ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ການພົບປະ ລະຫວ່າງ ລັດຖະມົນຕີການຕ່າງປະເທດຣັດເຊຍ ແລະ ທູດອາຊຽນ ປະຈໍາ ສ ຣັດເຊຍ

201956-emlao-to-rusia-asean

ຫວ່າງບໍ່ດົນມານີ້ ທີ່ກະຊວງການຕ່າງປະເທດ, ລັດຖະມົນຕີການຕ່າງປະເທດຣັດເຊຍ ໄດ້ຈັດ Working Lunch ເປັນກຽດແກ່ທູດອາຊຽນ ປະຈໍາ ສ ຣັດເຊຍ.

ໃນໂອກາດນີ້, ບາງທູດອາຊຽນ - ໄທ, ສິງກະໂປ, ອິນໂດເນເຊຍ ໄດ້ແລກປ່ຽນທັດສະນະກັບລັດຖະມົນຕີການຕ່າງປະເທດຣັດເຊຍ ເພື່ອກໍານົດຂົງເຂດການຮ່ວມມືທີ່ເປັນບູລິມະສິດ ແລະ ສ້າງ Roadmap ຂອງການຮ່ວມມືສອງຝ່າຍ ລະຫວ່າງ ອາຊຽນ ແລະ ຣັດເຊຍ ໃນອານາຄົດ. ສອງຝ່າຍຕີລາຄາວ່າ ສະຖານະພາບຂອງການເປັນຄູ່ຮ່ວມມືຍຸດທະສາດແມ່ນໂອກາດທີ່ດີ ສໍາລັບ ອາຊຽນ ແລະ ຣັດເຊຍ ເພື່ອໃຫ້ສອງຝ່າຍກ້າວໄປທາງຫນ້າຕາມເສັ້ນທາງທີ່ຖືກຕ້ອງ, ໃນນັ້ນ ອິນໂດເນເຊຍ ໃນຖານະເປັນປະເທດຜູ້ປະສານງານກັບຣັດເຊຍ ໄດ້ສະເຫນີ 4 ຂົງເຂດການຮ່ວມມື ທີ່ເປັນບູລິມະສິດລະຫວ່າງອາຊຽນ ແລະ ຣັດເຊຍ ເຊັ່ນ : ການຕ້ານລັດທິກໍ່ການຮ້າຍ (Counter- terrorism), ຄວາມຫມັ້ນຄົງດ້ານໄຊເບີ(Cyber Security), ການຄຸ້ມຄອງບັນຫາໄພພິບັດ (Disaster Management) ແລະ ບັນຫາ Smart City. ຕໍ່ຂໍ້ສະເຫນີຂອງອິນໂດເນເຊຍ ທູດອາຊຽນສ່ວນໃຫຍ່ ເຫັນດີນໍາ ແລະ ທັງສະເຫນີໃຫ້ ອາຊຽນ ແລະ ຣັດເຊຍຄວນແລກປ່ຽນບົດຮຽນ, ປະສົບການ ແລະ ຄວາມສາມາດຕົວຈິງຂອງກັນ ແລະ ກັນ. ບັນດາທູດອາຊຽນໄດ້ສະແດງຄວາມຫວັງວ່າ ສອງຝ່າຍຈະສາມາດສ້າງແຜນງານລະອຽດກ່ຽວກັບ 4ຂົງເຂດທີ່ໄດ້ກ່າວມານີ້. ບັນດາທູດອາຊຽນ ຖືວ່າ ຣັດເຊຍ ມີປະສົບການ ແລະ ບົດຮຽນອຸດົມສົມບູນດ້ານວິທະຍາສາດ ແລະ ເຕັກໂນໂລຊີ ທີ່ຈະສົ່ງເສີມເຄື່ອຄ່າຍຂອງ Smart City ແລະ ທັງໄດ້ສະເຫນີ ໃຫ້ຝ່າຍຣັດເຊຍໃຫ້ມີການສະເຫນີເອກະສານດ້ານແນວຄວາມຄິດ (A concept paper) ໂດຍຜ່ານສໍານັກງານຜູ້ຕາງຫນ້າຖາວອນຂອງຣັດເຊຍ ປະຈໍາ ອິນໂດເນເຊຍ ຫລື ສົ່ງຫາສະຖານທູດອິນໂດເນເຊຍ ປະຈໍາຣັດເຊຍ ກໍໄດ້.

          ຕໍ່ບັນດາຂໍ້ສະເຫນີຂອງທູດອາຊຽນທີ່ໄດ້ກ່າວມາຂ້າງເທິງນັ້ນ, ທ່ານ ແຊຣເກ ລາວາຣົບ ເຫັນດີນໍາ ແລະ ທັງໄດ້

ສະເຫນີວ່າ ການເປັນຄູ່ຮ່ວມມືຍຸດທະສາດ ລະຫວ່າງ ຣັດເຊຍ ແລະ ອາຊຽນນັ້ນຈະປະກອບດ້ວຍຫລາຍໂຄງການທີ່ກວມເອົາຫລາຍຂົງເຂດຂອງການຮ່ວມມື ແລະ ຕ້ອງໄດ້ປະຕິບັດໄປແຕ່ລະບາດກ້າວ, ທ່ານ ຍັງໄດ້ກ່າວວ່າ ກອງປະຊຸມສາກົນດ້ານຄວາມຫມັ້ນຄົງທີ່ຈະຈັດຂຶ້ນ ຢູ່ນະຄອນຫລວງມົດສະກູ ໂດຍກະຊວງປ້ອງກັນປະເທດຣັດເຊຍ ແມ່ນເປັນຕົວຢ່າງຂອງການຈະເປັນຄູ່ຮ່ວມມືຍຸດທະສາດ ລະຫວ່າງຣັດເຊຍ ແລະ ອາຊຽນ. ທ່ານແຊຣເກ ລາວາຣົບ ຍັງໄດ້ເນັ້ນວ່າ ທ່ານ ວະລາດີເມຍ ປູຕິນ, ປະທານາທິບໍດີຣັດເຊຍ ຕ້ອງການໃຫ້ອົງການຮ່ວມມືຊຽງໄຮ້ (The Shanghai Cooperation Organization), ໂຄງການ ຫນຶ່ງແລວ, ຫນຶ່ງເສັ້ນທາງ ແລະ ອາຊຽນ ຄວນເຮັດວຽກຮ່ວມກັນ. ລັດຖະມົນຕີຕ່າງປະເທດຣັດເຊຍ ຍັງໄດ້ເຊື້ອເຊີນເດັກນ້ອຍອາຊຽນທີ່ມີອາຍຸຕໍ່າກວ່າ 12 ປີມາຢ້ຽມຢາມ ຣັດເຊຍ ແລະ ກິດຈະກໍານີ້ ຈະຈັດຂຶ້ນໂດຍສູນອາຊຽນ-ຣັດເຊຍຂອງMGIMOໃນປີ 2019.

          ບັນຍາກາດຂອງການພົບປະ ສອງຝ່າຍ - ຣັດເຊຍ ແລະ ອາຊຽນ ເຕັມໄປດ້ວຍຄວາມເຂົ້າອົກເຂົ້າໃຈເຊິ່ງກັນ ແລະ ກັນ , ກົງໄປກົງມາ ແລະ ສ້າງສັນ ແຕ່ຕົ້ນຕະຫລອດປາຍ.

         

a
ແຈ້ງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
191703
ມື້ນີ້74
ມື້ວານ105
ອາທິດນີ້47
ເດືອນນີ້883
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710