ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ທູດລາວ ຍື່ນສານຕາຕັ້ງເປັນເອກອັກຄະລັດຖະທູດ ປະຈຳ ສາທາລະນະລັດ ເກົາຫລີ

2019.6.4-em-korea 

ໃນຕອນບ່າຍວັນທີ 31 ພຶດສະພາ 2019, ທ່ານ ທ່ຽງ ບຸບຜາ ໄດ້ເຂົ້າຍື່ນສານຕາຕັ້ງຕໍ່ ພະນະທ່ານ ມູນ ແຈ ອິນ (Moon Jae In), ປະທານາທິບໍດີ ແຫ່ງ ສາທາລະນະລັດ ເກົາຫລີ ເພື່ອດຳລົງຕຳແຫນ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ເກົາຫລີ ທີ່ ທຳນຽບປະທານາທິບໍດີ ຈອງ ວາ ແດ (Cheong Wa Dae), ນະຄອນຫລວງເຊອູນ, ສາທາລະນະລັດ ເກົາຫລີ.

ໃນໂອກາດດັ່ງກ່າວ, ທ່ານ ທ່ຽງ ບຸບຜາ ໄດ້ນໍາເອົາຄວາມຢື້ຢາມຖາມຂ່າວອັນອົບອຸ່ນ ແລະ ພອນໄຊອັນປະເສີດຂອງ ພະນະທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ ເຖິງ ພະນະທ່ານ ມູນ ແຈ ອິນ, ປະທານາທິບໍດີ ແຫ່ງ ສ.ເກົາຫລີ, ລັດຖະບານ ແລະ ປະຊາຊົນ ສ.ເກົາຫລີ ເພື່ອນມິດທຸກຖ້ວນຫນ້າ.

ພະນະທ່ານ ມູນ ແຈ ອິນ ໄດ້ສະແດງຄວາມຂອບໃຈ ແລະ ຝາກຄວາມຢື້ຢາມຖາມຂ່າວອັນອົບອຸ່ນ ແລະ ພອນໄຊອັນປະເສີດ ມາຍັງ ພະນະທ່ານ ບຸນຍັງ ວໍລະຈິດ, ລັດຖະບານ ແລະ ປະຊາຊົນລາວເພື່ອນມິດເຊັ່ນດຽວກັນ. ພ້ອມກັນນັ້ນ, ກໍ່ໄດ້ສະແດງຄວາມຊົມເຊີຍຕໍ່ ທ່ານ ທ່ຽງ ບຸບຜາ ທີ່ໄດ້ຖືກແຕ່ງຕັ້ງໃຫ້ມາດຳລົງຕຳແຫນ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສ. ເກົາຫລີ ແລະ ອວຍພອນໃຫ້ທ່ານເອກອັກຄະລັດຖະທູດ ຈົ່ງປະສົບຜົນສຳເລັດໃນການປະຕິບັດຫນ້າທີ່ວຽກງານການທູດຂອງຕົນຢູ່ ສ.ເກົາຫລີ.

ທ່ານ ທ່ຽງ ບຸບຜາ ໄດ້ສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງຕໍ່ການຕ້ອນຮັບອັນອົບອຸ່ນ ແລະ ເຕັມໄປດ້ວຍໄມຕີຈິດມິດຕະພາບ, ພ້ອມທັງໄດ້ຕີລາຄາສູງຕໍ່ຜົນສຳເລັດຂອງການພົວພັນ ແລະ ຮ່ວມມືສອງຝ່າຍ, ເປັນຕົ້ນການຊ່ວຍເຫລືອທີ່ມີຄຸນຄ່າຈາກລັດຖະບານ ແລະ ປະຊາຊົນ ສ.ເກົາຫລີ ທີ່ມີຕໍ່ລັດຖະບານ ແລະ ປະຊາຊົນລາວໃນໄລຍະຜ່ານມາ ແລະ ກໍ່ໄດ້ສະແດງຄວາມຂອບໃຈຕໍ່ການຊ່ວຍເຫລືອດັ່ງກ່າວ ແລະ ໄດ້ຕີລາຄາສູງຕໍ່ຜົນສຳເລັດຂອງການແລກປ່ຽນການຢ້ຽມຢາມຂອງການນຳຂັ້ນສູງສອງຝ່າຍໃນໄລຍະຜ່ານມາ ກໍຄືຜົນສຳເລັດການພົບປະຂອງການນຳຂັ້ນສູງຂອງສອງປະເທດໃນໂອກາດກອງປະຊຸມສຸດຍອດອາຊຽນ, ເຊິ່ງເປັນການປະກອບສ່ວນເສີມຂະຫຍາຍສາຍພົວພັນໃກ້ຊິດ ແລະ ສົ່ງເສີມຄວາມເຂົ້າອົກເຂົ້າໃຈເຊິ່ງກັນ ແລະ ກັນຫລາຍຂຶ້ນກວ່າເກົ່າ. ສປປ ລາວ ສະຫນັບສະຫນູນການເປັນເຈົ້າພາບຂອງ ສ.ເກົາຫລີ ໃນການຈັດກອງປະຊຸມສຸດຍອດ ອາຊຽນ-ສ.ເກົາຫລີ ເພື່ອສະເຫລີມສະຫລອງສາຍພົວພັນ ອາຊຽນ-ສ.ເກົາຫລີ ຄົບຮອບ 30 ປີ ແລະ ກອງປະຊຸມສຸດຍອດຄັ້ງປະຖົມມະລຶກ ແມ່ນໍ້າຂອງ-ສ.ເກົາຫລີ.

ພະນະທ່ານປະທານາທິບໍດີ ມູນ ແຈ ອິນ ກໍ່ໄດ້ຕີລາຄາສູງຕໍ່ສາຍພົວພັນຮ່ວມມືສອງຝ່າຍ ແລະ ໃນກອບຫລາຍຝ່າຍທີ່ນັບມື້ແຕກດອກອອກຜົນຍິ່ງຂຶ້ນ, ທັງໄດ້ສະແດງຄວາມຂອບໃຈຕໍ່ທັດສະນະ ແລະ ການສະຫນັບສະຫນູນຂອງລາວໃນການແກ້ໄຂບັນຫາແຫລມເກົາຫລີ, ບັນຫາໃນເຂດອາຊີ-ປາຊີຟິກ ແລະ ນະໂຍບາຍໃຫມ່ຫັນສູ່ໃຕ້ຂອງ ສ.ເກົາຫລີ.

ທ່ານ ທ່ຽງ ບຸບຜາ ໄດ້ສະແດງຄວາມຂອບໃຈຕໍ່ຄຳເວົ້າອັນຈົບງາມຂອງພະນະທ່ານປະທານາທິບໍດີ ທີ່ມີຕໍ່ສາຍພົວພັນມິດຕະພາບ ລະຫວ່າງ ສອງປະເທດ ແລະ ໄດ້ອວຍພອນໃຫ້ພະນະທ່ານປະທານາທິບໍດີ ຈົ່ງມີພາລະນາໄມສົມບູນ ແລະ ປະສົບຜົນສຳເລັດໃນຫນ້າທີ່ວຽກງານອັນມີກຽດ ແລະ ສູງສົ່ງຂອງພະນະທ່ານ ໃນການນຳພາປະເທດຊາດ ແລະ ປະຊາຊົນ ສ.ເກົາຫລີ ໄປສູ່ຄວາມຈະເລີນຮຸ່ງເຮືອງ.

a
ແຈ້ງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
191703
ມື້ນີ້74
ມື້ວານ105
ອາທິດນີ້47
ເດືອນນີ້883
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710