ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ທູດລາວຍື່ນສານຕາຕັ້ງຕໍ່ປະທານາທິບໍດີມານດິບ

 

20190801LaoAm20190801LaoAm1

     ໃນວັນທີ 25 ກໍລະກົດ 2019, ທີ່ທໍານຽບປະທານາທິບໍດີນະຫຼອນຫຼວງ ມາເລ, ສາທາລະນະລັດ ມານດິບ, ທ່ານ ບຸນແນມ ຈວງຫອມ ໄດ້ຍື່ນສານຕາຕັ້ງຕໍ່ ພະນະທ່ານ ອິບຣາຮິມ ໂມຮາເມດ ໂຊລິ (Ibrahim Mohamed Solih),     ປະທານາທິບໍດີ ແຫ່ງ ສາທາລະນະລັດ ມານດິບ, ເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາສາທາລະນະລັດ ມານດິບ ໂດຍມີສໍານັກງານຕັ້ງຢູ່ ນະຄອນຫຼວງນິວເດນລີ, ປະເທດອິນເດຍ.


   ໃນໂອກາດດັ່ງກ່າວ, ທ່ານເອກອັກຄະລັດຖະທູດໄດ້ສະແດງຄວາມຂອບໃຈຢ່າງສູງ ແລະ ຖືເປັນກຽດຢ່າງຍິ່ງທີ່ ພະນະທ່ານ  ປະທານາທິບໍດີໄດ້ໃຫ້ກຽດຮັບສານຕາຕັ້ງດັ່ງກ່າວ ແລະ ໄດ້ໃຫ້ຄໍາໝັ້ນສັນຍາວ່າ ໃນໄລຍະເວລາການປະຕິບັດໜ້າທີ່ການທູດຢູ່ມານດິບນີ້ ທ່ານຈະພະຍາຍາມເຮັດສຸດຄວາມສາມາດຂອງຕົນ ເພື່ອຊຸກຍູ້ສົ່ງເສີມສາຍພົວພັນ ມິດຕະພາບທີ່ດີງາມ ແລະ ການຮ່ວມມືສອງຝ່າຍໃຫ້ມີບາດກ້າວໃໝ່ ແລະ ຂະຫຍາຍຕົວຂຶ້ນໄປເລື້ອຍໆ. ພ້ອມນີ້, ທ່ານເອກອັກຄະລັດຖະທູດລາວກໍ່ໄດ້ນໍາເອົາຄໍາອວຍພອນອັນປະເສີດ ແລະ ຄໍາຊົມເຊີຍອັນອົບອຸ່ນຂອງ ພະນະທ່ານ ບຸນຍັງ ວໍລະຈິດ, ປະທານປະເທດແຫ່ງ ສປປ ລາວ, ຝາກເຖິງພະນະທ່ານປະທານາທິບໍດີ ເນື່ອງໃນໂອກາດວັນຊາດຂອງ ສາທາລະນະລັດ ມານດິບ ຄົບຮອບ 54 ປີ   ໃຫ້ພະນະທ່ານຈົ່ງມີພະລານາໄມແຂງແຮງ ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ແລະ ທັງສອງຝ່າຍໄດ້ຮັບຜົນສໍາເລັດໃນພາລະໜ້າທີ່ອັນມີກຽດຂອງພະນະທ່ານ ແລະ ຝາກຄໍາເຊື້ອເຊີນພະນະທ່ານປະທານາທິບໍດີມານດິບ ມາຢ້ຽມຢາມ ສປປ ລາວ ໃນເວລາທີ່ພະນະທ່ານສະດວກ. ໃນວັນດຽວກັນນັ້ນ, ທ່ານເອກອັກຄະລັດຖະທູດລາວຍັງໄດ້ເຂົ້າຢ້ຽມຄໍານັບທ່ານ ອັບດູນລາ ຊາຮິດ (Abdulla Shahid) ລັດຖະມົນຕີຕ່າງປະເທດມານດິບ ແລະ ທ່ານ ອາເມດ ຄາລີ  (Ahmed Khaleel), ຮອງລັດຖະມົນຕີຕ່າງປະເທດມານດິບ, ເຊິງທ່ານທູດໄດ້ແຈ້ງໃຫ້ຊາບກ່ຽວກັບສະພາບການພັດທະນາເສດຖະກິດ-ສັງຄົມຂອງ ສປປ ລາວໂດຍລວມ ແລະ ໄດ້ແລກປ່ຽນຄວາມຄິດຄວາມເຫັນກ່ຽວກັບທ່າແຮງໃນຂົງເຂດຕ່າງໆທີ່ສອງຝ່າຍສາມາດຮ່ວມມືກັນໄດ້, ໂດຍສະເພາະການພັດທະນາຊັບພະ ຍາກອນມະນຸດ, ການທ່ອງທ່ຽວ ແລະ ອື່ນໆ ລວມທັງການສະໜັບສະໜູນເຊິ່ງກັນ ແລະ ກັນໃນເວທີພາກພື້ນ ແລະ ສາກົນ ຊຶ່ງຈະນໍາຜົນປະໂຫຍດມາສູ່ປະຊາຊົນສອງຊາດໃນຕໍ່ໜ້າ. ໃນໂອກາດດຽວກັນ, ທ່ານເອກອັກຄະລັດຖະທູດລາວພ້ອມຄະນະຍັງໄດ້ເຂົ້້າຮ່ວມງານລ້ຽງ ແລະ ພິທີສວນສະໜາມຄັ້ງໃຫຍ່ ເພື່ອສະເຫຼີມສະຫຼອງວັນຊາດມານດິບຄົບຮອບ 54 ປີ.  
     ສປປ ລາວ ແລະ ສ.ມານດິບ ໄດ້ສ້າງຕັ້ງສາຍພົວພັນການທູດນໍາກັນວັນທີ 10 ກຸມພາ 2012, ເຖິງວ່າຍັງເປັນໄລຍະເວລາສັ້ນໆ ແຕ່ສາຍພົວພັນຮ່ວມມືດັ່ງກ່າວກໍ່ໄດ້ກາຍເປັນມູນເຊື້ອດີງາມ ແລະ ທັງສອງຝ່າຍກໍ່ພະຍາຍາມຊອກຊ່ອງທາງ ເພື່ອຊຸກຍູ້ສົ່ງເສີມສາຍພົວພັນ ແລະ ຮ່ວມມືດັ່ງກ່າວ ຕາມທ່າແຮງຂອງຕົນ ໃຫ້ກາຍເປັນຮູບປະທໍາຫຼາຍຂຶ້ນ.
      ສາທາລະນະລັດ ມານດິບ ມີເນື້ອທີ່ທັງໝົດ 297,8 ຕາຕະລາງກິໂລແມັດ  ເຊິ່ງເປັນເນື້ອທີ່ດິນກວມເອົາພຽງ 1%, ສ່ວນທີ່ເຫຼືອ 99% ລ້ວນແຕ່ເປັນທະເລ ແລະ ມີປະຊາກອນທັງໝົດ 452,184 (2019). ມານດິບເປັນໜຶ່ງໃນບັນດາປະເທດອາຊີໃຕ້ທີ່ມີເສດຖະກິດຂະຫຍາຍຕົວໄວໃນລະດັບ 8.8% (2017) ແລະ ລາຍຮັບຕໍ່ຫົວຄົນແມ່ນ 10,535.79 USD (2017). ມານດິບເປັນປະເທດທີ່ມີທິວທັດທໍາມະຊາດທີ່ສວຍງາມ, ໂດຍສະເພາະບັນດາເກາະດອນທີ່ເປັນເອກະລັກ ທີ່ດຶງດູດນັກທ່ອງທ່ຽວຫຼາຍລ້ານຄົນ  ແລະ ໄດ້ກາຍເປັນຈຸດໝາຍການທ່ອງທ່ຽວທີ່ີມີຊື່ສຽງຂອງໂລກ ທີ່ສາມາດສ້າງເສດຖະກິດອັນດັບນຶ່ງໃຫ້ແກ່ປະເທດ ແລະ ຮອງລົງມາກໍ່ແມ່ນການປະມົງ.

a
ແຈ້ງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
191391
ມື້ນີ້57
ມື້ວານ101
ອາທິດນີ້445
ເດືອນນີ້571
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710