ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ພິທີຕ້ອນຮັບ ແລະ ປິດຊຸດຝຶກອົບຮົມແຮງງານລາວຊຸດທຳອິດ ຢູ່ ສ.ເກົາຫລີ

work korea2 work korea1

work korea3 work korea4

 

ພາຍຫລັງທີ່ລັຖະບານລາວ ແລະ . ເກົາຫລີໄດ້ມີການຮ່ວມມື ແລະ ເຊັນບົດບັນທຶກຊ່ວຍຈຳ (MOU) ວ່າດ້ວຍການສົ່ງ-ຮັບແຮງງານ ໂດຍຜ່ານລະບົບການຈ້າງງານໃນທ້າຍປີ 2016. ໃນຕອນເຊົ້າວັນທີ 06 ກຸມພາ 2018, ​ທີ່ສະຫນາມບິນສາກົນອິນຊອນ, .ເກົາຫລີ, ໄດ້ມີພິທີຕ້ອນຮັບແຮງງານຈາກ ລາວ ຊຸດທຳອິດ ຈຳນວນ 26 ຄົນ ຜູ້ທີ່ໄດ້ຜ່ານການສອບເສັງໂດຍຜ່ານລະບົບການຈ້າງແຮງງານຂອງ .ເກົາຫລີ (Employment Permit System ຫລື EPS) ທີ່ນະຄອນຫລວງວຽງຈັນ ໃນປີ 2017 ຜ່ານມາ. ໂດຍການເຂົ້າຮ່ວມໃນພິທີ​​ຂອງ ທ່ານ ຄຳສວຍ ແກ້ວດາລາວົງ, ເອກອັກຄະລັດຖະທູດລາວ ປະຈຳ .ເ ກົາຫລີ, ທ່ານ ກິມ ດັອງ ມັນ (Kim Dong Man), ປະທານສຳນັກງານພັດທະນາຊັບພະຍາກອນມະນຸດ (Human Resources Development Service of Korea ຫລື HRD Korea), ທ່ານ ກິມ ດົງ ໂຮ (Kim Dong Ho), ຫົວຫນ້າກົມແຮງງານຕ່າງປະເທດ, ກະຊວງການຈ້າງງານ ແລະ ແຮງງານ, ​ມີທ່ານເລຂາທິການໃຫຍ່ມູນນິທິແຮງງານເກົາຫລີ (Korea Labor Foundation), ທ່ານຜູ້ຕາງຫນ້າສູນ EPS ປະຈຳລາວ, ພະນັກງານສະຖານທູດ ແລະ ພະນັກງານຈາກພາກສ່ວນກ່ຽວຂ້ອງຈຳນວນຫນື່ງ ເຂົ້າຮ່ວມ.

ສຳລັບແຮງງານໃຫມ່ທີ່ມາອອກແຮງງານຢູ່ . ເກົາຫລີ, ທັນທີທີ່ເດີນທາງມາຮອດເກົາ​​ຫລີຈະຕ້ອງໄດ້ຜ່ານການຝຶກອົບຮົມ​​ໄລ​ຍະ​ສັ້ນເປັນເວລາ 2 ຄືນ 3 ມື້ ​ຢູ່ສູນ​ຝຶກ​ອົບ​ຮົມ​ແຮງ​ງານ ຂອງ ມູນ​ນິ​ທິ​ແຮງ​ງານ​ເກົາ​ຫລີ, ທີ່ ເມືອງ​ຢໍ​ຈູ (Yeoju), ແຂວງ​ກັອງ​ກີ (Gyeonggi), ເພື່ອ​ຊ່ວຍ​ໃຫ້​ເຂົາ​ເຈົ້າຮັບ​ຮູ້ ແລະ ​ເຂົ້າ​ໃຈ​ສະ​ພາບ​ການ​ເຮັດ​ວຽກ ແລະ ການ​ດຳລົງ​ຊີ​ວິດ​ຢູ່ ສ. ເກົາ​ຫລີ. ໃນ​ຕອນ​ເຊົ້າ​ວັນ​ທີ 08 ກຸມ​ພາ 2018, ຈຶ່ງ​ໄດ້​ມີ​ພິ​ທີ​ປິດ​ຊຸດ​ຝຶກ​ອົບ​ຮົມ​ໃຫ້​ແກ່​ແຮງ​ງານ​ລາວ​ ຢູ່​ສູນ​ຝຶກ​ອົບ​ຮົມ​ດັ່ງ​ກ່າວ, ໂດຍ​​ເຂົ້າ​ຮ່ວມ​ໃນ​ພິ​ທີ​ມີ​ທ່ານ​ເອກ​ອັກ​ຄະ​ລັດ​ຖະ​ທູດ ຄຳ​ສວຍ ແກ້ວ​ດາ​ລາ​ວົງ, ທ່ານ ລີ ຈັອງ ຊິກ (Lee Jung Sik), ເລຂາທິການໃຫຍ່ມູນນິທິແຮງງານເກົາຫລີ, ​ທ່ານ ແບ ຊູ ນາມ (Bae Soo Nam), ​ຜູ້ອຳນວຍການສູນແຮງງານສາກົນ, ມີຜູ້ຕາງຫນ້າ ແລະ ພະນັກງານຈາກພາກສ່ວນທີ່ກ່ຽວຂ້ອງແລະສະຖານທູດລາວເຂົ້າຮ່ວມ. ໂອກາດນີ້, ທ່ານເອກອັກຄະລັດຖະທູດ ກໍກ່າວໄດ້ຊົມເຊີຍ ແລະມີຄຳເຫັນວ່າ ນີ້ເປັນຜົນສຳເລັດໃນເບື້ອງຕົ້ນຊື່ງສອງຝ່າຍ ລາວ-ເກົາຫລີ ຈະຕ້ອງໄດ້ສືບຕໍ່ພັດທະນາໄປເລື້ອຍໆ ພ້ອມສະແດງຄວາມຫວັງຢາກເຫັນແຮງງານລາວເຮັດວຽກຢູ່ ສ. ເກົາຫລີ ເປັນຈຳນວນຫລາຍຄືກັບປະເທດອື່ນໆ. ຈາກນັ້ນ ກໍໄດ້ແນະນຳ​​ໃຫ້ແຮງງານລາວເອົາໃຈໃສ່ປະຕິບັດ​​ລະບຽບກົດຫມາຍ, ລະບຽບຂອງຜູ້ຈ້າງງານທີ່ລະບຸໄວ້ໃນສັນຍາ, ເອົາໃຈໃສ່​​ດຸຫມັ່ນໃນການເຮັດວຽກ, ມີຄວາມມານະອົດທົນ, ຊື່ສັດສຸຈະລິດ, ປະຕິບັດໂມງເວລາຢ່າງເຂັ້ມງວດ, ປະຢັດມັດທະຍັດ ແລະ ບໍ່ຫລິ້ນກິນຟູມເຟືອຍ. ຄຽງຄູ່ກັບວຽກງານກໍໄດ້ຮຽກຮ້ອງໃຫ້ຮຽນຮູ້​​ວັດທະນະທຳ ແລະ ນັບຖືຮີດຄອງປະເພນີ, ຮ່ຳຮຽນພາສາເກົາຫລີທີ່ມີຄວາມຈຳເປັນສຳລັບວຽກງານ ແລະ ການດຳລົງຊີວິດ, ທັງນີ້ກໍເພື່ອພັດທະນາຄວາມຮູ້ຄວາມສາມາດຂອງຕົນເອງໄປນຳໃຊ້ໃນອະນາຄົດຂ້າງຫນ້າ. ທ່ານເອກອັກຄະລັດຖະທູດ ຍັງໄດ້ຢ້ຳຕື່ມວ່າແຮງງານລາວຊຸດທຳອິດນີ້ຖືເປັນຊຸດເປີດທາງໃນການມາເຮັດວຽກຢູ່ .ເກົາຫລີ, ສະນັ້ນ ຕ້ອງໄດ້ເປັນແບບຢ່າງທີ່ດີໃນການສ້າງຊື່ສຽງເພື່ອຊຸດຕໍ່ໆໄປ ທັງນີ້ກໍເພື່ອເປັນກຽດ ແລະ ຊື່ສຽງໃຫ້ແກ່ປະເທດຊາດ ແລະ ປະຊາຊົນລາວຂອງພວກເຮົາ.​ ໃນທ້າຍເດືອນກຸມພາ 2018 ນີ້ກໍຈະມີແຮງງານລາວອີກຈຳນວນຫນຶ່ງທີ່ຈະເດີນທາງມາເຮັດວຽກຢູ່ .ເກົາຫລີ ຕື່ມອີກ.

ຂ່າວອື່ນໆທີ່ກ່ຽວຂ້ອງ

a
ແຈ້ງການ

*ທ່ານລັດຖະມົນຕີຕ່າງປະເທດ ຈະເດີນທາງເຂົ້າຮ່ວມກອງປະຊຸມ ສຸດຍອດອາຊີ-ເອີຣົບ ຄັ້ງທີ 12, ທີ່ ບຣຸກແຊນ, ປະເທດແບນຊິກ

*ແຈ້ງການຄັດເລືອກ ບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງ "ລາງວັນອາຊຽນ" ຄັ້ງປະຖົມມະເລີກ

*ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ

*ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
160251
ມື້ນີ້33
ມື້ວານ94
ອາທິດນີ້384
ເດືອນນີ້1743
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710