ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ກອງປະຊຸມບໍ່ເປັນທາງການຂອງເຈົ້າຫນ້າທີ່ອາວຸໂສອາຊຽນ ທີ່ ບາຫລີ, ອິນໂດເນເຊຍ

ALK AS8-9

 

ທ່ານ ອາລຸນແກ້ວ ກິດຕິຄຸນ, ລັດຖະມົນຕີປະຈໍາສໍານັກງານນາຍົກລັດຖະມົນຕີ, ທັງເປັນຫົວຫນ້າເຈົ້າຫນ້າທີ່ອາວຸໂສອາຊຽນ ຂອງ ສປປ ລາວ, ໄດ້ເປັນປະທານກອງປະຊຸມບໍ່ເປັນທາງການຂອງເຈົ້າຫນ້າທີ່ອາວຸໂສອາຊຽນ, ຈັດຂຶ້ນທີ່ ບາຫລີ, ອິນໂດເນເຊຍ, ໃນວັນທີ 8-9 ທັນວາ 2016. ໃນກອງປະຊຸມຄັ້ງນີ້, ບັນດາຫົວຫນ້າເຈົ້າຫນ້າທີ່ອາວຸໂສອາຊຽນ ໄດ້ແລກປ່ຽນຄວາມຄິດຄວາມເຫັນ ກ່ຽວກັບ ສະພາບການພາກພື້ນ ແລະ ສາກົນ ໂດຍສະເພາະແມ່ນສະພາບການໃຫມ່ ທີ່ເກີດຂຶ້ນຫວ່າງບໍ່ດົນມານີ້ເຊັ່ນ: ການຖອນຕົວອອກຈາກສະຫະພາບເອີຣົບຂອງອັງກິດ ແລະ ການປ່ຽນແປງການນໍາໃຫມ່ ໃນຫລາຍປະເທດ ລວມທັງສະພາບການພາຍຫລັງການເລືອກຕັ້ງຢູ່ ສະຫະລັດອາເມລິກາ ຊຶ່ງເປັນສະພາບການໃຫມ່ ທີ່ອາຊຽນ ແລະ ພາກພື່ນອື່ນໆ ຕິດຕາມຢ່າງໃກ້ຊິດ.

 

ກອງປະຊຸມເຈົ້າຫນ້າທີ່ອາວຸໂສ ເຫັນວ່າ ເຖິງແມ່ນວ່າສະພາບການພາກພື້ນ ແລະ ສາກົນ ຈະມີການປ່ຽນແປງໄປແນວໃດກໍຕາມ, ອາຊຽນ ຈະສືບຕໍ່ຢຶດຫມັ້ນບັນດາຫລັກການຂອງອາຊຽນ ທີ່ເຮັດໃຫ້ອາຊຽນ ມີຜົນສໍາເລັດເທື່ອລະກ້າວ ແລະ ຈົນສາມາດປະກາດສ້າງຕັ້ງປະຊາຄົມອາຊຽນ ໃນທ້າຍປີ 2015, ອາຊຽນຈະສືບຕໍ່ຮັດແຫນ້ນປະຊາຄົມອາຊຽນ ໃຫ້ເຂັ້ມແຂງ ແລະ ຈະເລີນກ້າວຫນ້າ, ສືບຕໍ່ຂະບວນການການເຊື່ອມໂຍງເສດຖະກິດໃຫ້ເລິກເຊິ່ງ ແລະ ກວ້າງຂວາງ ເພື່ອຜົນປະໂຫຍດຂອງປະຊາຊົນບັນດາປະເທດອາຊຽນ. ພ້ອມກັນນີ້, ອາຊຽນ ກໍຈະສືບຕໍ່ເສີມຂະຫຍາຍຄວາມເປັນເອກະພາບ ແລະ ຄວາມສາມັກຄີ ໃນການຮັບມືກັບບັນຫາທີ່ມີຄວາມເປັນຫ່ວງຮ່ວມກັນ ກໍຄື ສືບຕໍ່ເສີມຂະຫຍາຍທ່ວງທ່າທີດີ ຂອງການຮ່ວມມືກັບບັນດາຄູ່ເຈລະຈາອາຊຽນ ແລະ ຮັດແຫນ້ນຄວາມເປັນແກນກາງຂອງອາຊຽນ ໃນການພົວພັນກັບພາຍນອກ ກໍຄືໃນໂຄງສ້າງພາກພື້ນທີ່ພວມຜັນແປ.

 

ໃນໂອກາດນີ້, ກອງປະຊຸມຍັງໄດ້ປຶກສາຫາລື ກ່ຽວກັບ ກິດຈະກໍາເພື່ອສະເຫລີມສະຫລອງ ຄົບຮອບ 50 ປີ ຂອງການສ້າງຕັ້ງອາຊຽນ ໃນປີ 2017 ໃນດັບພາກພື້ນ ແລະ ຢູ່ພາຍໃນປະເທດສະມາຊິກອາຊຽນ. ນອກຈາກນີ້, ບັນດາເຈົ້າຫນ້າທີ່ອາວຸໂສອາຊຽນ ຍັງໄດ້ປຶກສາຫາລື ກ່ຽວກັບ ການຜັນຂະຫຍາຍຜົນຂອງກອງປະຊຸມສຸດຍອດອາຊຽນ ຄັ້ງທີ 28 ແລະ 29 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ທີ່ຈັດຂຶ້ນຢູ່ ນະຄອນຫລວງວຽງຈັນ ໃນເດືອນ ກັນຍາ 2016 ຜ່ານມາ.

 

ການເປັນປະທານອາຊຽນ ຂອງ ສປປ ລາວ ຈະສີ້ນສຸດລົງ ໃນວັນທີ 31 ທັນວາ 2016.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
115259
ມື້ນີ້52
ມື້ວານ94
ອາທິດນີ້212
ເດືອນນີ້2356
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710