ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມຄະນະກຳມາທິການຮ່ວມ ລາວ-ອີຢູ ຄັ້ງທີ 09 ທີ່ ບຣຸກແຊນ, ປະເທດ ແບນຊິກ

ໃນວັນທີ 21 ພຶດສະພາ 2019, ຄະນະຜູ້ແທນຝ່າຍລາວ ນໍາໂດຍທ່ານ ພົມມາ ຄຳ​ມະນີ​ຈັນ, ຫົວໜ້າ​ກົມ​ເອີຣົບອາ​ເມ​ລິ​ກາ, ກະຊວງ​ການ​ຕ່າງປະ​ເ​ທດ ພ້ອມດ້ວຍຜູ້ຕາງໜ້າຈາກກະຊວງແຜນການ ແລະ ການລົງທຶນ, ກະຊວງການເງິນ ໄດ້ເດີນທາງ​ເຂົ້າຮ່ວມກອງປະຊຸມຄະນະ​ກຳມາ​ທິການ​ຮ່ວມ ລະຫວ່າງ ສປປ ລາວ ​ແລະ​ ສະຫະພາບ​ເອີຣົບ ເຊິ່ງຈັດຂື້ນຢູ່ ສຳນັກງານ​ໃຫຍ່​ຂອງ​ສະຫະພາບ​ເອີ​ຣົບ,ທີ່ ບຣຸກ​ແຊນ,ປະເທດ ​ແບນ​ຊິກ.

ກອງປະຊຸມດັ່ງກ່າວຈັດ​ຂຶ້ນທຸກໆ 2ປີຕໍ່ຄັ້ງ ໂດຍໄດ້ຜັດປ່ຽນກັນເປັນເຈົ້າພາບ, ຊຶ່ງໃນຄັ້ງນີ້ ພາຍ​ໃຕ້​ການ​ເປັນ​ປະທານ​ຮ່ວມ​ຂອງ ທ່ານ ພົມມາ ຄຳ​ມະນີ​ຈັນ, ຫົວ​ໜ້າ​ກົມ​ເອີຣົບອາ​ເມ​ລິ​ກາ, ກະຊວງ​ການ​ຕ່າງປະ​ເ​ທດ, ຫົວໜ້າ​ຄະນະ​ຝ່າຍ​ລາວ ແລະ ທ່ານ David Daly, ຫົວໜ້າຫ້ອງການ​ຮັບຜິດຊອບ​ພາກ​ພື້ນອາຊີຕາເວັນອອກສຽງໃຕ້ຂອງ​ສຳນັກງານ​ພົວພັນຕ່າງປະ​ເທດຂອງ ອີ​ຢູ, ຊຶ່ງກອງປະຊຸມໄດ້​ຮັບຮອງເອົາ ບົດ​ລາຍ​ງານ​ຜົນ​ຂອງ​ກອງ​ປະຊຸມ​ຄະນະ​ວິຊາ​ການ ດ້ານ​ການ​ຮ່ວມ​ມື (Working Group on Cooperation)ເຊິ່ງ​ໄດ້ຈັດ​ຂຶ້ນ​ໃນ​ຕອນ​ເຊົ້າ ​​ເພື່ອ​ຕີ​ລາຄາສະພາບ​ການຮ່ວມມື, ການຈັດຕັ້ງປະຕິບັດບັນດາແຜນງານ ແລະ ໂຄງການຕ່າງໆ ທີ່ຝ່າຍ ອີຢູ ໄດ້ໃຫ້ການຊ່ວຍເຫຼືອແກ່ ສປປ ລາວ ໃນໄລຍະຜ່ານມາ ແລະແຜນການຮ່ວມມືໃນຕໍ່ໜ້າ. ​​ໃນ​ໄລຍະ​ຜ່ານ​ມາ ອີ​ຢູ ​​ໃຫ້​ການ​ຊ່ວຍ​ເຫລືອ​ແກ່ ສປປ ລາວ ສຳ​ລັບ​ໄລຍະ​ປີ 2016-2020 (Joint Programming 2016-2020) ໂດຍ​ມີ​ມູນ​ຄ່າ 162 ລ້ານເອີ​ໂຣ​ ໃນຂະ​ແໜງ​ການ​ທີ່​ເປັນບູລິ​ມະ​ສິດ​: ການ​ສຶກສາ​ຂັ້ນ​ພື້ນຖານ, ການ​ປົກຄອງ​ທີ່​ດີ, ​ໂພຊະ​ນາ​ການ, ການເກັບກູ້ລະເບີດບໍ່ທັນແຕກຢູ່ ສປປ ລາວ (UXO),ອັນ​ເປັນ​ການ​ປະກອບ​ສ່ວ​ນ​ສຳຄັນ​ເຂົ້າ​ໃນ​ການ​ປະຕິ​ບັດ​ແຜນ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ 5 ປີ ຄັ້ງ​ທີ 8 (2016-2020)ແນ​ໃສ່​ນຳ​ເອົາ​ປະ​ເທດຊາດ​ຫຼຸດ​ພົ້ນ​ອອກຈາກ​ສະຖານະ​ພາບ​ດ້ອຍ​ພັດທະນາ ກ້າວສູ່​ການ​ພັດທະນາ​ແບບ​ຍືນ​ຍົງ​ເທື່ອ​ລະ​ກ້າວ.​

ໃນ​ໂອກາດ​ດຽວ​ກັນ, ສອງ​ຝ່າຍ​ໄດ້​ແລກປ່ຽນ​ຄວາມ​ເຫັນ ກ່ຽວ​ກັບ​ການ​ຫັນ​ເປັນ​ອຸດສາຫະກຳ ​ແລະ ທັນ​ສະ​ໄໝ ກໍ່​ຄື​ສະພາບການພົ້ນເດັ່ນ ດ້ານການ​ພັດທະນາ​ເສດຖະກິດ-ສັງຄົມ ​ຢູ່ ສປປ ລາວ ​ແລະ ສະຫະພາບເອີຣົບ. ສະຫະພາບເອີຣົບ ​ໄດ້ຢືນຢັນ​​ຄວາມ​ສຳຄັນ​ຕໍ່​ບົດບາດ ຂອງ ສປປ ລາວ ​ໃນ​ຂະ​ບວນການ​ທົບ​ທວນ​ປະຈຳ​ໄລຍະ ກ່ຽວ​ກັບ​ສິດທິ​ມະນຸດ ​ແລະ ​ແລກປ່ຽນ​ຄຳ​ຄິດ​ຄຳ​ເຫັນຕໍ່​ກັບ​ການ​ຮ່ວມ​ມື​ແບບ​ສະໝັກ​ໃຈ​ວ່າ​ດ້ວຍ ການ​ມີ​ຜົນ​ບັງຄັບ​ໃຊ້​ກົດໝາຍ​ປ່າ​ໄມ້, ການ​ປົກຄອງ ​ແລະ ການ​ຄ້າ​ໄມ້ (FLEGT), ວຽກ​ງານ​ສັດປ່າ, ການ​ປ່ຽນ​ແປງ​ດິນ​ຟ້າ​ອາ​ກາດ ​ແລະ ກາ​ນຜະລິດ​ພະລັງງານ​ ໄຟຟ້າ​ຂອງ ສປປ ລາວ. ນອກຈາກ​ນັ້ນ, ສອງ​ຝ່າຍ​ຍັງ​ໄດ້​ປຶກສາ​ຫາລື​ກັນ ​ກ່ຽວກັບ ວຽກ​ງານ​ການ​ຮ່ວມ​ມື ​ລະຫວ່າງ ອາ​ຊຽນ-ອີ​ຢູ.

​ກອງ​ປະຊຸມ​ຄະນະ​ກຳມາ​ທິການຮ່ວມລາວ-ສະຫະພາບເອີຣົບ ຄັ້ງ​ທີ 9ໄດ້ດຳ​ເນີນ​ໄປ​ພາຍ​ໃຕ້​ບັນຍາກາດ​ອັນ​ສ້າງສັນ ​ແລະ ປະສົບ​ຜົນສຳ​ເລັດ​ເປັນ​ຢ່າງ​ດີ, ​ເຊິ່ງເປັນ​ນິມິດ​ໝາຍ​ອັນ​ດີ​ໃຫ້​ແກ່​ການ​ເສີມ​ຂະຫຍາຍ​ການ​ພົວພັນ​ຮ່ວມ​ມື​ສອງ​ຝ່າຍ​ໃຫ້​ກວ້າງຂວາງ ​ແລະ ​ແຕກດອກ​ອອກ​ຜົນ​ຍິ່ງໆ​ຂຶ້ນ​ໃນ​ອະນາຄົດ.

a
ແຈ້ງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
191703
ມື້ນີ້74
ມື້ວານ105
ອາທິດນີ້47
ເດືອນນີ້883
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710