້ອມນີ້ຍັງມີ ທ່ານ ໂອ ມຽງວັນ, ປະທານສະມາຄົມມິດຕະພາບ ເກົາຫລີ-ລາວ, ບັນດາພະນັກງານສະຖານທູດ ແລະ ພະ​ນັກ​ງານ​ຂອງ​ບັນ​ດາ​ອົງ​ການ​, ປະ​ທານ​ສະ​ມາ​ຄົມ​ນັກ​ສຶກ​ສາ​ລາວ ແລະ ນັກສຶກສາລາວ ທີ່ ສ.ເກົາ​ຫລີ ຈຳ​ນວນ​ຫນຶ່ງເຂົ້າຮ່ວມ.

 ຈຸດປະສົງຂອງການຊ່ວຍເຫລືອດັ່ງກ່າວແມ່ນເພື່ອແນໃສ່ເພື່ອຊ່ວຍເຫລືອປະຊາຊົນລາວຜູ້​​ຂາດເຂີນ ແລະ ດ້ອຍໂອກາດຢູ່ເຂດຫ່າງໄກສອກຫລີກ. ຜ່ານມາອົງການຈັດຕັ້ງດັ່ງກ່າວເຄີຍ​​ໃຫ້ການຊ່ວຍເຫລືອໃນລັກສະນະນີ້ຫລາຍເທື່ອ, ເຊິ່ງກໍ່ລວມມີທັງບໍລິຈາກເຄື່ອງນຸ່ງ ແລະ ເກີບ ໃຫ້ແກ່ເຂດຫ່າງໄກຊອກຫຼີກຂອງ ສປປ ລາວ.

       ​ໂອກາດດຽວກັນນີ້, ລະຫວ່າງສະຖານທູດ ແລະ ໂຮງຫມໍດັ່ງກ່າວກໍ່ໄດ້ຮ່ວມລົງນາມໃນບົດບັນທຶກຊ່ວຍຈຳເພື່ອຊ່ວຍເຫລືອປິ່ນປົວສຸຂະພາບຂອງພະນັກງານສະຖານທູດ ແລະ ຄົນລາວທີ່ອາໄສຢູ່ .ເກົາຫລີ ລວມທັງຄົນລາວອື່ນໆທີ່ສະເໜີຜ່ານທາງສະຖານທູດໃນລາຄານະໂຍບາຍເປັນພິເສດ​. ໂຮງ​​ມໍມະຫາວິທະຍາໄລດັ່ງກ່າວ ເປັນໂຮງຫມໍທີ່ມີເຄືອຂ່າຍກວ້າງຂວາງ ມີສາຂາ​​​ຈຳນວນ 35 ແຫ່ງ ໃນທົ່ວປະເທດ .ເກົາຫລີ.

       ໃນຕອນທ້າຍ, ທ່ານເອກອັກຄະລັດຖະທູດລາວ ໄດ້ມອບໃບກຽດຕິຄຸນໃນນາມສະຖານທູດໃຫ້ແກ່ 4 ອົງການຈັດຕັ້ງດັ່ງກ່າວ ເພື່ອເປັນການຮູ້ບຸນຄຸນ ແລະ ຂອບໃຈຕໍ່ການຊ່ວຍເຫຼືອໃນຄັ້ງນີ້.