ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມເຈົ້າໜ້າທີ່ອາວຸໂສ ຂອບການຮ່ວມມືື ກໍາປູເຈຍ-ລາວ-ມຽນມາ-ຫວຽດນາມ (CLMV)

CLMV19A

 

CLMV19B

 

CLMV19C

 

ວັນທີ 21-22 ສິງຫາ 2019, ທີ່ ນະຄອນຫລວງວຽງຈັນ, ສປປ ລາວ ໄດ້ເປັນເຈົ້າພາບຈັດກອງປະຊຸມໜ່ວຍງານວິຊາການ ຂະແໜງການບູລິມະສິດ ແລະ ກອງປະຊຸມເຈົ້າໜ້າທີ່ອາວຸໂສ ຂອບການຮ່ວມມືື ກໍາປູເຈຍ-ລາວ-ມຽນມາ-ຫວຽດນາມ (CLMV) ຊຶ່ງມີຄະນະຜູ້ແທນຈາກຂະແໜງການຕ່າງໆຂອງປະເທດ CLMV ເຂົ້າຮ່ວມຢ່າງພ້ອມພຽງ. ກອງປະຊຸມຄັ້ງນີ້    ໄດ້ຈັດຂຶ້ນ ເພື່ອທົບທວນຄືນການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ປຶກສາຫາລື ກ່ຽວກັບ ທິດທາງການຮ່ວມມືໃນຕໍ່ໜ້າຂອງຂອບການຮ່ວມມື CLMV, ທັ້ງນີ້ ກໍເພື່ອກະກຽມໃຫ້ແກ່ການເປັນເຈົ້າພາບຈັດກອງປະຊຸມສຸດຍອດ CLMV ຄັ້ງທີ 10 ໃນປີ 2020 ທີ່ ສປປ ລາວ.

 

ວັນທີ 21 ສິງຫາ 2019, ໄດ້ຈັດກອງປະຊຸມໜ່ວຍງານວິຊາການ ຂະແໜງການບູລິມະສິດ CLMV ຂຶ້ນຊຶ່ງປະ ກອບມີ: ຂະແໜງການການຂົນສົ່ງ, ທ່ອງທ່ຽວ, ກະສິກຳ, ອຸດສາຫະກຳ, ພະລັງງານ, ເທັກໂນໂລຊີ, ຂໍ້ມູນຂ່າວສານ ແລະ ການຕິດຕໍ່ສື່ສານ, ການຄ້າ ແລະ ການລົງທຶນ ແລະ ການພັດທະນາຊັບພະຍາກອນມະນຸດ. ກອງປະຊຸມ ໄດ້ທົບທວນຄືນບັນດາແຜນງານ ແລະ ໂຄງການຮ່ວມມືໃນແຕ່ລະຂະແໜງການ ແລະ ໄດ້ພ້ອມກັນປຶກສາຫາລືກັນ ເພື່ອກໍານົດທິດທາງການຮ່ວມມືໃນຕໍ່ໜ້າ ບົນພື້ນຖານຄວາມເປັນເອກະພາບຂອງປະເທດສະມາຊິກ.

 

ວັນທີ 22 ສິງຫາ 2019, ໄດ້ມີກອງປະຊຸມເຈົ້າໜ້າທີ່ອາວຸໂສ CLMV ໂດຍການເປັນປະທານຂອງ ທ່ານ ວິລະສັກ ສົມພົງ, ຮັກສາການຫົວໜ້າກົມເສດຖະກິດ, ກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສ CLMV ຂອງ ສປປ ລາວ. ກອງປະຊຸມ ໄດ້ຮັບຊາບຜົນຂອງກອງປະຊຸມໜ່ວຍງານວິຊາການ 8 ຂະແໜງການບູລິມະສິດ ແລະ ຄວາມຄືບໜ້າຂອງການ ຮ່າງຂອບການພັດທະນາ CLMV (Framework for CLMV Development), ຊຶ່ງມີແຜນຈະນໍາ ສະເໜີບັນດາຜູ້ນໍາ CLMV ຮັບຮອງເອົາໃນກອງປະຊຸມສຸດຍອດ CLMV ຄັ້ງທີ 10 ໃນຕົ້ນປີ 2020. ພ້ອມນີ້, ໄດ້ແລກປ່ຽນຄໍາຄິດເຫັນ ກ່ຽວກັບ ການຈັດຕັ້ງປະຕິບັດບັນດາວຽກງານການຮ່ວມມືໃນໄລຍະຜ່ານມາ ກໍຄື ຄວາມຄືບໜ້າ, ​ຂໍ້ຄົງຄ້າງ ແລະ ຂໍ້ສະເໜີໃນການແກ້ໄຂຮ່ວມກັນ ລວມທັງໄດ້ປຶກສາຫາລື ກ່ຽວກັບ ທິດທາງການຮ່ວມມືໃນຕໍ່ໜ້າ ຂອງຂອບການຮ່ວມມື CLMV. ນອກຈາກນັ້ນ, ສປປ ລາວ ໃນນາມເປັນປະທານ CLMV ໃນປະຈຸບັນ, ໄດ້ລາຍງານຕໍ່ກອງປະຊຸມ ກ່ຽວກັບ ການກະກຽມດ້ານຕ່າງໆ ໃຫ້ແກ່ກອງປະຊຸມສຸດຍອດ CLMV ຄັ້ງທີ 10 ໃນປີ 2020 ໂດຍສະເພາະຮ່າງວາລະກອງປະຊຸມ ແລະ ລາຍການເອກະສານສໍາຄັນຕ່າງໆ ທີ່ຈະສະເໜີຜູ້ນໍາ CLMV ພິຈາລະນາຮັບຮອງເອົາໃນກອງປະຊຸມສຸດຍອດ CLMV ຄັ້ງທີ 10.

 

ໃນໂອກາດດັ່ງກ່າວ ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ, ໄດ້ກ່າວຄຳເຫັນໃນງານລ້ຽງຕ້ອນຮັບຄະນະຜູ້ແທນທີ່ເຂົ້າຮ່ວມກອງປະຊຸມ ໂດຍໄດ້ເນັ້ນໜັກເຖິງຄວາມສໍາຄັນຂອງການຮ່ວມມື CLMV ໃນການສືບຕໍ່ຮ່ວມມືກັນ ເພື່ອພັດທະນາເສດຖະກິດ-ສັງຄົມ ຢູ່ໃນພາກພື້ນ ກໍຄື ຢູ່ບັນດາປະເທດ CLMV ເພື່ອຮັດແຄບຄວາມແຕກໂຕນດ້ານການພັດທະນາ ແລະ ສາມາດເຊື່ອມໂຍງເຂົ້າກັບພາກພື້ນ ແລະ ສາກົນ  ໄດ້ຢ່າງເຂັ້ມແຂງ.

 

ກອງປະຊຸມຄັ້ງນີ້ ໄດ້ດໍາເນີນໄປດ້ວຍໄມຕີຈິດມິດຕະພາບ, ສາມາດບັນລຸຕາມຈຸດປະສົງເປົ້າໝາຍທີ່ວາງໄວ້ ແລະ ໄດ້ຮັບຜົນສໍາເລັດຢ່າງຈົບງາມ.

a
ແຈ້ງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
191390
ມື້ນີ້56
ມື້ວານ101
ອາທິດນີ້444
ເດືອນນີ້570
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710