ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ສຳນັກງານຜູ້ຕາງໜ້າ ແຫ່ງ ສປປ ລາວ ຢູ່ຕ່າງປະເທດ ສຳເລັດການປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ IX ລ່ວງໜ້າ

Viet2

 

China3

 

Paris2

 

England2

 

ໃນວັນທີ 14 ກຸມພາ 2021 ທີ່ຜ່ານມາ, ບັນດາສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ໄດ້ດຳເນີນການປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 01 ນະຄອນຫຼວງວຽງຈັນ ແລະ ສະມາຊິກສະພາປະຊາຊົນນະຄອນຫຼວງ ຊຸດທີ II (2021-2026) ລ່ວງໜ້າຂຶ້ນ, ໂດຍມີ 40 ໜ່ວຍເລືອກຕັ້ງຈາກ ສະຖານເອກອັກຄະລັດຖະທູດ, ສຳນັກງານຜູ້ຕາງໜ້າຖາວອນ ແລະ ສະຖານກົງສຸນໃຫຍ່ ແຫ່ງ ສປປ ລາວ ປະຈຳຢູ່ຕ່າງປະເທດ ໃນທົ່ວໂລກ.

 

ການເລືອກຕັ້ງສະມາຊິກສະພາແຫ່ງຊາດໃນຄັ້ງນີ້ ໄດ້ດຳເນີນໄປຢ່າງເປັນຂະບວນຟົດຟື້ນ, ໂດຍມີຜູ້ມີສິດເລືອກຕັ້ງທີ່ມາລົງທະບຽນ ລວມທັງໝົດ 13.404 ຄົນ, ຍິງ 5.493 ຄົນ, ຊຶ່ງລວມມີບັນດານັກການທູດ, ພະນັກງານສະຖານເອກອັກຄະລັດຖະທູດ, ສໍານັກງານຜູ້ຕາງໜ້າຖາວອນ, ສະຖານກົງສຸນໃຫຍ່ ແຫ່ງ ສປປ ລາວ ແລະ ພົນລະເມືອງລາວ ທີ່ອາໄສຢູ່ປະເທດຕ່າງໆ. ການປ່ອນບັດເລືອກຕັ້ງສະມາຊິກສະພາແຫ່ງຊາດ ເປັນສິດ ແລະ ໜ້າທີ່ ຂອງພົນລະເມືອງລາວທຸກຄົນ ບໍ່ວ່າຈະຢູ່ພາຍໃນປະເທດ ຫຼື ດຳລົງຊີວິດຢູ່ຕ່າງປະເທດ. ການເລືອກຕັ້ງດັ່ງກ່າວເປັນເຫດການທາງການເມືອງທີ່ສຳຄັນຂອງຊາດ, ພ້ອມທັງເປັນການສືບຕໍ່ການກໍ່ສ້າງ ແລະ ບູລະນະລັດປະຊາທິປະໄຕປະຊາຊົນ ໃຫ້ມີຄວາມໜັກແໜ້ນ ແລະ ເຂັ້ມແຂງ, ເປັນການເສີມຂະຫຍາຍສິດປະຊາທິປະໄຕ, ສິດເປັນເຈົ້າຂອງປະຊາຊົນລາວບັນດາເຜົ່າ ໃນການເລືອກເອົາຕົວແທນແຫ່ງສິດ ແລະ ຜົນປະໂຫຍດຂອງຕົນ ເຂົ້າຢູ່ໃນອົງການນິຕິບັນຍັດຂອງລັດ ຂັ້ນສູນກາງ ແລະ ທ້ອງຖິ່ນ, ຊຶ່ງເປັນການສະແດງໃຫ້ເຫັນທາດແທ້ຂອງລັດ ສປປ ລາວ ທີ່ເປັນລັດຂອງປະຊາຊົນ ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນລາວຢ່າງແທ້ຈິງ.

 

ການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນນະຄອນຫຼວງຊຸດທີ II ຂອງບັນດາສໍານັກງານຜູ້ຕາງໜ້າ ແຫ່ງ ສປປ ລາວ ປະຈໍາຢູ່ຕ່າງປະເທດ ໃນຄັ້ງນີ້ ແມ່ນດໍາເນີນໄປຕາມຫຼັກການທົ່ວໄປ, ສະເໜີພາບ, ໂດຍກົງ, ລົງຄະແນນສຽງປິດລັບ, ໂປ່ງໃສ ແລະ ຍຸດຕິທຳ ໂດຍມີຜູ້ມາລົງຄະແນນສຽງທັງໝົດ 13.283 ຄົນ, ຍິງ 5.423 ຄົນ, ຄິດໄລ່ເປັນ 99% ຂອງຈໍານວນຜູ້ລົງທະບຽນ ໂດຍບໍ່ມີບັດຕາຍ. ສ່ວນຜູ້ທີ່ບໍ່ສາມາດປ່ອນບັດເລືອກຕັ້ງໄດ້ມີທັງໝົດ 121 ຄົນ ຍ້ອນວ່າ ບາງປະເທດມີການເຄັ່ງຄັດເຂັ້ມງວດ ໃນການໄປມາມາດຕະການປ້ອງກັນພະຍາດ ໂຄວິດ-19, ບາງປະເທດ ກໍຖືກໄລຍະພັກປີໃໝ່ ແລະ ບໍ່ມີເງື່ອນໄຂທີ່ຈະໃຫ້ພົນລະເມືອງລາວຈໍານວນໜຶ່ງ ສາມາດປະກອບສ່ວນເຂົ້າໃນການເລືອກຕັ້ງ. ພາຍຫຼັງສໍາເລັດການລົງຄະແນນເລືອກຕັ້ງ, ຄະນະກຳມະການໜ່ວຍເລືອກຕັ້ງຂອງແຕ່ລະໜ່ວຍ ກໍໄດ້ສັງລວມຄະແນນ ແລະ ລາຍງານຜົນການເລືອກຕັ້ງ ມາຍັງຄະນະກຳມະການການເລືອກຕັ້ງເຂດນະຄອນຫຼວງ ເພື່ອສັງລວມຜົນຮ່ວມກັບໜ່ວຍເລືອກຕັ້ງອື່ນໆ ທີ່ຢູ່ພາຍໃນ ນະຄອນຫຼວງວຽງຈັນ.

a
ແຈ້ງການ

#ບົດຄວາມໂດຍ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ເນື່ອງໃນໂອກາດວັນສ້າງຕັ້ງຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ ຄົບຮອບ 5 ປີ.

 

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງທີ່ກ່ຽວພັນກັບຄົນຕ່າງປະເທດ ມາສະເໜີຜ່ານກະຊວງການຕ່າງປະເທດ.

 

#ຖະແຫລງການຂອງກະຊວງການຕ່າງປະເທດ ຕໍ່ຜົນສຳເລັດຂອງກອງປະຊຸມສະພາປະຊາຊົນທົ່ວປະເທດຈີນ ຄັ້ງທີ 4 ສະໄຫມທີ 13.

 

#ຄຳແນະນຳສຳລັບຜູ້ທີ່ຈະເດີນທາງເຂົ້າ ສປປ ລາວ ໃນໄລຍະດຳເນີນມາດຕະການປ້ອງກັນຄວບຄຸມ ແລະ ແກ້ໄຂການລະບາດຂອງພະຍາດ Covid-19 (ວັນທີ 26 ກຸມພາ 2021)

 

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

 

#ປະກາດ ຄັດເລືອກບຸກຄົນ ຫຼື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2021.

 

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

 

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

 

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

 

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020.

 

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ.

 

* ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດ Covid-19.

 

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
251249
ມື້ນີ້84
ມື້ວານ107
ອາທິດນີ້787
ເດືອນນີ້1242
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710